-->

Friday, December 23, 2011

ශනි මාරුව පියවි ඇසින්

0

ශනි මාරුව පියවි ඇසින්

නාත්තන්ඩිය පී.ඩී. පෙරේරා

අපායෙත් ස්‌වර්ගයෙත් යතුර ඇත්තේ සෙනසුරු අතේ යෑයි කියමනක්‌ ඇත. එවන් ද්විත්ව චරිතයක්‌ රඟපාන ශනි ග්‍රහයා නොවැම්බර් 15 වැනිදා උදේ 9.26 ට සිකුරු හිමි තුලා රාශියට පැමිණ උච්චවීම බොහෝ දෙනාගේ ප්‍රීතියට කරුණක්‌ව ඇති බව පෙනීගොස්‌ ඇත. ශනි තුලාවට පැමිණීමෙන් පංච මහා පුරිෂයෝග වලින් එකක්‌ වන "සස" යෝගය උදාකිරීමට සමත්වේ. බටහිර දිසාවට දිග් බලය පතුරන ශනි මකර කුම්භ රාශි දෙකටම අධිපතිත්වයක්‌ දරයි. තුලා රාශියේ උච්ච වන අතර මේෂ රාශියේදී නීච බවට පත්වේ. තුලා ලග්න හිමියන්ට ශනි ලග්නයේ උච්ච වීම රජ තත්ත්වයක්‌ හිමිකරන අතර ධනු ලග්න හිමියන්ට පස්‌ වැන්නේ මේෂ රාශියේ නීච වීමත් ඒ හා සමාන බලයක්‌ ගොඩ නැගෙනු ඇත. ශනි මුල්ව ඒරාෂ්ඨක ලෙසත් යෙදෙන අතර අන් ග්‍රහයන්ට වඩා සෙනසුරුගේ ක්‍රියාකාරිත්වය එක එල්ලේ ශුභය අශුභය කීමට ඉක්‌මන් වීම ජ්‍යෙdතිෂයේ අනාගතය වීමට කරුණක්‌ ජ්‍යෙdතිෂ වේදීන් සිහියට ගත යුතුය. 

ශනි ගැන කතා රැසක්‌ ගෙතී ඇති අතර විශේෂිත රසකතාව වන්නේ රාවණගේ පුතා උපදින අවස්‌ථාවේ සියලු ග්‍රහයන්ට එකොළොස්‌වන රාශියට පැමිණ සිටින ලෙස රාවණගෙන් ආරාධනයක්‌ වීලු. ඒ වූ පරිදිම සියලු ග්‍රහයන් 11 වැන්නේ සිටියත් රාවණගේ පුත් උපත සිදුවන මොහොතේ සෙනසුරු ග්‍රහයා දොළොස්‌ වැන්නට තම වම්පය දැම්ම නිසා රාවණගේ කඩු පහරට ලක්‌ව වම් කකුලත් සොට්‌ටි වුණාලු. මේ විනෝද කතාවෙන් වුණත් ඔබ තේරුම් ගත යුත්තේ ශනි ශුභ ප්‍රතිඵල දිය යුතුම තැනදී වුවත් අශුභ පලත් දීමට දක්‌වන උනන්දුවේ තරමයි. දුකෙන් පිරුනු ලෝකයේ දුක පරම සත්‍ය බව ඔබට මට හැම විටම වැටහෙද්දී සියල්ල වෙනස්‌වන ලෝකයේ සෙනසුරු දැකුම්කළු සළු පිළි පළ¹ සැන් පවුඩර් දමා කලඑළියට ආවත් සෙනසුරුගේ සැබෑ ගතිය ලෝකයේ පවතින පරම සත්‍යයට පිටු නොපෑම බව ශනිගේ තුලා රාශි ගමන සිදුවන මොහොතේ සිහියට ගෙන කටයුතු කළොත් ශනිට පහන් දල්වා තමනුත් රැවටී ශනිත් රවටනවාට වඩා කාලෝචිත වන බව සැමට සහිපත් කරමි.

දැලි පිහියෙන් කිරි කනවා මෙන් ප්‍රවේශමෙන් පලාඵල කථනයට පිවිසිය යුතු ශනි මාරුව ඔබට බලපාන අයුරු පසුගිය නැකත මගින් පැවැසූ පරිදිම දැන් ඔබට බලපාන අයුරු ගලපාගත හැකිය.


උපුටා ගැනීම - http://www.divaina.com/2011/10/28/naka01.html

සාහිත්‍යයේ ඇති ඉතිහාසයේ නැති රාවණ චරිතය

0


සාහිත්‍යයේ ඇති ඉතිහාසයේ නැති රාවණ චරිතය

"ඉතිහාසයේ බැහැර කළ නොහැකි රාවණ චරිතය" යන හිසින් මිරැන්ඩෝ ඔබේසේකර මහතා විසින් ලියන ලද ලිපියක්‌ 2011.08.03 දිවයින බදාදා අතිරේකයෙන් කියවන්නට ලැබිණි. මූලාශ්‍ර 25 ක්‌ ඇසුරු කොට කරන ලද පර්යේෂණයක්‌ ලෙස ඉදිරිපත්ව තිබූ එම ලිපියේ ශාස්‌ත්‍ර්‍රSය අගය පිළිබඳ විමර්ශනයක්‌ කළයුතු යයි අප අදහස්‌ කළේ ලිපියේ මාතෘකාව අනුව රාවණ චරිතය ඉතිහාසයට බද්ධ වූවක්‌ ලෙස පාඨක සමාජයට හැඟීමක්‌ දී තිබූ නිසාත්, එම චරිතය පිළිබඳව පවත්නා ජනප්‍රියතාවය මත එහි ඓතිහාසිකත්වය තීරණය වන්නේය යන දුර්මතය ආධුනිකයන් අතට පත්කිරීමට කිසියම් උත්සාහයක්‌ දරා තිබූ නිසාත්ය.

යම් පුරාවෘත්තයක්‌ ඓතිහාසික සත්‍යයක්‌ ලෙස තහවුරු වන්නේ විද්වතුන්ට එකඟ විය හැකි සාක්‍ෂි මගින් එය සනාථ වූ අවස්‌ථාවකදීය. එසේ නොමැතිව එවැන්නක්‌ කෙතරම් දුරට ජනතාව අතර ජනප්‍රිය වුවත් එය පවතින්නේ ජනප්‍රවාදයක තත්ත්වයෙනි. උදාහරණයක්‌ වශයෙන් ඉන්දියාවේ ධර්මාශෝක අධිරාජයා පිළිබඳව බෞද්ධ හා ජෛන සාහිත්‍යයන්හි තිබූ තොරතුරු පුරාවිද්‍යාවෙන් මෙන්ම අපේ මහාවංසයෙන් ද සනාථ වීම නිසා එම රජු ඓතිහාසික වශයෙන් පිළිගැනීමට ලක්‌විය.

ජනප්‍රවාදයේ හෝ සාහිත්‍යයේ ඇතුළත් චරිතයක්‌ ඓතිහාසික ද යන වග තීරණය කිරීම බොහෝ දුරට අධිකරණයක සාක්‍ෂි විමසා ගනු ලබන තීරණයක්‌ හා සම කළ හැකිය. උසාවිය විසින් සිද්ධිය දුටු අයගේ ප්‍රකාශ, අධිකරණ වෛද්‍ය වාර්තා, අපරාධය සඳහා යොදාගත් අවි ආයුධ ආදී දෑ සාක්‍ෂි ලෙස පිළිගන්නා නමුත්, "අසවලා මට කිව්වා, අසවල් අයගෙන් මා දැනගත්තා" යනාදී වශයෙන් කෙනෙකු විසින් තව කෙනකුගෙන් අසා දැනගෙන දෙනු ලබන සාක්‍ෂි (Hearsay Evidence) පිළිගනු ලබන්නේ නැත. එසේම යම් සිද්ධියක්‌ පිළිබඳව තම මතය ප්‍රකාශ කරමින් "එය එසේ වන්නට ඇතැයි මා සිතනවා" යනුවෙන් කෙනෙකු දෙන සාක්‍ෂිය (Opinion) ද උසාවිය පිළිගන්නේ නැත. මේ බව සිත තබාගෙන ප්‍රස්‌තුත ලිපියේ, රාවණ චරිතය ඓතිහාසික වූවක්‌ බවට සාක්‍ෂි වශයෙන් දක්‌වා ඇති පහත සඳහන් ප්‍රකාශ පළමුව සලකා බලමු.

1. "මෑත ඉතිහාසයේ රාවණ රජතුමා ගැන තද විශ්වාසයෙන් සිටි විද්වතෙකි, ෂඩ්භාෂා පරමේශ්වර තොටගමුවේ ශ්‍රී රාහුල හිමිපාණෝ."

2. "මෑත යුගයේ සිටි මහා ඉතිහාසඥයකු වූ මහාචාර්ය හාන්දු, පැල්පොල පුඤ්ඤරතන නාහිමිපාණෝ ද රාවණ රජු ගැන භක්‌තියක්‌ තිබුණු ඉතිහාසඥයෙකි."

3. "කතළුව අටදානවත්ත වලව්වේ රාජකීය පණ්‌ඩිත දොන් කොන්ස්‌ටන් ඔබේසේකර රාවණ රජු ගැන මෙසේ කියා ඇත. රාවණ ඇත් හා හෙළ දැයේ මී මුත්තා, දස බලය ඇත්තා ලොවේ මහ විකුමැත්තා"

4. "වි.ජ.මු. ලොකුබණ්‌ඩාර අධිනීතිඥතුමා රාවණ ගැන මෙසේ පවසා ඇත. රාවණ කියන්නේ ඉතා හොඳ පූජනීය කෙනෙක්‌..."

5."හෙළ හවුලේ නායක ගුරුදෙවි කුමාරතුංග මුනිදාස සූරීන් රාවණ චරිතය බහුමානයෙන් විමර්ශනයට ලක්‌කළ අග්‍රගණ්‍ය පඬුවෙකි."

6."අලව්ඉස සැබිහෙළයෝද, කුමරතුඟු ගෝලබාලයන් වූ මහකවි රැපියෙල් තෙන්නකෝන්, මහානාම දිසානායක, ජයන්ත වීරසේකර, අරීසෙන් අහුබුදු ආදී විද්වතුන්ගේ සම්භාවනාවට රාවණ රජතුමා ලක්‌වූ බැව් අපි දනිමු."

රාවණ චරිතය සම්බන්ධයෙන් මෙම අයගේ විශ්වාසය.

භක්‌තිය, පූජනීයත්වය, සම්භාවනාව එම අයට පෞද්ගලිකය. ඒ කිසිවක්‌ රාවණ නමින් රජ කෙනකු සිටි බව තහවුරු කෙරෙන සාධක නොවේ. එබැවින් ඒවා අප ඉහත දැක්‌වූ දෙවන වර්ගයේ සාක්‍ෂි ලෙස සලකා ඉවත දැමීමට සිදුවේ. එසේම පුවත්පත් හෝ රූපවාහිනි වෙළෙඳ දැන්වීම්වල ප්‍රසිද්ධ නළු නිළියන්, ක්‍රීඩකයන් වැනි අය යම් යම් ආහාර පාන වර්ගවල රස ගුණ ගැන කරන වර්ණනාවන් සිහිගන්වන එම ප්‍රකාශවලින් පෙනී යන තවත් කරුණක්‌ නම් ලේඛක මහතා සඳහන් කරන පර්යේෂණය රාවණයන් පිළිබඳව කෙරෙන හුදු ප්‍රශස්‌තියක්‌ පමණක්‌ බවය.

තොටගමුවේ ශ්‍රී රාහුල මාහිමියන්ගේ සැළලිහිණි සංදේශයේ සඳහන් "තුන්ලෝ" තමා නතුකළ රවුළු සොහොවුරු "නමැති කවියෙන් අනාවරණය වන්නේ රාවණයන්ගේ ඓතිහාසිකත්වය නොව කවිය ලියූ රාහුල මාහිමියන්ගේ අසීමිත දේව භක්‌තියයි. තුන්ලෝකානු, ෙත්‍රෙලෝක්‍යතිලක, තිලෝගුරු, ත්‍රිභුවනවිදත යනාදී වශයෙන් බුදුන්වහන්සේට යොදනු ලබන විශේෂණ පදවලට සමානව "තුන්ලෝ තමා නතුකළ" යනුවෙන් රාවණ රජුට යොදා රාවණ බුදුන්ට සම කිරීමෙන් ද විභීෂණ දෙවියන් තුන්කල් දන්නා බුදුන් සේ සලකා එම දෙවියන් පාමුල තුන්වරක්‌ම වැඳ වැටීමෙන් ද එම දේව භක්‌තිය අනාවරණය වෙයි.

එසේම අඹන්වැල්ලේ ශ්‍රී පඤ්ඤාශේඛර හිමිපාණන් ද තමන් කිසිදා නුදුටු රාවණගේ නොදිරන මළ සිරුර නුවරඑළියේ කඳුකරයේ ඇතැයි යන මුසාවක්‌ පුවත්පතකට ලිවීමෙන් පෙන්වා ඇත්තේ තම චරිත ස්‌වභාවය මිස රාවණ යනු ඓතිහාසික චරිතයක්‌ බව නොවේ. එය "කෙප්පයක්‌" බවට මහාචාර්ය සෙනරත් පරණවිතානයන් විසින් දක්‌වන ලද විරෝධය පිළිබඳව කිසිදු පිළිතුරක්‌ නොදීමෙන් ඔබේසේකර මහතා ද එය පිළිගෙන ඇති බව පෙනේ.

වගකීමෙන් ඇඟ බේරාගෙන මූලාශ්‍ර ඉදිරිපත් කිරීමේ අපූරු ක්‍රමයක්‌ ඔබේසේකර මහතා තම පර්යේෂණයේදී අනුගමනය කර ඇති සැටි ද අපගේ විමර්ශනයට ලක්‌විය.

(I) බද්දේගම විමලවංස අනුනායක හිමිපාණන් සිළුමිණ 1991 නොවැ. 17 පත්‍රයට සපයා ඇතැයි කියන ලිපියක්‌ අනුසාරයෙන් ඉදිsරිපත් කර ඇති එක්‌ සාධකයක්‌ මෙසේය. "දම්පියා අටුවා ආදී පොත් යක්‍ෂ ජනතාව හඳුන්වා දී ඇත්තේ හෙළ යන නමිනි. දම්පියා අටුවාවේ පැහැදිලිව කියන්නේ මෙරට ආදි ජනතාව හෙළයන් බවය. යක්‍ෂ නාග දෙපිරිසම කතා කළේ හෙළ බසිනි."

මේ කියන පොතේ එවැනි සඳහනක්‌ තිබේ නම් එම පොතෙන් එය කෙළින්ම උපුටා දැක්‌වීමට ඔබේසේකර මහතාට බාධාවක්‌ නැත. එහෙත් එතුමා එසේ නොකර එම සාක්‍ෂිය දෙවැනි පාර්ශ්වයකින් ලබාගත්තේ ඇයි? මේ පිළිබඳ සත්‍ය තත්ත්වය මෙසේය. දම්පියා අටුවාව නමින් පොතක්‌ නැත. දැනට ඇත්තේ "දහම්පියට කළ අටුවා සන්නසය" නමැති පොතය. එහි කොතැනකවත් යක්‍ෂයන් හෙළයන් ලෙස හඳුන්වා දී නැත. එසේම යක්‍ෂ නාග දෙපිරිස හෙළ බස කතා කළ බවක්‌ ද එහි සඳහන්ව නැත. ඒ අනුව ඔබේසේකර මහතා විසින් කර ඇත්තේ විමලවංස හිමියන් විසින් කරුණු විකෘති කර දක්‌වන ලද පුවත්පත් ලිපියක්‌ තම පර්යේෂණය සඳහා වාසියට යොදා ගනු ලැබීමය. බද්දේගම විමලවංස හිමියන් ලියූ බොරුව ඔබේසේකර මහතාට ඉතිහාස මූලාශ්‍රයක්‌ වූ සේම ඔබේසේකර මහතාගේ බොරුව ද නූතන පාසල් සිසුනට මූලාශ්‍රයක්‌ වුවහොත් එය බොරුවෙන් බොරුව තහවුරු කිරීමේ ඉතිහාස සම්ප්‍රදායක්‌ බවට පත්වනු ඇත.

(II) බළලුන් ලවා කොස්‌ඇට බාවා ගැනීමේ උපක්‍රමයට සමාන තවත් එවැනි සාක්‍ෂියක්‌ මෙසේය. "උතුරු දේශයට අධිපති වූයේ යක්‍ෂ ගෝත්‍රික වෛශ්‍රවණය. යක්‍ෂ, නාග, දේව, පිසාච් ගෝත්‍රිකයන් ලක්‌දිව විසූ බැව් මහාවංසයට සියවසකට පෙර ලියන ලද දීපවංසයේ සඳහන් වේ" යනුවෙන් පැවසෙන පාඨය උපුටා ගෙන ඇත්තේ කර්තෘවරයාගේ නම පවා සඳහන් කර නැති "ශ්‍රී ලංකාවේ ශිෂ්ටාචාරය" නමැති පොතකිනි. ලංකාවේ උතුරු දේශයට අධිපති වූයේ වෛශ්‍රවණය යනු අදහසක්‌ දීපවංසයේ තිබේ නම් එය මූලාශ්‍රයක්‌ වශයෙන් එම පොතින් කෙළින්ම උපුටා දැක්‌වීමට තිබූ බාධාව කුමක්‌ද?

(III) සතර වරම් මහ දෙවිවරුන් පිළිබඳව ඔබේසේකර මහතා විසින් ඉදිරිපත් කරනු ලැබ ඇත්තේත් එවැනිම දෙවන පාර්ශ්වයේ සාක්‍ෂියකි. සතර වරම් දෙවි රජවරුන් පිළිබඳව අපට ඇති හොඳම නිරවුල් මූලාශ්‍රය පිරිත් පොතේ "මහා සමය" සූත්‍රයයි. එසේ තිබියදී කපුගම්පොත ආනන්ද මෛත්‍රය නමැති හිමිනමක්‌ විසින් ලියන ලද "දහම් එළිය" නමැති මෑතකාලීන පොතකින් උපුටාගත් පින් පැමිණවීමේ ගාථා හතරක්‌ මගින් අපට සතරවරම් මහරජවරුන් හඳුන්වා දී ඇත. මෙසේ කර ඇත්තේ එක්‌තරා හේතුවක්‌ නිසාය. මහාසමය සූත්‍රයට අනුව සතරවරම් දෙවිවරුන් පමණක්‌ නොව එම එක්‌ එක්‌ දෙවියකුගේ පාලනය යටතේ සිටි යක්‍ෂ, කුම්භාණ්‌ඩ, ගන්ධබ්බ සහ නාගයෝ මිනිස්‌ ඇසට නොපෙනෙන අමනුෂ්‍ය පිරිසක්‌ වූහ. එම සූත්‍රයේ විස්‌තර වන පරිදි බුදුරජාණන් වහන්සේ කිඹුල්වත්පුර අසල මහ වනයෙහි රහත් භික්‍ෂූන් පන්සිය නමක්‌ පිරිවරා වැඩ වාසය කරන කල්හි යට කී වරම් රජ දරුවන් ප්‍රධාන දිව්‍ය බ්‍රහ්ම සේනාව එහි පැමිණියේ බුද්ධ ප්‍රමුඛ භික්‍ෂු සංඝයා දැක ගැනීම පිණිසය. ඒ අවස්‌ථාවේ බුදුරජාණන් වහන්සේ භික්‍ෂූන් අමතා එම දිව්‍ය සේනාව දැකබලා ගැනීම සඳහා දිව්‍ය ඥනය ලබාගන්නා ලෙස වදාළහ. ඒ මෙසේය.

"දේවකායා අභික්‌කන්තා

තේ විජානාථ භික්‌ඛවෝ

තේච ආතප්පමකරුං

සුත්වා බුද්ධස්‌ස සාසනං"

මහණෙනි දිව්‍ය සමූහයා රැස්‌වූවාහුය. ඒ දේව සමූහයා මනා කොට දිවැසින් දකිව්. ඒ භික්‍ෂුහුද බුදුරදුන්ගේ හස්‌න අසා වීර්ය වැඩුවාහුය.

තේසං පාතුරහු ඤාණං

අමනුස්‌සාන දස්‌සනං

අප්පේකේ සතමද්දක්‌ඛුං

සහස්‌සං අථ සන්තතිං

ඒ භික්‍ෂූන්ට අමනුෂ්‍යයන්ගේ දැකීම ඇති දිව්‍ය ඥනය පහළ විය. ඇතැම් රහත්හු අමනුෂ්‍යයන් සියයක්‌ දුටහ. ඇතැම් රහත්හු දහසක්‌ ද නැවත සැත්තෑ දහසක්‌ ද දුටහ.

සතං ඒකේ සහස්‌සානං

අමනුස්‌සාන මද්දසුං

අප්පේකේනන්ක මද්දක්‌ඛුං

දිසා සබ්බා ඵුටා අහු

ඇතැම් රහත්හු දේවාදී අමනුෂ්‍යයන් සියක්‌ දහසක්‌ දුටහ. සමහර රහත්හු අප්‍රමාණ දිව්‍ය බ්‍රහ්මයන් දුටහ. කෙසේද? සියලු දිසාවෝ දෙවි බඹුන්ගෙන් පිරී ගියහ.

මෙපරිදි සතරවරම් දෙවිවරුන් ඇතුළු කුවේරාදී යක්‍ෂයන් ද කුම්භාණ්‌ඩයන් ද, ගන්ධබ්බයන් ද ,නාගයන්ද, අමනුෂ්‍යයන්ය යන කාරණය සඟවා මනුෂ්‍යයන් ලෙස දැක්‌වීමේ අරමුණ ඇතිව ඔබේසේකර මහතා විසින් මහා සමය සූත්‍රය සිතා මතාම අමතක කර ඇති බව පෙනේ. රාවණගේ පරපුර මනුෂ්‍යයන් නොවන බවට හොඳම සාක්‍ෂිය ඔහුගේ ආදිම මුත්තා වන මහා බ්‍රහ්මයා මනුෂ්‍යයකු ලෙස සඳහන් නොවීමය.

රාවණ පෙළපත ගැන කරුණු දක්‌වන ඔබේසේකර මහතා ඇතැම් තැනක එකිනෙකට පරස්‌පර සාක්‍ෂි ද ඉදිරිපත් කරයි. සතරවරම් මහරජවරුන් වන වෛශ්‍රවණ, විරූඪ, ධ්‍රතරාෂ්ට්‍ර, විරූපාක්‍ෂ යන අය පිළිවෙළින් උතුරු, දකුණු, නැගෙනහිර සහ බටහිර දිසාවන්ට අධිපති බව කපුගම්පොත ආනන්ද මෛත්‍රිය හිමියන්ගේ පොතින් උපුටා දක්‌වන එතුමා, ලිපියේ තවත් තැනක "Ravana The Great" නමැති පොතින් ගෙනහැර දක්‌වන්නේ ලෝකයේ දකුණු දෙස යම විසින් ද බස්‌නාහිර වරුණ විසින්ද ආරක්‍ෂා කරන බවය. එසේම විභීෂණ නාග ගෝත්‍රික මාලනී කුමරියගේ පුත්‍රයා යයි ආරියදාස සෙනෙවිරත්න සූරීන් විසින් කියා ඇති බවට "ලංකා රාවණ රාජධානිය" නමැති පොතපතින් ගෙනහැර දක්‌වන එතුමා තවත් තැනක සඳහන් කර ඇත්තේ විභීෂණ යනු කුවේරගේ තුන්වන බිරිඳ වූ කෙකසී ගේ පුත්‍රයකු බවය. මෙයින් පෙනී යන්නේ මෙම චරිත කලින් කලට සාහිත්‍යයට එකතුවූ ආගමික සංකල්ප පමණක්‌ බව නොවේද?

රාවණ රජතුමා සත්‍ය චරිතයක්‌ වී නම් ඔහු ජීවත් වූයේ ඉන්දියාවේ ද ලංකාවේද යන ප්‍රශ්නයට දෙපිලකට බෙදී මත ප්‍රකාශ කරන විද්වතුන්ගේ නාම ලේඛනයක්‌ මිස වෙනත් සාක්‍ෂියක්‌ ඉදිරිපත් කිරීමට ඔබේසේකර මහතාට හැකිවී නැත. රාවණ ජීවත් වූ කාලය නිශ්චය කිරීමේ දී ඒ පිළිබඳ කියා ඇත්තේ "ජාතක පොත ලිවීමට වසර දසදහස්‌ ගණනාවකට පෙර රාමායනය ලියවී ඇති" බවය.

රටක ආගමික සාහිත්‍යයේ හෝ ජනප්‍රවාදයේ එන රාජ චරිතයක්‌ ඓතිහාසික ලෙස පිළිගැනීම සඳහා එම චරිතය ජීවත්වූ කාලය හා රාජධානිය ඇතුළු අවශ්‍යතා ගණනාවක්‌ සම්පූර්ණ විය යුතුය. අප ඉහත සඳහන් කළ පරිදි ඉන්දියාවේ ධර්මාශෝක චරිතය හෝ ලංකාවේ මහා පරාක්‍රමබාහු වැනි චරිතයක්‌ ගැන සලකා බලන විට ඒවා ඉතිහාසයට බද්ධවී ඇත්තේ එම රූප රාමු ඒවාට අයත් ස්‌ථාන වලින් ගලවා ඉවත් කළ නොහැකි ආකාරයෙන් බව ඉතා පැහැදිලිය. එම රජවරුන්ට ආසන්න පූර්වයෙහි ද රජවරු සිටියහ. අනුප්‍රාප්තිකයෝද වූහ. සේනාධිපතිවරුන් සහිත හමුදාවෝ වූහ. සටන් පිළිබඳ වාර්තා මූලාශ්‍ර මගින් සනාථවී ඇත. පාලිත ජනතාවක්‌ සහ එම ජනතාවගේ සහජීවනය සඳහා රජතුමා විසින් දරන ලද ප්‍රයත්නයන් සාක්‍ෂි මගින් තහවුරු වී ඇත. එම ජනතාවගේ භාෂාව, ආගම, සංස්‌කෘතිය, නීතිය හා සාමය පිළිබඳ රජුගේ මැදිහත්වීම රාජ්‍යයේ පැවති ලේඛන කලාව එම ලේඛන කලාව උපයෝගී කරගෙන රජතුමා මහජනයා සමඟ පැවැත්වූ සංනිවේදනය, ජාත්‍යන්තර සබඳතා, වාණිජ කටයුතු ආදී සියල්ල ශිලාලේඛන ඇතුළු පිළිගත හැකි සාක්‍ෂි මගින් තහවුරු වී ඇත.

එහෙත් රාවණ චරිතය ඓතිහාසික ලෙස හඳුනා ගැනීම සඳහා ඔබේසේකර මහතා ඉදිරිපත් කරන සාක්‍ෂි වල තත්ත්වය කුමක්‌ද? රාවණ රජු මහා බ්‍රහ්මයා ගෙන් පැවත එතැයි කියන නමුත් මහා බ්‍රහ්මයාගේ සිට රාවණ දක්‌වා එම පරපුරේ පිය පාර්ශ්වයේ මුතුන් මිත්තන් ජීවත්වූ ස්‌ථාන හා කාල පරාසයන් සාක්‍ෂි මගින් සනාථ කිරීමට නොහැකිව ඇත. එතුමා පවසා ඇත්තේ රාමායනය අවුරුදු දස දහස්‌ ගණනකට පෙර ලියන ලද බව පමණයි. මහා බ්‍රහ්මයාගේ පුත් පුලස්‌ති සෘෂිවරයා රාවණ පරපුරේ ආදි පුරුෂයා ලෙස රාමායනය ඇතුළු මූලාශ්‍ර රැසක සඳහන්ව ඇති බව පවසන ඔබේසේකර මහතා මෙම පිරිස යක්‍ෂ, නාග, දේව, ගන්ධබ්බ ආදී සිවුමහ හෙළයන් සම්මිශ්‍ර වූ පරපුරක්‌ ලෙස සිතිය හැකි යෑයි පවසා ඇත. එක්‌ එක්‌ අය සිතන දේ ඉතිහාසය නොවේ. සිවුමහ හෙළයන් පිළිබඳ සංකල්පය හෙළ හවුල බිහිවීමෙන් පසුව ඇතිවූවක්‌ මිස ඊට පෙර පැවැති ව්‍යවහාරයක්‌ නොවේ.

භාරතීය පුරාණ ග්‍රන්ථ සාහිත්‍යය අනුව කුවේර සහ ඔහුගේ දරු පරපුර රාක්‍ෂයෝ වෙති. රාමායනය අනුව රාවණ ද රාක්‍ෂයෙකි. නමුත් ඔහු සිංහලයකු ලෙස කුලවැද්දීම සඳහා අපේ රටට "සිංහලේ" යන නාමය යෙදී ඇත්තේ ප්‍රාග් ඓතිහාසික යුගයේ ලක්‌දිව කුරුඳු වගාව බෙහෙවින් ජනප්‍රිය වී තිබුණු නිසා බව ආචාර්ය ඇනස්‌ලි හර්මන් මිරැන්ඩෝ කියා ඇතැයි "සිංහලයන්ගේ මූලාරම්භය" නමැති පොතකින් උපුටා දක්‌වයි. ඊට සාධක වශයෙන් සංස්‌කෘත භාෂාවේ කුරුඳු හැඳින්වෙන්නේ "සිංහල" නමින් බව සරස්‌වතී නිඝණ්‌ඩුවේ සඳහන් වන බවත් "තම්බපන්නී" නාමය ද කුරුඳු දලුවලින් පැමිණි නාමයක්‌ බවත් එම පොතේම සඳහන් වන බවද පවසයි.

ඉන්දියාවේ මලබාර් වෙරළ ප්‍රදේශයේද, නැගෙනහිර ඉන්දියා දූපත් වලද කුරුඳු වැවෙන බව සිංහල විශ්ව කෝෂය කියයි. ඒ නිසා එය ලංකා දිවයිනට සීමාවූවක්‌ නොවේ. ආයුර්වේද පොත් අනුව කුරුඳුවලට සංස්‌කෘත බසින් ව්‍යවහාර වන්නේ "තවක්‌" සහ "තමාල" යන වදන්ය. ප්‍රාග් ඓතිහාසික යුගයේ ලංකා දිවයිනේ කුරුඳු වගා කළ බවක්‌ පර්යේෂණ වලින් තවම අනාවරණය වී නැත. පෘතුගීසින් පැමිණ ඉන්දියාවෙන් කුලීකරුවන් ගෙන්වා වතු වගාවක්‌ වශයෙන් කුරුඳු වවන තුරු මෙහි තිබී ඇත්තේ කැලයේ ඉබේ වැවුණු කුරුඳුය. කුරුඳු අපනයනය නිසා මේ රට කුරුඳු වලට ප්‍රසිද්ධ වී ඇත්තේ 12 වන සියවසේදී පමණ සිටය. මෙම කුරුඳු අනුව "සිංහල" නාමය කුරුඳු නිසා ඇතිවූවක්‌ බව පිළිගැනීම අපහසුය. කිසියම් රටකින් අපනයනය කරන ද්‍රව්‍ය එම රටේ හෝ ප්‍රදේශයේ නාමයෙන් හැඳින්වීම වාණිජ චාරිත්‍රයකි. කලකට ඉහත අප රටේ වෙළෙඳසල් වල බිල්පත්‍ර වල පරිප්පුවලට "මයිසූර්" කියාත් ලොකු ළුEනු වලට "බොම්බෙ" කියාත්, රතුළුEනු වලට "පොන්ඩිචෙරි" කියාත් ලියෑවුණු බව වැඩිහිටියන්ට මතක ඇත. පුරාණ පර්සියානුන් කපුරෙදි වලට "ඉන්දු" කියා කීමෙන් යුරෝපීයයන් පිඟන් බඩු වලට "චයිනා" කියා ව්‍යවහාර කළේත් ඒ අනුවය. ඒ අනුව ලංකා කුරුඳුවලට ඉන්දියාවේ දී සිංහල යනුවෙන් යෙදෙන්නට බැරි කමක්‌ නැත. "තම්මැන්නා" යන නාමය කුරුඳු දලු නිසා ඇති වූයේය යන මතය පිළිගත නොහැක්‌කේ ලංකාවේ වයඹ සහ උතුරු මැද පළාත් දෙකෙහි බහුල ලෙසත් අනෙක්‌ ප්‍රදේශවල සුළු වශයෙනුත් වැවෙන "තම්මැන්න" නමැති ගස්‌ වර්ගයක්‌ ඇති නිසාය. "Mischoden Zeylanica" යන උද්භිද නාමයෙන් හැඳින්වෙන එම ශාකයේ දලු තඹ පැහැයෙන් යුතු වන අතර දැවය දර සඳහා භාවිත කෙරේ. මෙකල එය බොහෝ දුරට වඳවීමට ලක්‌ව තිබේ. මේ පිළිබඳ විස්‌තරයක්‌ පසුගිය සියවසේ පළමු "ඥනාදර්ශය" සඟරාවේ පළවී තිබිණ.

රාවණගේ රාජධානිය තිබූ තැන පෙන්වීමට නොහැකි නිසා කාශ්‍යප රජුගේ සීගිරියට හොර ඔප්පු ලිවීමේ වැඩසටහනක අංගයක්‌ ලෙස එහි වාස්‌තු විද්‍යාඥයා රාවණගේ මාමණ්‌ඩිය යයි කියනු ලබන දානව වාර්ගික මායා නමැත්තකු බව සඳහන් කරනු ලැබ ඇත. රාමායනය අනුව රාවණගේ රාජධානිය තිබී ඇත්තේ ත්‍රිකූට නම්වූ පර්වතයක්‌ මස්‌තකයෙහිය. මුදුන් තුනක්‌ සහිත එය අති විශාල පර්වත පංතියක්‌ විය යුතුය. ඒ නිසා එය සීගිරි විය නොහැකිය. රාවණ රජු පුෂ්පක නම් වූ යානයකින් සීතා රැගෙන අහසින් ගිය බවට රාමායනයේ ඇති වර්ණනය පදනම් කරගෙන රාවණ යුගයේ ගුවන් යානා පිළිබඳ කතිකාවක්‌ මෑතකදී ප්‍රසිද්ධියට පත්ව ඇත. එම තොරතුරු ද අබේසේකර මහතාගේ පර්යේෂණයට ඇතුළත්වී තිබේ. පක්‍ෂීන් අහසේ පියඹා යන සැටි දකින ආදි මිනිසාගේ සිටම අහසින් යාමේ සිහිනයක්‌ මිනිසුන් අතර විය. ජනප්‍රවාද සාහිත්‍යයෙහි එවැනි කතා නිර්මාණය කිරීමෙන් ඔවුහු මානසික තෘප්තියක්‌ ලැබුවෝය. පියාඹන අශ්වයන්, සිංහයන් හා ගවයන් ගැනත් ඔවුන් පිට නැගී ගිය චරිත ගැනත් විශාල පක්‍ෂීන් ගේ පාදවල එල්ලී රටින් රට ගිය පුද්ගලයන් ගැනත් විවිධ රටවල කතාන්තර ගෙතුණේ එම උපකල්පනය නිසාය. වඩුවකු විසින් තනාදෙනු ලැබූ දඬු මොනරයක නැගී ගොස්‌ විවිධ දස්‌කම් දැක්‌වූ රජකුමරකු පිළිබඳ පුවතක්‌ අපේ ජාතක කතාවකද ඇත. මේ අනුව වාල්මිකී විසින් රාමායණ කතාපුවතින් මහා කාව්‍යයක්‌ ලිවීමේදී රාවණ යනු බලසම්පන්න රජෙකු ලෙසත් පුෂ්පක නම් යානයකින් සීතා කුමරිය පැහැරගෙන අහසින් ගිය බවත් ලියන ලද්දේ කතා රසය තීව්‍ර කිරීම සඳහාය. රාවණාගේ ලංකාපුර නමැති රාජධානිය පිහිටියේ යෑයි කියන ත්‍රිකූට නමැති පර්වතයද කල්පිත ස්‌ථාන නාමයකි. එය සමුද්‍රයෙන් එපිට පිහිටා තිබුණු බව උපකල්පනය කළේ සීතා සොයා ගිය රාමගේ චාරිකාව වඩාත් දුෂ්කර එකක්‌ බවට පත්කරනු සඳහාය. එම ගමන් මාර්ගයේ පිහිටි ස්‌ථාන ලෙස වාල්මිකී සඳහන් කරන කඳු පර්වත ආදී සමහරක්‌ යොමුවී ඇත්තේ අපේ රට දෙසට නොවේ. වාල්මිකී විසින් කල්පිතව නිර්මාණය කරන ලද "ලංකාපුරය" සිංහලද්වීපය වැසියන් විසින් තමන්ගේ දිවයින ලෙස භාරගෙන ඊට ලංකා යන නාමය ව්‍යවහාරයට ගනු ඇතැයි වාල්මිකී බලාපොරොත්තු නොවීය. එසේම තමන් නිර්මාණය කළ ගුවන් ගමන පිළිබඳ ප්‍රවාදය අනුව "පුෂ්පක" යානය යනු සත්‍ය ගුවන් යානාවක්‌ ලෙස සලකා අනාගතයේ දී යම් යම් පුද්ගලයන් විසින් එහි රූ සටහන් ඇඳ පොත පත ලියනු ඇතැයි ද ඔහු බලා පොරොත්තු නොවීය.

යම් ලෙසකින් වාල්මිකී සෘෂි වරයා අද දක්‌වාත් ජීවත්ව සිටියේ නම් අපේ රටේ මෑත කාලීන උගතුන් විසින් රාවණ ගේ ගුවන් යානා ගැන කියන කියන දේ දැක බලා ඔහු මවිතයට පත්වනු නොඅනුමානය. රාවණගේ ගුවන් යානා ගැන ඔබේසේකර මහතා ලියා ඇති කිසිවක්‌ සාක්‍ෂි මගින් තහවුරු නොවන නිසා ඒ කිසිවක්‌ ඉතිහාසය ලෙස සැලකීමට නුපුළුවන.

බැබිලෝනියානු ශිෂ්ටාචාරයෙන් මතුවූ බව කියන මැටි පුවරුවල සඳහන් කිසිවක්‌ රාවණ පුරාවෘත්තියට අදාළ නොවන නිසා ඒ ගැන සාකච්ඡා කිරීම අනවශ්‍යය. එහෙත් රාවණ සෙල්ලිපි පිළිබඳ කර ඇති ප්‍රකාශ පිළිබඳ කෙටියෙන් හෝ අදහස්‌ දැක්‌විය යුතුව ඇත. රාවණගේ සෙල්ලිපි සියයක්‌ පමණ හරිහැටි කියවා නැති බවත්, රිටිගල සෙල්ලිපි රැසක්‌ කියවා නැති බවත් රාවණ සෙල්ලිපි විශාල ප්‍රමාණයක්‌ විනාශ කර ඇති බවත් ලිපියේ සඳහන්ව ඇත. හරිහැටි නොකියවූ හා කොහෙත්ම නොකියවූ ලිපි රාවණගේ යෑයි නිගමනය කළේ කෙසේද? එසේම විනාශ වූ ලිපි රාවණ විසින් ලියවන ලද ඒවා බව දැන ගන්නේ කුමන විද්‍යාවකින්ද? කිසියම් සෙල්ලිපියක රාවණා හෝ රාවණ යන නාමය තිබුණු පමණින් එය රාමායණයේ රාවණ විසින්ම ලියන ලද ලිපිය ලෙස නිගමනය කළ හැකිද?

රාවණගේ ශාස්‌ත්‍රීය සේවය ලෙස දැක්‌වෙන කරුණු උපුටා ගෙන ඇත්තේ "රාවණ කථා" නමැති පුස්‌කොල පොතකින් බව පැවසේ. මෙය මෑත කාලයේ ලියන ලද අප්‍රසිද්ධ පොතකි. රාවණගේ වචනයේ පරිසමාප්තාර්ථයෙන්ම මහා ශාස්‌ත්‍රවන්නයකු බවත්, ඔහු විසින් සාම වේදයේ එක්‌ කොටසක්‌ ලියන ලද බවත් සංස්‌කෘත වෛද්‍ය ග්‍රන්ථ ගණනාවක්‌ ලියන ලද බවත් පැවසේ. එම විස්‌තරය අනුව අප සිත් තුළ මැවෙන්නේ ඉතා ශිෂ්ට සම්පන්න, ඉවසන සුළු, බුද්ධිමත්, තැන්පත් චරිතයකි. එවන් පුද්ගලයකු කුමන හේතුවක්‌ නිසාවත් අනුන්ගේ තරුණ භාර්යාවක්‌ පැහැරගෙන විත් සඟවා තැබීමෙන් ස්‌ත්‍රී අපහරණ අපරාධයකට පෙළඹෙතැයි විශ්වාස කළ හැකිද?

විජයපාල වීරවර්ධන
  
උපුටා ගැනීම - http://www.divaina.com/2011/09/07/badada03.html



රාවණගේ උට්ඨානය

0

2012 ලෝක විනාශය හෙවත් රාවණගේ උට්ඨානය


සුපර්ණිකාගේ අගනුවර

0

සුපර්ණිකාගේ අගනුවර



රන්දිව පුවත්පතෙන්





ලොව මුල්ම අධිරාජය්‍යා ලංකාවේ ගොවියෙක්

0


ලොව මුල්ම අධිරාජය්‍යා ලංකාවේ ගොවියෙක්




රන්දිව පුවත්පතෙන්

Tuesday, December 20, 2011

ඝෘෂි පාලක පෙළපතට අයත් රාවණ රජු

0


ආචාර්ය සූරිය ගුණසේකරයන් නවතම ලිපිපෙළ රිවිර පුවත්පත 4

උපුටා ගැනීම - http://www.rivira.lk/2011/12/18/rividahara8.htm


Wednesday, December 14, 2011

දසිස් රාවණ විසින් රචිත ශිව තාන්ඩව ස්ත්‍රෝත්‍රය

0

  1. ජටාටවී ගල ජ්ජල ප‍්‍රවාහ පාවිත ස්ථලේ
    ගලේ අවලම්භ්‍ය ලම්බිතාම් භුජංග තුංග මාලිකාම්
    දම ධම දම ධම නිනාදව ධමර්වයම්
    ඡකාර චණ්ඩ තාන්ඩවම් තනොතු නා ශිව ශිවම්
    With his neck, consecrated by the flow of water flowing from the thick forest-like locks of hair, and on the neck, where the lofty snake is hanging garland, and the Damaru drum making the sound of Damat Damat Damat Damat, Lord Siva did the auspicious dance of Tandava and may He shower prosperity on us all.
  2. ජටා කටාහ සම්බ‍්‍රමබ‍්‍රම නිලිම්ප නිර්ජරී
    විලෝල වීචි වල්ලරී විරාජ මාන මුර්ධනී
    ධග ධග ධග ජ්ජ්වලල් ලලාට පට්ට පාවකේ
    කිෂෝර චන්ද්‍ර ශේකරේ රති ප‍්‍රති ක්‍ෂනම් මමා
    I have a very deep interest in Lord Siva, whose head is glorified by the rows of moving waves of the celestial river Ganga, agitating in the deep well of his hair-locks, and who has the brilliant fire flaming on the surface of his forehead, and who has the crescent moon as a jewel on his head.
  3. ධරා ධරෙන්ද්‍ර නන්දිනී විලාස බන්ධු බන්ධුරා
    ස්ඵුරදිගන්ත සන්තති ප‍්‍රමෝධ මාන මානසේ
    කෘපා කටක්‍ෂ ධොරනී නිරුද්ධ ධුර්ධරාපදි
    ක්‍වචි දිගම්බරේ මනෝ විනෝධුමේතු වස්තුනී
    May my mind seek happiness in the Lord Siva, in whose mind all the living beings of the glorious universe exist, who is the sportive companion of Parvati (daughter of the mountain king), who controls invincible hardships with the flow of his compassionate look, who is all-persuasive (the directions are his clothes).
  4. ජටා භුජංග පිංගල ස්පුරත් ප‍්‍රණා මණි ප‍්‍රභා
    කදම්භ කුම්කුම ධ‍්‍රැව ප‍්‍රලිප්ත දිග්වධූ මුඛේ
    මධංග සින්ධුර ස්ඵුරත්වගු උත්තරීය මේධුරේ
    මනෝ විනෝධමද්බුතම් බිභර්තු භූත භර්තරී
    May I seek wonderful pleasure in Lord Siva, who is supporter of all life, who with his creeping snake with reddish brown hood and with the luster of his gem on it spreading out variegated colors on the beautiful faces of the maidens of directions, who is covered with a glittering upper garment made of the skin of a huge intoxicated elephant.
  5. සහස‍්‍ර ලෝචන ප‍්‍රභුත්‍යශේෂ ලේඛ ශේඛරා
    ප‍්‍රසූල ධූලි ධෝරනී විධු සරංග‍්‍රි පීධභූ
    භුජංගරාජ මාලයා නිබද්ධ ජාධ ජූටකා
    ශ‍්‍රියය් චිරාය ජායතම් චකෝර බන්ධු ශේඛරා
    May Lord Siva give us prosperity, who has the moon (relative of the Cakora bird) as his head-jewel, whose hair is tied by the red snake- garland, whose foot-stool is grayed by the flow of dust from the flowers from the rows of heads of all the Gods, Indra/Vishnu and others.
  6. ලලාට චත්වරා ජ්වලධනම් ජය ස්ඵුලිංගභා
    නිපීඨ පංච සායගම් නමඃ නිලිම් ප‍්‍රණායකම්
    සුධා මයූක ලේඛයා විරාජමාන ශේඛරම්
    මහා කපාලි සම්පදේ, ශිරෝ ජධාලමස්තු නා
    May we get the wealth of Siddhis from Siva’s locks of hair, which devoured the God of Love with the sparks of the fire flaming in His forehead, who is bowed by all the celestial leaders, who is beautiful with a crescent moon.
  7. කරාල භාල පට්ටිකා ධග-ධග-ධග ජ්ජ්වලා
    ධනම් ජයාහුතී කෘතා ප‍්‍රචණ්ඩ පංච සායගේ
    ධරාධරෙන්ද්‍ර නන්ධිනී කුචග‍්‍ර චිත‍්‍රපත‍්‍රකා
    ප‍්‍රකල්පනියික ශිල්පිනී ත‍්‍රිලෝචනී රතිර් මමා
    My interest is in Lord Siva, who has three eyes, who has offered the powerful God of Love into the fire, flaming Dhagad Dhagad on the flat surface of his forehead who is the sole expert artist of drawing decorative lines on the tips of breasts of Parvati, the daughter of the mountain king.
  8. නවීන මේඝ මණ්ඩලී නිරුද්ධ ධුර්ධරත් ස්ඵුරත්
    කහූ නිෂීදි නීතමඃ ප‍්‍රපංධ බන්ධ කන්ධරා
    නිලිම්ප නිර්ජරී දරශ්තනෝතු කෘති සින්ධුරා
    කලා නිධාන බන්ධුර ශ‍්‍රියම් ජගත් ධුරන්ධරා
    May Lord Siva give us prosperity, who bears the burden of this universe, who is lovely with the moon, who is red wearing the skin, who has the celestial river Ganga, whose neck is dark as midnight of new moon night covered by many layers of clouds.
  9. ප‍්‍රෆුල්ල නීල පංකජ ප‍්‍රපංච කාලිමඃ ප්‍රභා
    වලම්භි කණ්ඩ කන්ථලී රුචි ප‍්‍රබද්ධ කන්ධරම්
    ස්මරස්චිධම්, පුරස්චිධම් භවස්චිධම් මඛච්චිධම්
    ගජචිධාංදකච්චිධම්, තම් අන්තකච්චිධම් භජේ
    I pray to Lord Siva, whose neck is tied with the luster of the temples hanging on the neck with the glory of the fully-bloomed blue lotuses which looked like the blackness (sins) of the universe, who is the killer of Manmatha, who destroyed Tripuras, who destroyed the bonds of worldly life, who destroyed the sacrifice, who destroyed the demon Andhaka, the destroyer of the elephants, and who controlled the God of death, Yama.
  10. අගර්ව සර්ව මංගලා කලා කදම්බ මංජරී
    රස ප‍්‍රවාහ මාධුරී විජෘම්භ මාන මධු වෘතම්
    සුරන්තකම්, පරන්තකම්, භවන්තකම් මඛන්ධකම්
    ගජන්ධකන්ධකන්ධකම් තමත්නකන්තකම් භජේ
    I pray to Lord Siva, who has bees flying all over because of the sweet honey from the beautiful bunch of auspicious Kadamba flowers, who is the killer of Manmatha, who destroyed Tripuras, who destroyed the bonds of worldly life, who destroyed the sacrifice, who destroyed the demon Andhaka, the killer of the elephants, and who controlled the God of death, Yama.
  11. ජයත්වදධබ‍්‍ර විබ‍්‍රමද්බ‍්‍රමද්බුජංග මශ්වසත්
    විනිර්ගමද් ක්‍රමස්ඵුරත් කරාල භාල හව්ය වාත්
    ධිමි ධිමි ධිම් ධ්වනන් මෘදංග තුංග මංගල
    ධ්වනි ක‍්‍රම ප‍්‍රවර්තිත ප‍්‍රචණ්ඩ තාණ්ඩව ශිවා
    Lord Siva, whose dance of Tandava is in tune with the series of loud sounds of drum making Dhimid Dhimid sounds, who has the fire on the great forehead, the fire that is spreading out because of the breath of the snake wandering in whirling motion in the glorious sky.
  12. දෘශ ද්විචිත‍්‍ර තල්පයොර් භුජංග මුක්තික ස‍්‍රජො
    ගරිෂ්ඨ රත්න ලොෂ්ටයො සුහෘද්ධි පක්‍ෂ පක්‍ෂයෝ
    තෘණාර වින්ද චක්‍ෂු-ශ්‍රෝත්‍ර ප‍්‍රජා මහී මහේන්ද්‍රයෝ
    සමංප‍්‍රවර්තයං මන: කධා සදා ශිවං භජා අහම්
    When will I worship Lord Sadasiva (eternally auspicious) God, with equal vision towards the people and an emperor, and a blade of grass and lotus-like eye, towards both friends and enemies, towards the valuable gem and some lump of dirt, towards a snake and a garland and towards varied ways of the world
  13. කදා නිලිං පනිර්ජරී නිකුංජ කෝටරේ වසම්
    විමුක්ත ධුර්මති සදා ශිරස්ථ මංජලිං වහම්
    විලෝල ලෝල ලෝචනා ලලාට පාල ලග්නකා
    ශිවේති මන්ත‍්‍ර මුචරන් කදා සුඛී භවාම්‍යහම්
    When will I be happy, living in the hollow place near the celestial river, Ganga, carrying the folded hands on my head all the time, with my bad thinking washed away, and uttering the mantra of Lord Siva and devoted in the God with glorious forehead with vibrating eyes.
  14. ඉමම්හි නිත්‍ය මේව මුක්ත මුක්තමෝ තමම් ස්තමම්
    පඨම්ස්මරම් ධෘවං නරෝ, විශුද්ධිමේති සන්තතම්
    හරේ ගුරෝ සුභක්ති මාශු යාති නන්‍යධා ගතීම්
    විමෝහනම්හි දේහිනාම් සුශංකරස්‍ය චින්තනම්
    Whoever reads, remembers and says this best stotra as it is said here, gets purified for ever, and obtains devotion in the great Guru Siva. For this devotion, there is no other way. Just the mere thought of Lord Siva indeed removes the delusion.
ඉති ශ‍්‍රී දශ කණ්ඨ රාවණ කෘතම්, ශිව තාණ්ඩව ශ්තෝත‍්‍රම් සම්පූර්ණම්෴
Thus ends the Siva-Tandava Stotra written by Ravana.
www.hindudevotionalblog.com
western-hindu.org

උපුටා ගැනීම  - http://kaputa.lk/content/view/632

 
 

රාවණ රජුගේ මව උණු දිය ස්‌නානය කළ රාජ කන්‍යා (කින්නියා) උණු දිය උල්පත

1



රාවණ මහ රජතුමාණන්ගේ පියා විශ්‍රවස්‌මුණි රජතුමා රජකමට වඩා නිදහස්‌ නිවහල් දිවියකට දැඩි කැමැත්තක්‌ තිබුණ බුද්ධිමතෙකි. පුලස්‌ති මහ රිෂි තුමාණන්ගේ දෙටු පුත්‍රයාව විශ්‍රවස්‌ මුණි රජතුමා සිය පළමු බිරිඳ වූ ඉලවිලා රැජිණගෙන් අවසර ලබාගෙන වනගත භාවනාවට ගියේ සිය රාජ්‍යයම වැඩිමල් පුත් කුවේරට භාරදීමෙනි.

එවකට මැදිවියේ පැසුණු බුද්ධියකින් යුතු විශ්‍රවස්‌ මුණි රජතුමා නැගෙනහිර පළාතේ සුදුසු ස්‌ථානයක්‌ සොයාගෙන භාවනාවට ගිය පුවත දකුණු පළාතේ ගිරුවාපත්තුවේ අප්‍රසිද්ධ ජීවිතයක්‌ ගත කරමින් සිටි සුමාලින් රජුට සිය චරපුරුෂයින්ගේ මාර්ගයෙන් දැනගන්නට ලැබුණි. පුලස්‌ති පරපුර ලක්‌ රජයේ ස්‌ථාපිත වීමට පෙර ලක්‌දිව පාලකයා වූවේ සුමාලින් නමැති යක්‍ෂ ගෝත්‍රිකයාය. සුමාලින් බලයෙන් පහ කළේ පුලතිසි පරපුරේ කුමරුන් සත් දෙනෙක්‌ විසිනි. පහතරට හෙවත් එදා පාලනයට ගිය සුමාලින් රජු කෙසේ හෝ ලක්‌ රජය සිය පරපුරට ලබා ගැනීමට දින ගනිමින් සිටියේය. කේසිණි යනුවෙන් සංස්‌කෘත පොත් පත්වලද කෛකයි යනුවෙන් හෙළ තල්පත්වලද, ආනකථා යනුවෙන් යක්‍ෂ ගෝත්‍රික මූලාශ්‍රවලද සඳහන් රාවණ මාතාව එවකට නව යොවුන් කන්‍යාවක්‌ වූවාය. ඇනා-ඈන් නාමය ගී්‍රසියට ගියේ ලංකාවෙන් ගී්‍රසියට සංක්‍රමණය වූ යක්‍ෂ ගෝත්‍රිකයින්ගෙන් යයි ඒ. පී. රාසන් කියය්. (පිටු 72 රෙදප Easඑ එද උesඑ) රාවණ මාතාව වූ කේසීනිගේ සොහොන් ස්‌මාරකය එදා පිහිටුවා තිබෙන්නේද දඹුල්ලේ ආනකටාව ග්‍රාමයේය.

ලංකාපුර රාජධානිය කෙසේ හෝ සිය ඥතීන්ට ලබාගත යුතු යෑයි සිය දියණිය වූ කේසිනීට උපදෙස්‌ දුන් සුමාලින් රජු එය කළ හැක්‌කේ ඇයට බවත් අනාගතයේදී ඇය ලබන දෙටු පුත්‍රයාට ලංකාපුර රාජධානිය හිමිවන බවත්, පැවසූ සුමාලින් රජු සිය දියණිය වූ රූමත් කේසිනි විශ්‍රවස්‌ මුණි රජු තපස්‌ රකින ස්‌ථානයකට පිටත් කළේ පරිවාර ස්‌ත්‍රීන් කිහිප දෙනෙක්‌ සමගය.

සහජයෙන්ම උපායශීලි යක්‍ෂ ගෝත්‍රික කන්‍යාවක්‌ වූ කේසිනි ගිරුවාපත්තුවේ සිට නැගෙනහිර පළාතට පැමුණුනේ අස්‌ගිරියක සිටියහ. ඇය අස්‌රියෙන් ගමන් කළේ ගංතලාව (කන්තලෙට්‌)ට පමණි. එතැන් සිට විශ්‍රවස්‌ මුණි තපස්‌ රකින ස්‌ථානයට ගිය ඇය තපස්‌ රකින විශ්‍රවස්‌ මුණි හමුවට ගොස්‌ කතා කළාය. ඇය ප්‍රශ්න කළ කිසිවකට ඔහු පිළිතුරු දුන්නේ නැත. ඔහු මුණිවත රැක්‌කේය.

සකල විධ මායම්වලින් ප්‍රවීණ කන්‍යාවක්‌ වූ කේසිනි, මෙසේ දින හයක්‌ම ඔහු හමුවට පැමිණ සිය අදිටන අසාර්ථකව සිටි අතර සත්වන දිනයේද විශ්‍රවස්‌මුණි තාපසයා ඉදිරියට පැමිණියාය. මනස්‌කාන්ත සිනාවක්‌ පා නුගගසේ පහළට එල්ලා වැටුණ නුග මුලක්‌ තරයේ අල්වාගත් ඇය එය සෙලවීමට පටන්ගත් අතර ඇය ඇඳ සිටි දුහුල් සළුව කඩා වැටුණි. හය දවසක්‌ මුණිවත රැකී විශ්‍රාවස්‌ මුණි හත්වැනි දින කේසිනිගේ උපායට පරාජය වුණි.

"ඔබ කවුද?

"මම රාජ කුමාරිකාවක්‌"

"ඔබේ නම"

"කේසිනී"

"ඔබ මෙතැනට පැමුණුනේ ඇයි"

"ඔබතුමාට සේවය කරන්න"

දැහැන බිඳ දැමූ විශ්‍රවස්‌ මුණි ඇයගේ අතින් ඇල්ලීමට පියවර කිහිපයක්‌ පෙරට තැබුවා පමණි.

"මට ස්‌නානය කරන්න ඕනෑ" ඊට පෙර මගේ සිරුරට අත තබන්න එපා ඇය කීවාය.

"ඔබට ඕනෑ උණු දියද? ඇල් දියද?" මම දින කීපයකින් දිය ස්‌නානය කළේ නැහැ. මට උණු දිය නාන්න ඕනෑ"

විශ්‍රාවස්‌ මුණි නැවතත් දිව්සම මත වාඩි වුණි. අඩ හෝරාවක්‌ පමණ වේලාවක්‌ ඔහු ඉතා සෙමින් මන්ත්‍රයක්‌ ජප කළේය.

"ළිඳ කපන්න ඕනෑ කොතැනද?" කේසිනිගෙන් ප්‍රශ්න කළේය.

"ඔබට රිසි තැනක" ඇයගේ පිළිතුර විය.

එවකට හිස නිකට පැසී මැදිවියේ සිටි විශ්‍රාවස්‌ මුණි තරුණයෙකුට වඩා සවිමත් පුද්ගලයෙක්‌ බැව් කේසිනිට සිතුනි.

සිය රන් කඩුව සුරතින් ගත් විශ්‍රාවස්‌මුණි පළමුවෙන්ම කළේ කේසිනිය විසින් අල්වා සොලවන ලද නුගමුල කපා දැමීමය. එතැන සිට පියවර 21 ක්‌ දකුණ දෙසට ගමන් කළ ඔහු සිය රන් කඩුවෙන් කුඩා වළක්‌ කැපුවේය. පුදුමයකි. සුවිසල් දිය උල්පතක්‌ එතැනින් මතුවිය. ඉන් අනතුරුව උණු දිය ස්‌නානය කළ කේසිනිය සමන් පිච්ච මල් මාලයක්‌ ගෙළ පැළඳ විශ්‍රවස්‌ මුණි වෙත ගොස්‌ දෙපා නමැද්දාය. රාවණ, කුම්භකර්ණ, සුපර්නිකා සහ අකුල්‍යා ඇයගේ දූ පුතුන් වූහ. යක්‍ෂ කන්‍යාව ස්‌නානය කළතැන කන්‍යාව වී පසු කලෙක කින්නියාව විය.


ආචාර්ය
මිරැන්ඩෝ ඔබේසේකර

උපුටා ගැනීම  - http://www.divaina.com/2011/02/20/siya06.html 





මහ වන මැදින් රාවණා ගුහාවට

0
රාම, සීතා පේ‍්‍රමය හා රාවණා රජු ඊට ද්‍රෝහීව ක්‍රියා කිරීම පදනම් කරගෙන පේ‍්‍රමවන්තයා, පේ‍්‍රමවන්තිය හා දුෂ්ඨයා යන චරිත පසුකාලීනව නිෂ්පාදනය වූ චිත්‍රපටවලට මෙන් ම ලියැවුණු නවකතා ආදියට ද ඇතුත් වී ද යන්න ප්‍රශ්නයකි.

රාම - සීතා පේ‍්‍රම පුරාණයට අදාළ රාවණා නමැති යක්‍ෂ ගෝත්‍රික රජු මෙරට පාලනය කළ අවදිය තෙත්‍රා යුගයට අයත් වන්නේ යැයි ද, තෙත්‍රා යුගයට අදාළ කාලසීමා වූ නිශ්චිතව පැවසිය නොහැකි යැයි ද, එය ඇතැම්විට ක්‍රිස්තු වර්ෂයෙන් වසර පන්දහසකටත් වඩා අතීත කාලයක් විය හැකි යැයි ද විවිධ විද්වත්හු පවසති. කාල වකවානු කෙසේ වුවත් රාම – රාවණා අතර බිහිසුණු යුද්ධය සිදුවූයේ මෙරට දි යැයි ද, එබැවින් රාවණා පැහැරගෙන ආ සීතා සඟවා තැබුවේ මෙරට වූ අශෝක මල් උයනක යැයි ද සනාථ කිරීමට තරම් විවිධ සාක්‍ෂි දැනටමත් හමුවී ඇත.

පෞරාණික රාවණා ඇල්ල රජමහා විහාරය
එය සනාථ කිරීමට ඇති ප්‍රධාන සාධකයක් ලෙස දැනට ද මෙරට අඩි 5000ට වඩා උස්වූ භූමි ප්‍රදේශවල තැනින් තැන දක්නට හැකි මලින් පිරි අශෝක ගස් පැවතීම දැක්විය හැකි ය. තවදුරටත් රාවණා සහ සීතා ගේ නම් සඳහන් ග්‍රාම නාම සහ ස්ථාන නාම රැසක්ම කඳුකරයේ පැවතීම ද කදිම සාධකයකි.
මේ කතා පුවතේ ලා අතිශය වැදගත් ම සිද්ධිය වනුයේ රාම ගේ රූමත් බිරිඳ වූ සීතා පැහැරගෙන ඒමෙන් වීර ක්‍රියාවක් සිදු කළ රාවණා රජු, කොයි මොහොතේ හෝ රාම, සීතා සොයා පැමිණිය හැකි බවත්, එවිට සිය නැගණිය ගේ නාසය කපා දැමීමෙන් ඇයට සිදු කළ අවමානයට පළිය ගත හැකි බවත් සිතා රාවණා රජු සැඟ වී සිටීමයි. සැඟවී සිටිමින් රාම පැමිණෙන්නේ කුමන මොහොතේ දැයි ඔත්තු බැලීමට ඔත්තුකරුවන් රැසක් ද සීරුවෙන් තැබීමට ඔහු අමතක නොකළේ ය.
 
මෙසේ රාවණා සැඟවී සිටි ස්ථාන කීපයක් පිළිබඳ ව මෙරටින් තොරතුරු අනාවරණය වේ. කොත්මලේ ප්‍රදේශයේ රාවණාගොඩ නමැති ග්‍රාමය එනම ලද්දේ රාවණා සැඟවී සිටි හෙයිනැයි ජනප්‍රවාදයේ සඳහන් වේ. තවත් විටෙක ඔහු හෝර්ටන් තැන්නේ දකුණු කෙළවර වූ ලෝකාන්තයේ උස් වූ ගල් පර්වත අතර ද සැඟවී සිටියා යැයි කියනු ලැබේ. 

බුදු ගෙය
වැල්ලවාය නගරයේ සිට බදුල්ල, බණ්ඩාරවෙල ආදී නගර කරා විහිදී ඇති ඇල්ල – වැල්ලවාය පාරේ 26 වැනි කිලෝමීටරයේ අංක 5 දරන බෝක්කුව ළඟින් රාවණා ගුහාව තෙක් තරමක දුෂ්කර මාර්ගයක් විහිදෙයි.
ඇල්ල – වැල්ලවාය මාර්ගයේ ගමන් ගන්නාවිට හමුවන සුප්‍රසිද්ධ එමෙන් ම ස්වභාව අලංකාරයෙන් පොහොසත් වූ රාවණා ඇල්ල ද, රාවණා පුවත පිළිබඳ කදිම සාක්‍ෂියකි. රාවණා දිය ඇල්ල පසුකොට කිලෝමීටර කීපයක් කඳුකර, දුෂ්කර එහෙත් නෙත් - සිත් වශීකරන, මරනම් පරිසරයෙන් සුසැදි කඳු බිමේ නැඟයත් ම විසිහයවැනි කිලෝමීටරයේ පස් වැනි බෝක්කුව හමු වෙයි.

එම ස්ථානයේ වම් අත පැත්තට වන්නට පෞරාණික රාවණා ඇල්ල රජ මහ විහාරයට යන මාවත දක්වන නාම පුවරුව සවිකොට තිබෙනු දැක ගත හැකි ය. එය ඉතා දුෂ්කර මාර්ගයකි. මෝටර් රථ, වෑන් රථ ආදියට ගමන් කිරීමට තරමක් උචිත මාර්ගයකි. පෞරාණික රාවණාඇල්ල රජමහා විහාරය තෙක් ම එම මඟ විහිදෙයි. මහ මඟ සිට විහාරස්ථානයට දුර කිලෝමීටරයක් පමණ වේ. තැනින් තැන නිවෙස් දක්නට ලැබුණත් සමස්තයක් ලෙස ගත් කල පරිසරය පාලු ස්වරූපයක් උසුලයි. ගැමි පරිසරයකි.

ගමනාන්තයෙ හි පහළින් ආවාස ගෙය ද, ඉදිරියෙන් විහාරස්ථානය ද පිහිටියා ය. අපි විහාරස්ථානය වෙත පියමන් කළෙමු. අවට පරිසරය පුරා ම දක්නට ලැබෙන්නේ ස්ථානයේ පෞරාණිකත්වය පිළිබඳ සලකුණු ය.
උමං දොර
ගල්ලෙනක් පාදක කරගෙන තනා තිබූ විහාරස්ථානය දැකුම්කළු ය. පරිසරය ඉතාමත් නිහඬ ය. ශාන්ත ය. අතුපතර දසත විහිදෙමින් වැවී ඇති බෝධිය තේජස්වී විලාශයෙන් නැඟී සිටී.
ඉදිරිපසින් බිත්තිය බැඳ පිළිසකර කර තිබූ මුත් විහාරගෙය ඉදි වී ඇත්තේ ගල්ලෙන තුළ ය. පියස්සේ පෞරාණික චිත්‍ර අභාවයට යමින් පවතී. පැරැණි මකර තොරණ පාදක කරගෙන හිඳි බුදු පිළිමයක් ද, පසෙකින් සැතපෙන බුදු පිළිමයක් ද වෙයි. මෙම බුදු පිළිමවල මෙන් ම අනෙකුත් චිත්‍රවල ද පැහැය අවපැහැ ගැන්වෙමින් පවතී.
සැතපෙන බුදු පිළිමයේ පාද පිහිටි ස්ථානයේ ගල් බිත්තියේ කුඩා උළුවස්සක් ඇත. 

කෙනෙකුට දෙකට නැමී මේ උළුවස්ස තුළින් ගමන් කළ හැකි ය. උළුවස්සෙන් ඇතුළත උමඟක් පවතින බව පෙනෙයි. අපි රාවණා ගුහාව නැරඹීමට යාම සඳහා මාර්ගයට අවතීර්ණ වීමු. මාර්ගය කීවාට එය පඩිපෙළක් දිගේ නැඟ යා යුතු ගමනක් විය. එක එල්ලේ කඳු මුදුනක් කරා විහිදුණ පඩිපෙලේ පඩියෙන් පඩිය ඉහළට නැඟ යාම දැඩි සේ දුෂ්කර ය. 

එහෙත් කිලෝ මීටරයක් පුරාවට විහිදී පඩිපෙළ දිගේ කඳුකරය තරණය කළ යුත්තේ ඓතිහාසික රාවණා ගුහාව නැරඹිය යුතු නිසා ම ය. හාත්පස ගණ කැලෑවෙන් වැසී ඇත. පඩිපෙළ දෙපැත්ත කැළයෙන් වැසී ඇත. මැදින් කෙනෙකුට රිංගා යා හැකි තරමට පමණක් ඉඩ ඉතිරිව ඇත.
රාවණා ගුහාව පිටත පෙනෙන අයුරු
ඉලුක් ගාලක් මැද්දෙන්, ගල්පර අතරින්, ඇතැම්විට ශ්‍රීපාදස්ථානයේ මහගිරිදඹ නඟින්නාක් මෙන්අත් ඇඳිවල එල්ලී යා යුතු ගමන වෙහෙසකර වුවත් අතිශය සුන්දර ය. සිරුර දහඩියෙන් නෑවී ඇත. ඉලුක් තැවරීම නිසා අත් – පා කසයි.


රාවණා ගුහාව පිහිටා ඇත්තේ ගල් ඇන්ඳේ පාමුලමත් නොවේ. ගල් ඇන්ද මැදකට නඟින තෙක් ම ගුහා කට නොපෙනේ. මානව ඉඩකඩ ඇති, නිදහසේ හැසිරිය හැකි ආකාරයට මෙන්ම දහ පහළොස්දෙනකුට වුව ද ඇතුළත ගැවසිය හැකි ආකාරයට ගල් ගුහාව ඉදි වී ඇත. රාවණා රජතුමා සිය රාජපුරුෂයන් සමඟින් මෙහි සැඟවී සිට රාම ගේ හමුදා එන්නේදැයි මැනවින් ඔත්තු බලන්නට ඇත. කඳු මුදුනේ ගල් ගුහාව තුළ සිට අවට හාත්පස බලන විට විශාල ප්‍රදේශයක් එකවර පැහැදිලිව නෙත් මානයට හසු වේ.

රාම, ලක්‍ෂ්මණ හා හනුමන්තා පෙරටු කොට ගත් රාමගේ යුද ශක්තිය ඉදිරියේ රාවණා මැරී වැටුණ ද, යුද්ධයේ එක් බිහිසුණු අවස්ථාවක දී රාම මෙන් ම ලක්‍ෂ්මණ ද රාවණාගේ හී පහරින් මිය ගිය බව අප අමතක නොකළ යුතු ය. එබැවින් රාවණා යනු ‘දසිස්’ නම් ලද අයෝමය පුරුෂයෙකි. රාම සහ ලක්‍ෂමණ නැවත ජීවිතය ලද්දේ හනුමන්තා සොයාගෙන ආ බලගතු ඔසු නිසාවෙනි.



Tuesday, December 13, 2011

රස වෙදකමින් පෙළහැර පෑ දස නැණ බලෙන් යුතු රාවණ

1


ආචාර්ය සූරිය ගුණසේකරයන් නවතම ලිපිපෙළ රිවිර පුවත්පත 2

උපුටා ගැනීම - http://www.rivira.lk/2011/12/04/rividahara2.htm


සීගිරියේ සඟවා දැමූ අභිරහස්

0


සිගිරිය කියල කියන්නේ අභිරහස්වලින් අඩුවක් නැති බොහෝම අපූරු විශ්මිත නිර්මාණයක්. මේ කියන්න යන කතාව එහි අපි වැඩිය අහපු නැති පැත්තක් ගැන. සූරිය ගුණසේකර කියන්නේ සිගිරිය, රාවණ රජු ඇතුළුව ලංකාවේ සැඟවුණු ඉතිහාසය ගැන පරීක්ෂණ කරන කෙනෙක්. ඒ සම්බන්ධව පොත් ගණනාවකුත් රචනා කරල තියෙනවා. ඒ මහත්මය තරුණ කාලේ, ඒ කියන්නේ එකදාස් නවසිය හැට ගණන්වල සීගිරියට ගිහිල්ලා තියෙනවා තව තරුණ කණ්ඩායමක් එක්ක විශේෂ ගවේෂණයකට. එහිදී එයාලා දවල්ට කන්න ගිහිල්ලා තියෙනවා සිගිරිය පේන මානේ තියෙන පුංචි කටු මැටි ගෙදරකට. ඔය ගෙදර මිදුලේ හිටියලු වයසක සීයා කෙනෙක්.

කෑම කාලා කට්ටිය එලියට ආපු වෙලේ මෙයාලා ඔය සීයා එක්ක කතාවට වැටිලා. එයා දැනගත්තම මේ කට්ටිය ඇවිල්ලා තියෙන්නේ සිගිරිය ගැන හොයන්න කියලා. ඒ පාර තමයි මේ කතාව කියල තියෙන්නේ.

''මහත්තයල දන්නවද, මම ඉස්සර අන්ධ කෙනෙක් නෙවේ. මට මෙහෙම උනේ මට මහ විශාල පවකට සම්මාදන් වෙන්න උනු නිසා''

මෙහෙම කිව්වම කට්ටිය අන්දුන්කුන්දුන්...

"මොකද්ද සීයේ උනේ...?"

මහත්තයලට කියන්න, මම H.C.P. Bell මහත්තයගෙ කාලේ මෙතන සීගිරියේ එයා යටතේ කැණීම වලට අත් උදව් දීපු සේවකයෙක්. ඒ කාලේ හිටපු
අයගෙන් දැන් මම විතරයි ඉතුරු.
(H.C.P. Bell කියන්නේ ලංකාවේ මුල්ම පුරාවිද්‍යා කොමසාරිස්වරයා. ඔහු බ්‍රිතාන්‍ය ජාතිකයෙක්. ලංකාවේ පුරාවස්තු බොහොමයක් හොර රහසේම බ්‍රිතාන්‍ය කෞතුකාගාරය වෙත ගෙනගිය බවට මොහුට චෝදනා එල්ල වෙනවා)

ඉතින් ඒ කතාව සීයා ඒ පාර කිව්වලු.

අපි සීගිරියේ කැණීම කර කර ගල මුදුනටම ගියා. ගල මුදුනේ නොයෙක් පුදුම හිතෙන නිර්මාණ අපිට හම්බුනා. එතන කට්ටිය කැණීම කරනකොට අපිට හොයාගන්න පුළුවන් වුණා පඩිපෙලක්. මේ පඩිපෙළ සිගිරිය ගල මුදුනේ ඉඳං ගල පාමුල වෙනකන්ම යනවා ගල ඇතුලෙන්. ඒ ගැන හාන්කවිසියක් පිටට පේන්නේ නෑ. පඩිපෙලේ තැනින් තැන ගිමන් නිවන්න කාමර තියනවා. ඒ කාමර වල තිබිල අපිට බොහොම වටිනා පුරාවස්තු හුගක් හම්බුනා. බෙල් මහත්තයා ඒ ඔක්කොම එකතු කරගෙන එලියට ගෙනාවා. පස්සෙ අපිට කිව්වා ඒ පඩිපෙලේ ගල මුදුනේ දොරකඩ කොන්ක්‍රීට් දාලා සම්පුර්ණයෙන් වහන්න කියල.. අපිට පුදුම හිතුනා, ඒත් අපි කිව් විදියට කරා.

එදායින් පස්සෙ ඒ වැඩේට ගිය අපි කාටවත් හොඳක් උනේ නෑ. සමහරු ලෙඩ උනා. සතා සීපාවා ගහල මැරුණා. ගහක් ගලක් වගේ හිටපු මම දවසක් උදේ නැගිට්ටේ මෙහෙම අන්ධ වෙලා.

මෙහෙම කියපු ඒ සීයා අඬන්න ගත්තලු.

මේ කතාවේ ඇත්ත නැත්ත ඔයාලම තීරණය කරන්න.

හැබැයි ඇත්තටම කියනවනම්. සිගිරිය ඉහලට රජ කෙනෙකු, අද අපි යන්න වගේ දාඩිය පෙරාගෙන ගිනිකුට අව්වේ අර වගේ පටු පඩිපෙලක් දිගේ ගියා කියලනම් හිතන්න බෑ. රජුට ඉක්මනින් පහසුවෙන් සහ රජ කෙනෙක් විදියට යන්න විශේෂිත ගමන් මාර්ගයක් තිබිය යුතුමයි.

මේ ගැන පරීක්ෂණ කරපු මොරටුව විශ්වවිද්‍යාලයේ ඉංජිනේරු සුසිර උඩලමත්ත මහතානම් කියන්නෙ, ඒ කාලේ රජුට ඉහලට ගමන් කිරීමට විශේෂ සෝපානයක් තිබුන කියලා. මේක හඳුන්වන්නේ කර්කටක යන්ත්‍රය කියලා. මොකද මේක කකුළුවෙක් වගේ හැඩයක් සහ යාන්ත්‍රණයක් තියෙන නිසා. සිගිරිය ගලේ එක අන්තයක කෙලින්ම සිරස්ව ඉහලට යන සහ තිරස්ව යන ඉනිමගක් වැනි කුඩා track පද්ධතියක් ගලේම කොටලා තියෙනවා දැකගන්න පුළුවන්. මේක තියෙන්නෙ කර්කටක යන්ත්‍රයේ දැති රෝද වලට ගමන් කරන්න කියල තමයි කියන්නේ.

සිගිරිය ජල උද්‍යානය ගත්තත් ඒක සුවිශේෂයි. එහි ප්‍රධාන දොරටු හදල තියෙන්නෙ කෙලින්ම ඉහළට ඔසවන විදියට. මේ සඳහා යොදාගත්තු විශාල ගල් උලුවහු අදත් දැකගන්න පිළිවන්. මේ විශාල ලී ද්වාර එසවීමට යොදාගෙන තියෙන්නෙ අලි ඇතුන්.

ඒ වගේම සිගිරිය ජල උද්‍යානය ගත්තත්, ඒක හදල තියෙන්නේ ඒකට ඇතුල් වෙන කෙනෙක්ව එක්වරම මුලා වෙන විදියට. හොඳින් නිරීක්ෂණය කරොත් පේනවා ප්‍රධාන දොරටුවෙන් ඇතුල් වෙලා යනකොට එක හරියකදී එකපාරටම සිගිරිය ගල නොපෙනී යන බව. ඒ විදියටයි ඒ ගමන් මාර්ගය හදල තියෙන්නේ. ඒ වගේම සිගිරිය ජල උද්‍යානයේ තියෙන වතුරමල් අදටත් වැඩ කරනවා. ඒත් වතුර එන්නෙ බොහොම අඩුවෙන්. මේකට හේතුව තමයි සිගිරිය වැවේ ජල මට්ටම ඉතාමත් අඩු වීම.

අතීතයේදී සිගිරිය වතුරමල් සහ ජල උද්‍යානයට ඉහළින් තමයි සිගිරිය වැවේ ජල මට්ටම පිහිටලා තියෙන්නේ. ඒකෙන් ඒ කාලේ සීගිරියට සතුරන්ගෙන් ආරක්ෂාවත් ලැබුණා. මේ නිසා ඉතා විශාල ජල පීඩනයක් යටතේ මේ වතුර මල් බොහොම උජාරුවෙන් ඉහළට වතුර විදින්න ඇති. ඒත් පසුකාලීනව සිගිරිය අවට ප්‍රදේශය සංචාරක කලාපයක් විදියට සංවර්ධනය කරන්න ගත්තම සිගිරිය වැව ගොඩ වුණා. Sigiriya Village වගේ සුපිරි හෝටල් අද තියෙන්නෙ සිගිරිය වැව තිබුන හරියේ. අද සිගිරිය වැව දිය හිඳුනු නිකං නමට වැවක්. සීගිරිය ගල මුදුනට වතුර ගෙනගිය ආකාරයද අභිරහසක්. මේ සඳහා ජල පොම්ප කිරීමේ තාක්ෂණයක් යොදාගෙන තියෙන බවයි සමහරු කියන්නේ. ඒත් වර්තමානයේ පරීක්ෂකයන්ගේ මතය වෙලා තියෙන්නේ මේ සඳහා ඊට වඩා බොහොම සරල ක්‍රමයක් භාවිතා කර ඇති බවයි. එනම් සංසක්ති බල.


විද්‍යාව කරපු අය දන්නවා සංසක්ති බල කියන්නේ මොනවද කියලා. ඒ කියන්නේ එකම වර්ගයේ අංශු අතර ඇති වන ආකර්ෂණ බල (මට මතක විදියට වැන්ඩවාල් බල)


ඒ අය කියන විදියට සිගිරිය ගල මුදුනේ නිර්මාණය කර තිබෙන ජල පොකුණු වලට නිරන්තරයෙන් වැහි වලාකුළු ආකර්ෂණය වෙනවා. හේතුව සිගිරිය මුදුනේ තියෙන පොකුණු වල ජලයේ ජල අංශු සහ වැහි වලාකුළු වල ජල අංශු එකිනෙක ආකර්ෂණය වීම. මේ සංසිද්ධිය වෙනත් උස් කඳු මුදුන් සහ උස ගල් පර්වත මුදුනේ ඇති ජලය රැස්වෙන ස්ථාන වල දැකගන්න පුළුවන්. එමගින් ලැබෙන වර්ෂාවෙන් නිරන්තරයෙන් සිගිරිය ගල මුදුන ජලයෙන් ස්වයංපෝෂිත වෙනවා.

මෙවැනි ක්‍රමයක් මේ සඳහා යොදාගැනීමට තවත් හේතුවක් තියෙනවා. එනම් හදිසියෙවත් සතුරු හමුදාවක් සිගිරිය ආක්‍රමණය කරා කියල හිතමු. සීගිරියට ජලය ගෙනියන්නේ විශාල පොම්පයකින් නම් හතුරන්ට මේ පොම්පය විනාශ කරල හරි පහල තියෙන ජල මුලාශ්‍ර වලට වස මිශ්‍ර කරල හරි ගල මුදුනේ ඉන්න පිරිසව අසරණ කරන්න පුළුවන්. ඒත් මම මුලින් විස්තර කරපු සංසක්ති බල ක්‍රමය නිසා ගල මුදුනේ ඇති වගාවන් හෝ ඔවුන්ගේ පානිය ජල අවශ්‍යතා එතැනින්ම සුරක්ෂිතයි. ස්වයන්පොෂිතයි.

සිගිරිය ගැන කතා කරන්න පුළුවන් දේවල් එමටයි. එහෙනම් ඔයාලත් දන්න දේවල් බෙදාගන්න.

                     http://lowethna.com/?q=node/112

 

Monday, December 12, 2011

සිව් මහා හෙළය දේව පාලනයට

0


සිව් මහා හෙළය දේව පාලනයට


රන්දිව පුවත්පතෙන්

මහ වෙදඳුරු රාවණගේ ඉපැරණි වෙද රහස්

0
 
ආචාර්ය සූරිය ගුණසේකරයන් නවතම ලිපිපෙළ රිවිර පුවත්පත 3

උපුටා ගැනීම - http://www.rivira.lk/2011/12/11/rividahara2.htm

Thursday, December 8, 2011

ඵෙතිහාසික රාවණ කතාවේ සුලමුල

0


ආචාර්ය සූරිය ගුණසේකරයන් නවතම ලිපිපෙළ රිවිර පුවත්පත

උපුටා ගැනීම - http://www.rivira.lk/2011/11/27/rividahara1.htm

රාවණ රජුට බුදුන් වදාළ ලංකාවතාර සූත්‍රය

2

අපි අපේ ඉතිහාසය සොයා යන ගමනේදී, රාවණ රජු ලංකාවේ පළමු බෞද්ධ රජතුමායි යන මාතෘකාවෙන් ලියන ලද ලිපියේදී බුදුන් වහන්සේ විසින් රාවණ රජු අරබයා දේශනා කල සූත්‍රය යනුවෙන් ලංකාවතාර සූත්‍රය පිළිබද සදහනක් කලා. මෙම සූත්‍රය අපට ථෙරවාදී බුදු දහම තුල හමුවන්නේ නැහැ. මීට අමතරව සද්ධර්ම කුණ්ඩලී, විසකුම්භන වැනි සූත්‍ර දේශනාත් ථෙරවාදී බුදුදහම තුල දක්නට නොලැඹෙන නමුත් මහායාන බුදුදහමේ දක්නට ලැබෙනවා.


කොහොම වුණත් ලංකාවතාර සුත්‍රයේ සිංහල පිටපතක් නම් දක්නට නැහැ. මුල් පිටපත දක්නට ලැබෙන්නේ චීන භාෂවෙන්. මේ ලිපි පෙලෙන් ගෙන ඒමට බලා පොරොත්තු වන්නේ ලංකාවතාර සුත්‍රයේ සිංහල පර්වර්තනයයි.
මෙය අපේ සැබෑ ඉතිහාස ගවේෂණයට සම්බන්ධ වන්නෙ කෙසේදැයි යමෙක් අසනවා නම්, එයටත් සටහනක් තියලම සුත්‍රය දේශනාවට යොමු වෙන්නම්. ශ්‍රි ලංකාව යනු ථෙරවාදී බෞද්ධ රටක්, 
ලංකාවේ බෞද්ධයන් වැඩි පිරිසක් ථෙරවාදී බෞද්ධයන් විදියට තමයි හදුනාගත හැක්කේ. අප රටේ ජනප්‍රිය මතය නම් මහින්දාගමනයත් සමගම බුදුදහම ලංකාවට පැමිණියා යැයි කියන එකනේ. එය එසේ නොවී මහින්දාගමනයත් සමගම ථෙරවාදී බුදුදහම ලංකාවේ ස්ථාපිත වුණායැයි කියලා කියන එක තමයි මාගේ මතය නම්. එයට උදාහරණ ලෙස මෙම ලංකාවතාර සූත්‍රය ගන්න පුළුවන්. මානෑවේ විමළරතන හාමුදුරුවන් වහන්සේට අනුව නම් බුදුරජානන් වහන්සේ ප්‍රථමයෙන්ම අභිධර්මය දේශනා කරලා තියන්නේ ලක්වැසියන්ටයි.

අපි උපකල්පනය කලහොත් රාවණ රජු වැනි අති ශ්‍රේෂ්ඨ රජෙක් මහායාන බෞද්ධයෙක් කියලා, මහින්දාගමනයේ  අද දක්වා තිබෙන ථෙරවාදී ආධිපත්‍ය මත රාවණ ඉතිහාසය වගේ දැවැන්ත, ශ්‍රේෂ්ඨ ඉතිහාසයක් මැකිය නොහැකි බැවින් එය ලක් ඉතිහාසයෙන් සූක්ෂමව සගවා තැබූ බව අපට සිතන්න පුළුවන්. මොකද මහායානය ඉස්මතුවීමට කිසිම ඉඩක් අපි දන්නා ලක් ඉතිහාසය තුළ දක්නට නැහැ. නියම බෞද්ධයන් ලෙස මහායාන හෝ ථෙරවාදී ලෙස නොබෙදී විවෘත මනසකින් විමසීමට, ගවේෂණයට අපි යොමුවිය යුතුයි. ඒ නිසාම ලංකාවතාර සූත්‍රය මෙ දක්වා බ්ලොග් කරණයේ යෙදුන සරළ භාෂාවෙන් ගෙන එන්නේ.

පළමු වැනි පරිච්ඡෙදය

 රාවණ රජු උපදෙස් ඉල්ලයි

මා විසින් මෙසේ අසන ලදි, අප භාග්‍යවතුන් වහන්සේ අති විශාල වූ භික්ෂූන් පිරිවර හා විවිධ වූ බෞද්ධ දේශයන්ගෙන් පැමිණි බෝධිසත්ව වරුන් සමගින් මහා සාගරයේ මලය කදුකරයේ කදු මුදුනේ පිහිටි, නොයෙක් වර්ගයන්ගේ මල් වලින් හා විවිධ වර්ගයේ හා මැණික් වලින් සෑදුන ලංකා මන්දීරයේ වැඩ වසනලදි.  මහා මථී(මහා ප්‍රඥාවන්ත) බෝධිසත්වයන් විසින් නායකත්වය සපයන ලද මෙම බෝධිසත්ව-මහාසත්වයන් සමූහය විවිධ වූ සමාධියන්ගෙන් පරිපූර්ණ වූද, දසවිධ ආත්ම දමනයන්ගෙන්ද, දස බලයන්ගෙන්ද, අධ්‍යාත්මික ශක්තීන් 6කින්ද, සමන්විත වූවන් වූ අතර, මෙම බෝධි සත්වයන් වහන්සේලා සියළු බුදු වරුන්ගෙන් විවරණ ලැබූවන් වූහ.
හදවත් තුල විද්‍යාමාන වූ අයුරින්ම බෝධිසත්වයන් වහන්සේලා විසින් ලෝකයේ පරමාර්ථය හා අර්ථය මැනවින් වටහාගෙන සිටයහ. උන් වහන්සේලා විසින් විවිධ සත්වයන්ගේ හැසිරීම හා මානසිකත්වයන්ට අනුව විවිධ චාරිත්‍ර විධි පාලනය, ඉගැන්වීම හා විනයානූ කූලව වැඩ කරන අයුරු දැන සිටි අතර පංච ධර්මයන්, තුන් ස්වභාවයන් , විඥානයන් අටක මැනවින් දක්ෂයන් විය.
ඒ සමයේදී,  සත් දිනක් තිස්සේ මහා සාගරයට අධිපති වූ මකර රජුගේ ස්ථානයේ ධර්ම දේශනා කරමින් වැඩ සිටි භාග්‍යවතුන් වහන්සේ ඉන් පිටතට වැඩම කොට ගැන නිම කළ නොහැකි තරම්ව සිටි ශක්‍ර, මහා බ්‍රහම්ම හා මකර රජු ඇතුළු දිව්‍ය සමූහයා අමතා, මලය කදුකරයේ ලංකාව දෙස බලා සිනාහ පළ කරමින් මෙසේ වදාළ සේක...

අධ්‍යාත්මික ඥානයෙන්, දැනුම, විද්‍යාවෙන් පරිපූර්ණ වූ අරහත් වූ අතීත තාථාගතයන් වහන්සේලා විසින්, දාර්ශනිකයන්ගේ දැනුමින්, ශ්‍රාවකයන්ගේ හා පසේ බුදුවරුන්ගේ විඥානයෙන්(දැනීමෙන්) එහා ගිය ඉතා ගැඹුරෙන් ප්‍රත්‍යක්ෂව අවබෝධ කරගත යුතු මෙම සත්‍ය දේශනා කරන ලද්දේ මලය කදුකරයේ පිහිටි ලංකා මන්දීරයේදීය. එලෙසම මමත්, යක්ෂ ගොත්‍රිකයන්ගේ නායකයා වූ රාවණ රජුගේ ප්‍රයෝජනය උදෙසා මෙම සත්‍ය දේශනා කරමි.
මහා සගරයට අධිපති වූ මකර රජුගේ මාලිගාවෙන් පිටතට පැමිණි බුදුන් වහන්සේ ඇතුළු පිරිස දුටු ධ්‍යාන ලාභී රාවණ රජු ප්‍රීතිමත් වී, මම බුදුන් වහන්සේට ලංකාවට ඇතුළු වන ලෙස ඉල්ලනවා. මෙම සංසාරය නැමති දිගු රාත්‍රියට උන්වහන්සේගෙන් සෙතක් සැලසේවී, උන්වහන්සේ හොදක් කරාවි, දෙවියන් මෙන්ම මනුෂ්‍ය වර්ගයාද සතුටට පත්වේවි.
ඉන් අනතුරුව, රාක්ෂ අධිපති රාවණ රජු තම සහපරිවර සමගින්, පුෂ්පක නැමති දිව්‍යමය රථයෙන් බුදුන් වහන්සේ සමීපයට පැමිණියේය. රථයෙන් පිටතට පැමිණී රාවණ රජු හා පිරිවර, ඉන්ද්‍රනීල මාණික්‍යකින් සෑදුන දණ්ඩකින් බෙරයක් වැනි සංගීත භාණ්ඩයක්ද, නිල් මාණික්‍ය ඔබ්බවා, මනා ලෙස නිර්මාණය කරන ලද වීණාවක් කහපැහැති අබරණින් හා අනර්ඝ සළුවලින් සාදන ලද ආධාරකය(බෝ) මගින් වයමින්, සප්තය, රිෂභය, ගාන්ධාර්වය, ධෛවතය, නිෂාධය, මධ්‍යමය හා  කෛෂික වැනි සවණ පිණන අයුරින් ග්‍රම, මර්චනාදියෙන් උස්පහත් කරමින්, බටනලා වාදනය සමගින් හඩ මුසු කොට කාව්‍යන් ගයමින් වමේ සිට දකුණට තෙවරක් බුදු රදුන් වටා ගමන් කරමින් මෙසේ උපදෙස් ඉල්ලන ලදි.
1.     සත්‍යයේ උතුම් වූ මුලධර්මයන් වනුයේ, සවාත්මයෙන් මිදුනා වූද, සියළු කාරණා වලට ඉහලින් නැගි සිටින්නා වූද, අපවිත්‍ර දෑ වලින් තොර වූ දෙයයි. එය යමෙකුගේ අභ්‍යන්තරයෙන් එකතු වන්නා වූ දැනුම කෙරෙහි යොමුවේ. ස්වාමීනි... මට ඒ සත්‍යට යන මාර්ගය පෙන්වන්න.
2.   සුගත යනු අපරිමිත ශිලයෙන් අකලංක වූ ශරීරයයි. එම ශරීරයේ වෙනස් වීමන් ප්‍රත්‍යක්ෂය, එය ස්වාත්මයෙන් අවබෝධ කරගත්තා වූ සත්‍ය විවරණය කරයි. එය ලංකාවට පැමිණෙන සේක්වා. මුණිවරයානෙණි මේ ඒ කාලයයි.
3.   මෙම ලංකා පුරවරය අතිත බුදුවරයන් වහන්සේලා පවා වැඩ සිටි භූමියකි, ස්වාමීණී, මට දැන් ඉහළම සත්‍ය පෙන්වන්න. විවධ චාරිත්‍ර විධින්ට අනුගතව සිටින යක්ෂ ගෝත්‍රිකයන් පවා ඇහුන්කම් දේවි.
ඉක්බිති රාවණ රජු විසින් තව දුරටත් තෝටක රිද්මයන්ට අනුගත වෙමින් මෙම ගතා ගායනා කරන ලදි.
සත්දිනකට පසු, භාග්‍යවතුන් වහන්සේ මහා සාගරයට අධිපති මකර රජුගේ වාසස්ථානයෙන් පිටත මුහුදු වෙරළට වැඩි සේක. මෙසේ බුදුන් වහන්සේ වඩිත්ම අප්සරාවන්, සුක, සරණ හා පණ්ඩිතයන්ගෙන් සෑදුන යක්ෂ සමූහයා පිරිවරාගෙන බුදුන් වහන්සේ වැඩ සිටි ස්ථානයට පැමිණියේය. අනතුරුව පුෂ්පක රථයෙන් බැස තථාගතයන් වහන්සේට වැද නමස්කාර කොට එක්තපැස්ව තමන් හදුන්වා දුන්නේය.
මෙතනට පැමිණි මම රාවණ නම් දසසිස් රාක්ෂස රජු වෙමි, හිමියෙනි මා ඇතුළු ලක් වැස්සන්ගේ ගෞරව පූර්වක කරුණාව පිළිගන්නා සේක්වා.
මෙලෙස අපි ලංකාව සූත්‍රය දේශනා කිරීමට රාවණ රජු විසන් බුදු රජාණන් වහන්සේට ආරාධනා කළ ස්ථානයෙන් අදට ලංකාවතාර සුත්‍රය නවත්වනවා. හැකි ඉක්මනින් ලංකාවතාර සුත්‍රයම කොටස් වශයෙන් පළ කරන්නම්.
මෙතනදී සදහන් කල යුක්තක් නම්, මෙම සුත්‍රය රාවණ රජුට දේශනා කලේ ගෞතම බුදුන් වහන්සේද, එසේත් නැත්තම් වෙනත් බුදු වරයෙක්ද යන්න පැහැදිලි නැහැ. දැනට තියෙන වංශකථා වලට අනුව නම් විජයගේ ලංකා ගමනය සිදුවන්නේ සම්බුද්ධ පරිනිර්වාණය වෙන දවසේ විමයි. එසේ නම් රාවණ රජු ගෞතම බුදුරජානන් වහන්සේට සමකාලීනද?
සුනාමියෙන් පසු මුහුදෙන් මතු වූ දණ්ඩකාරන්‍යෙය් ජනස්ථාන් නගරය, එනම් රාම රාවණා යුද්ධය හැ බැදුන නගරයක් කාබන් කාල නිර්ණය අනුව වසර 10000ක් පැරැණි වීමත් සමගම රාවණ රජු මෙයට වසර 10000ත් 12000ත් අතර කාල පරාසයක ලක් රජය කල රජෙක් යැයි සිතාගත හැකි මුත්, ලංකාවතාර සුත්‍රය හා රාවණ රජු අතර තිබෙන්නා වූ මෙම සම්බන්ධතාවය සමගින් මෙම මථයේ ඇති වන්නේ ගැටුමක්. 
කොහොම වුණත් ලංකාවේ පළමු බෞද්ධ රජතුමා විදියට රාවණා රජතුමා යැයි යන්න තහවුරු කරන ලංකාවතාර සුත්‍රය ඉදිරියටත් විමසා රාවණ රජු හා බුදු රදුන් අතර ඇති වූ සංවාදය හා ඉන් මතු වන අපේ සැබෑ ඉතිහාසය සොයා යමු. තවත් ලිපියකින් හමු වනතෙක් ඔබට ආයුබෝවන්

 

Friday, November 25, 2011

හෙළ උරුමය සොයා යන්න

0
රන්දිව පුවත්පතෙන්
 
 

Tuesday, November 22, 2011

හෙළදිව පුරාණ ඉතිහාසය හා රාවණා යුගය

0
ලංකාදීප පුවත්පතෙන්


2500 වසරක් ඉපැරණි ශ්‍රී ලංකාවේ සොහොන් බිම

0

ලංකාදීප පුවත්පතෙන්


Sunday, November 13, 2011

රාවණ ඉතිහාසය මකා දැමීමේ කුමන්ත්‍රණයක්‌ද?

1
රාවණ ඉතිහාසය මකා දැමීමේ කුමන්ත්‍රණයක්‌ද?
ජලිත අමරසිංහ 

 
කුල සාධකයේ අසිපතින් හෙළ ඉතිහාසයේ ගෙල සිදීම මැයෙන් 2011. ජූනි 08 බදාදා අතිරේකයට විඡේපාල වීරවර්ධනයන් විසින් ඉදිරිපත් කර ඇති ලිපිය සහ 2011.09.07 ඉදිරිපත් කර ඇති ලිපි මගින් ද්වේශ සහගතව ආචාර්ය මිරැන්ඩෝ ඔබේසේකරයන් විවේචනය කිරිම සඳහා ඉදිරිපත් කරන ලද ලිපියක්‌ බව ප්‍රථම කොටම අවධාරණය කරනු කැමැත්තෙමු. 2011.04.27 දින ආචාර්ය මිරැන්ඩෝ ඔබේසේකර මහතා රචිත ලිපියක්‌ නොවන කුල සාධකය සහ ඉතිහාසය විකෘතිය නම් ලිපිය හපුතලේ එස්‌. එම්. ඩී. සෙනෙවිරත්න මහතා ආචාර්ය මිරැන්ඩෝ ඔබේසේකර මහතා හා පවත්වන ලද සාකච්ඡාවක්‌ ඇසුරෙන් පලකරන ලද ලිපියක්‌ මිස ලේඛණ ශෛලියෙන් ආචාර්ය මිරැන්ඩෝ ඔබේසේකර මහතාගේ ලිපියක්‌ නොවන බව ලිපිය ආරම්භ වැකියෙන්ම අවබෝධ කර ගත යුතුය.

ශ්‍රී ලාංකීය ජන සමාජය පුරා අදටත් පවතින ඉපැරණි කුල දුරාවලිය පිළිබද ආචාර්ය මිරැන්ඩෝ ඔබේසේකර මහතා සමග සාකච්ඡාවක්‌ ඇසුරින් සැකසූ මෙම ලිපිය බදාදා අතිරේකයට යොමුකරන ලද්දේ හපුතලේ එස්‌. එම්. ඩී. සෙනෙවිරත්න මහතා විසිනි. (උපුටා දිවයින 2011.04.27 )


විජයපාල වීරවර්ධන 2011 ජූනි මස 08 දින ලිපියෙන් පහත සදහන් ලෙස රාවණ යුගය ප්‍රතික්‍ෂේප කර ඇත.


රාවණ රජ කාලයත් , සිව් හෙළ ජන සමාජයත් යන දෙකම තවමත් පවතිනනේ සංකල්ප ලෝකයේ පමණයි. සිවු හෙළ යන වචනය පවා අප රටේ භාවිතයට ආවේ පසුගිය සියවස මුල් භාගයේ බිහිවූ හෙළ හවුල නිසයි. (විජේපාල වීරවර්ධන )


ලංකාවේ රාවණ ඉතිහාසය ප්‍රතික්‍ෂේප කිරිම සදහා වීරවර්ධනයන් ලේඛකයෙකු සේ හෙළ හවුලේ විද්වතුන් ගණනාවක්‌ ප්‍රතික්‍ෂේප කරවිමට හා ඔවුනගේ පර්යේෂණ ප්‍රතික්‍ෂේප කරවිමට ඉහත වැකිය උපයෝගී කොට ඇත. මේ අනුව භාෂා සාහිත්‍යය විශාරදයන් හා ප්‍රවීණයන් ලෙස සමස්‌ත රට වැසියාම පිළිගත් කුමාරතුංග මුණිදාස, අරිසෙන් අහුබුදු , සූරීන් ඉදිරිපත් කළ සාධක දත්ත ප්‍රතික්‍ෂේප කිරීමට සිදුවනු ඇත. 2011.09.07 දින ලිපියෙන්ද ෂඩ්භාෂා පරමේෂ්වර තොටගමුවේ ශ්‍රී රාහුල හිමියන්ද රචිත ග්‍රන්ථ ප්‍රතික්‍ෂේප කරවන විඡේපාල වීරවර්ධනයන් ලංකාවේ සුප්‍රකට විවේචකයෙකු ලෙස පෙනී සිටිමට දරණ උත්සාහය පමණක්‌ ඔහුගේ අර්ථ සූන්‍ය ලිපි මගින් පිළිබිඹු වේ.


මහා වංශය පමණක්‌ ඉතිහාස ගවේෂණයේ මූල ග්‍රන්ථයක්‌ ලෙස නූතන ඉතිහාසඥයන් හා පුරා විද්‍යාඥයන් භාවිතා නොකරන අතර , ලංකා ඉතිහාසය අදවන විට මහාචාර්ය රාජ් සෝමදේව , ශිරාන් දැරණියගල යන නූතන පුරා විද්‍යාඥයන් මහා වංශයෙන් ඔබ්බට ගිය කාල වකවානු පුරා විද්‍යා සාධක ගණනාවක්‌ පර්යේෂණාත්මකව සොයාගෙන අවසානය. විජයාගමනයට ප්‍රථම ලංකාවේ දියුණු ශිෂ්ඪාචාරයක්‌ පැවැති බව මේ වනවිට සමස්‌ත ශ්‍රී ලාංකිකයන්ටම ඔප්පු සිද්ධ කොට අවසානය.


රාවණ ඉතිහාසය සදහන් මූලාශ්‍ර ඇතත් ඒවා ඉදිරිපත් කිරීමට බ්‍රිතාන්‍ය අධිරාජ්‍ය ගැති ඉතිහාසඥයන් හා පුරා විද්‍යාඥයන් සුඵ පිරිසක්‌ රාවණ යුගය ඉවත් කිරීමට හිතා මතා කටයුතු කර ඇති බව අපගේ පර්යේෂණ තුළින් තහවුරු වි ඇත. උදාහරණ ලෙස පහත ග්‍රන්ථ අනාගත ඉතිහාසඥයන්ගේ අවධානයට ලක්‌විය යුතුය.


හතර කෝරලේ විත්ති ආරම්භයේ මෙසේ සදහන්වේ.


ශකල ශ්‍රීන් සමෘද්ධි සම්පන්න වූ මේ ලංකාද්විපයෙහි රුහුණු, මායා , පිහිටි යන තුන් රටක්‌ ඇත්තේය. රාම රජ්ජුරුවෝ යුද්ධ කොට රාවණා නසා ජයගෙන මේ තුන්රට විභීෂණ දෙවියන්ටත් සමන් දෙවියන්ටත් භාර දුන්නේය. (පත් ඉරු අංක 37 බලංගොඩ බාන්ස්‌ රත්වත්තේගේ පුස්‌කොල පොත් එකතුවේ ශ්‍රී ලංකාද්විපයේ කඩයම්පොත ප්‍රමාණය අගල් 17 2.1 )


කඩයිම් කවි(


විභීෂණ සමන් විෂ්ණු මේ ලකට

රජකල දවස සිරිලක බෙදුනේ තුනට

රුහැණ ද පිහිටි මායා රට තුනක්‌ කොට

මේ ලකට ත්‍රී සිංහල නම් වේ එදා සිට


දැනට හමුවී ඇති ලක්‌දිව පැරණිතම පුස්‌කොල ග්‍රන්ථය සත්කොරලේ බලියාග ග්‍රන්ථය වන අතර , එහි ඉහත වැකිය රාවණ රජුට බලි ඇදුරන් පවා දක්‌වා අති කෙනෙහිලිකම් මනාව පිළිබිඹු කරයි.


රාවණ මෙන් සොද තොවිල් උගත්තු

බෝවන සදහන් ගුණසිය පත්තු

රෝග දුකින් පෙලෙනා බලවත්තු

මේ ඇදුරන් ග්‍රහ පුදට නොගත්තු


(පත්ඉරු අංක 02)


දෑසින් ගිනිපුල් විහිදෙන ආන්දන්

මුඛය අරේ ජල ගිනිවැල ආන්දන්

චතුර දැහැත් ඉනවට දිලි ආන්දන්

නීල ගිරික රාවණ එන ආන්දන්


(පත්ඉරු අංක 23)


ලොව පැරණිතම භාෂා ගණයෙලා සැලකෙන හෙළ බස (හෙවත් යක්‌ෂ භාෂාව) අදවන විට තහවුරු කරගෙන ඇති අතර , ඒ පිළිබදව රාජකීය පණ්‌ඩිත මානෑවේ විමලරතන හිමි යක්‌ෂ ගෝත්‍රීකයන්ගේ අප්‍රකට තෙරතුරු ග්‍රන්ථයෙන් මනාලෙස හෙළිදරවු කර ඇත. හෙළ අටුවා ආශ්‍රයෙන් පාලි ග්‍රන්ථ රචනා වූ අතර , හෙළ ත්‍රිපිඨකය පසුකාලීන පාලි ත්‍රිපිඨකය රචනයට මූලාශ්‍ර වූවාසේ යක්‌ෂ භාෂාවේ ඇද වැටුමෙන් පසු සංස්‌කෘත භාෂාව ලොව අද්විතීය භාෂාවක්‌ බවට පරිවර්තනවය විය. සංස්‌කෘත භාෂාවෙන් රාවණ රජුගේ කේන්aද්‍ර සටහන පවා නොනැසි අද දක්‌වාම පවතී


1 ශ්ලෝකය (


ත්‍රි සඩසි්‍ර විජිතේ නීචඥෂට

ශෙෂාතිතුඩෙග ගුරුවා සරේච

යුග සථර්තෙ චාපර නඡතාණදං

ලංකේශ රාවණ තතං ජාතං සමාංශෙ


ඉහත සංස්‌කෘත ශ්ලෝකය පැහැදිලි කර ගැනීමට විජයපාල වීරවර්ධන මහතාට යම් දැනුමත් සංස්‌කෘත භාෂාව පිළිබදව ඇත්නම් කිසිවිටකත් රාවණ යුගය සංකල්ප ලෝකයක පමණක්‌ පවතී යන ප්‍රකාශය නොකරනු ඇත.


ලංකාවේ සීතාවක රාජසිංහ රජු හැර (රාසිංහ කේන්ද්‍රය (මාහිංගමුව රජ මහා විහාරයේ පවතී ) සටහනක්‌ අත්නම් එය ලංකේශ්වර ශ්‍රී රාවණ රජුගේ කේන්aද්‍ර සටහන පමණි. එබැවින් ඇතැම් ලේඛකයන් රාවණා යුගය ප්‍රතික්‍ෂේප කිරීමට උත්සාහ දැරීම ජාතියේ අවාසනාවකි.


යල්පැන ගිය බ්‍රිතාන්‍ය පුරාවිද්‍යා මතවාද හා ඉතිහාස කර තබාගත් විජයපාල වීරවර්ධනයන්ට පුරාවිද්‍යාව පිළිබද තරමක හෝ දැනුමත් ඇත්නම් පහත යුග පිළිබදව අධ්‍යයනක යෙදෙන ලෙස ඉල්ලා සිටිමි.


නූතන ඉතිහාසඥයන්ගේ සොයා ගැනීම් පිළිබදවත් ජාත්‍යන්තර පුරාවිද්‍යාවේ සොයා ගැනීම් පිළිබඳවත් දේශප්‍රිය නානායක්‌කාර මහතා දිවයින බදාදා අතිරේකයෙන් මනා ලෙස ඉදිරිපත් කර ඇති හෙයින් ඒ පිළිබදව වැඩියමක්‌ ලිවීමට අදහස්‌ නොකරමි.


නිsදහසින් පසු මෙරට ඉතිහාස ගවේෂකයන්ට අති මහත් සේවයක්‌ කළ ගණනාත් ඔබේසේකරයන් විනාශ වෙසින් පැවැති මෙරට පුරාණ පුස්‌තක පරිවර්තනය කළ සමාජ මානව විද්‍යාත්මක පර්යේෂකයෙකි. ජනවාර්ගික අධ්‍යයනය පිළිබදව ජාත්‍යාන්තර කේන්ද්‍රය හා ඒකාබද්ධව එතුමා මෙරට කඩයිම් ග්‍රන්ථ ජාතික කෞතුකාගාර සහ ජාතික ලේඛණාරක්‍ෂක දෙපාර්තමේන්තුව හා ඒකාබද්ධව පුස්‌කොල ග්‍රන්ථ පරිවර්තයේ යෙදීඇත. ඒ යටතේ කොළඹ කෞතුකාගාරයේ ඇති ඒ/ආර්/18 වන්නිරාජාවලි පුස්‌කොල පිටපතේ ක්‍ෂුද්‍ර ඡායාරූප පිටපත එළිදක්‌වාඇති ග්‍රන්ථයේ 37 පිටුව මෙසේ සදහන් වේ.


එදා මූද කැළණියට හත් ගවුවක්‌ පමණය. එකලට අරක්‌ගත් දෙවියෝ කලකිරී මුහුද ගලන්නට වන්සේක. ද්වාපර යුගයේදී රාවණගේ අධර්මයෙන් රාවණ කොට්‌ටයත්, මාළිගා විස්‌සත් , විදි හාර ලක්‍ෂයත් මූදට ගිලී ගියේය. මන්නාරමෙන් එපිට තූත්තුකුඩියට අතරේ රාවණගේ නුවරය.


මේ අනුව විඡේපාලයන්ට අනුව රාවණ යුගය සංකල්ප ලෝකයේ වූවාට පුරාවිද්‍යාඥයන්ට රාවණ යුගය මනකල්පිත නොවේ.


මුහුදේ ගිලා බැසි අට ලංකා හෙවත් ලෙමූරියා දිවයින අද නූතන පුරාවිද්‍යාඥයන්ගේ නවීනතම පර්යේෂණයේ මූල බීජ බව රහසක්‌ නොවේ. ඇමෙරිකානු ගුවන් හමුදාව රොවන් හෙවත් රාවණ නමින් රහස්‌ ඔත්තුසේවා ගුවන් යානා නිෂ්පාදනයේ යෙදෙද්දී යල් පැනගිය බ්‍රිතාන්‍ය අධිරාජ්‍ය ගැත්තන්ට රාවණ මනංකල්පිතය.


ලෝකයේ පැරණි බව විද්‍යාඥයන්ට දැන් අවබෝධ වී අවසානය. ඇµa ආර්. වුල්සින්ගේ ඉතිහාසය යුග වලින් ඔබ්බෙහි වයඹ දිග අප්‍රිකාවේ පුරාවිද්‍යාව නම් ග්‍රන්ථය අනුවද ඩෙක්‌ බැරින්ටන් නම් බ්‍රිතාන්‍ය ජාතික පුරාවිද්‍යාඥයතනයට අනුව ලෝක ඉතිහාසය යුග ගණනාවකට බෙදී ඇත. අයින්ටින් පඩීවරයාට අනුව භවයේ විෂ්කම්භය ආලෝක වර්ෂ 85,000,000,000,000,000,000,000,000,000,වේ. මේ සිද්ධාන්තය නිවැරදි බව සෙසු විද්‍යාඥයන්ගේද නිගමනය වේ. ඒ අනුව ඵ්වයේ ප්‍රමාණය යුනිවර්ස්‌ ලෙස නූතන තාරකා විද්‍යාඥයන් පවා අවබෝධ කර අවසානය. මීට වර්ෂ 10000 පෙර දඹදිව පවා අජඨාකාශගාමීන් සිටි බවට නොබෝදා උස්‌බකීස්‌ථානයෙන් ගල්ගුහාවක තිබි සොයාගත් අජටාකාශ ගාමීයෙකුගේ රූපයකින් අණාවරණය වි තිබියදී දේශීය ඇතැම් ලේඛකයන් රාවණා යුගය මනංකල්පිත බව පැවසීම මෙරට ඉතිහාසඥයන්ගේ දැනුම පිළිබදව කදිම උදාහරණ සපයයි.


අප්‍රිකා මහද්වීපයත් ඉන්දියන් සාගරයද මඩගස්‌කාව ,ලංකාව , මලයාව (මැලේසියාව) ඕස්‌ටේ්‍රලියාව සම්බන්ධ වූ මූ නමීන් යුත් දියුණු දAවිපය ගිලීගොස්‌ ඉන්දියන් සාගරය ඇති වූ බව වර්තමාන විද්‍යාඥයන්ගේද පිළිගැනීම වී තිබේ.


මහා විද්‍යාඥයන් වන කර්නර් ජෙම්ස්‌ වර්ච්වුඩ් වැනි පඩිවරුන්ට අනුව මූ රාජ්‍යයේ දැනට ශේෂව ඇති මධ්‍ය කොටස ඉන්දියන් සාගරයේ ඇති සිංහල දිවයින ලෙසද සකල විද්‍යාවන්ට ශාස්‌ත්‍ර සූත්‍ර වල මූලස්‌ථානය මේ මූ දිවයින බව පැවසීම ලංකාද්වියට නොවැටහීම ජාතියේ අවාසනාවකි.


සොලමන් රජුගේ අති විශාල දෙවොලට දේවදාර කදන් රැගෙන ගියේ ශ්‍රී ලංකාවෙන් ගිංතොට නොහොත් ගාලු වරායෙන් බව හීබෲ ග්‍රන්ථවල පෙන්වාදේ. මෙවැනි පුරා විද්‍යාත්මක ඉතිහාසාත්මක මතවාදයක්‌ නූතන ලොව තුළ පවතිද්දි පර්යේෂණ කිසිවකටවත් සම්බන්ධ නොවූ ඇතැම් ලේඛකයන් රාවණයන්ට අපහාස කිරීම හා පර්යේෂණ අඩපණ කිරීමේ කූට උපක්‍රමයක යෙදී ඇති බව මෙවැනි ලිපි මගින් තහවුරු වේ. එබැවින් ඉතිහාසය හා පුරා විද්‍යාව විෂයන් දෙකක්‌ වන අතර ,පුරා විද්‍යාඥයන්ට පුරා විද්‍යාත්මකව ඉතිහාසය පැහැදිලිව පෙන්වා දීමට කිසිදා නොහැකි වු ඇත. 


 උපුටා ගැනීම - http://www.divaina.com/2011/10/05/badada02.html

 

මං කුවේණිට ආදරෙයි!

0

මං කුවේණිට ආදරෙයි!

සුගත් සමරකෝන් පවසයි

වේදිකාව දේශපාලන භාවිතයක් සඳහා යොමු කළ නාට්‍යකරුවන් අතරින් 80 දශකයේ අග වඩාත්ම ඉස්මතු වූ නාට්‍යකරුවා සුගත් සමරකෝන්ය. ඔහු නිර්මාණය කළ අමල් බිසෝ, උතුරේ රාහුල හිමි, කමන්ඩෝ දියසේන හා දේශපාලුවා වඩාත් ගැඹුරින් සටහන්ව ඇත්තේ ඒ යුගයේ සිදුවූ සමාජ දේශපාලන වෙනස්වීම්වලට ප්‍රතිචාර දැක්වූ නාට්‍යය ලෙසය. සුගත් සමරකෝන් දීර්ඝ කාලයකට පසු නැවත වරක් සිනමා නිර්මාණයක් අධ්‍යක්ෂණය කරමින් කලා ක්ෂේත්‍රයට පිවිස සිටී.

* ඔබ බොහෝ දෙනෙක් හඳුනන්නේ දේශපාලන නාට්‍යකරුවෙකු ලෙසයි. එතැන ඉඳලා ඓතිහාසික සිනමාකරුවෙකු බවට හැරවුමක් ගත්තේ ඇයි?

නාට්‍ය කලාවෙ කරපු දේශපාලනයම තමයි මම සිනමාවෙත් කරන්නේ. ඓතිහාසික චිත්‍රපට කිරීම තුළත් දේශපාලනයක් තිබෙනවා. සමකාලීන මාතෘකාවලට පමණක් දේශපාලනය සීමා කරන්න බැහැ. සදාතනික දේශපාලනය තිබෙන්නේ ඉතිහාසය තුළයි.

* මෑත කාලයේ ඓතිහාසික කතා තේමා රැගත් චිත්‍රපට නිෂ්පාදනය වීමේ රැල්ලක් දකින්න ලැබෙනවා. ඒවා ආදායම් අතින්ද සාර්ථකයි. මේ පසුබිම ඔබට “විජය කුවේණි” නිර්මාණයට බලපෑවද?


 
ඓතිහාසික කතා තේමා කියලා විශේෂයක් නැහැ. නිර්මාණකරුවන්ට විවිධ අරමුණු තිබෙනවා. අපිට දීර්ඝ ඉතිහාසයක් තිබෙනවා. පසුගිය කාලයේදී ඒක අමතක කර බටහිරට වන්දනා කරන පසුබිමක් හැදුණා. ඒක නිවැරැදි විය යුතුයි. භෞතික සංවර්ධනය වැදගත්. නමුත් අපි එයට වහල්වෙලා ඉතිහාසය අමතක කරන්න නරකයි.

අපිට සදා ජීවමාන වන ඉතිහාසයක් තිබෙනවා. නමුත් එය තුළ සිදුවුණු අත්වැරදීම්ද නැතිවා නොවෙයි. ඒවා නිවැරැදි විය යුතුයි.

* “විජය කුවේණි” කතා ප්‍රවෘත්තියට ඔබ ආකර්ෂනය වුණේ කුමන හේතුවක් නිසා ද?


අපේ ජාතියේ ආරම්භකයන්ට පසුකාලීන ඉතිහාස රචනා තුළ අසාධාරණයක් වෙලා තිබෙනවා. මේක මහා රාවණා වංශ කතාව දක්වා දිවයන එකක්. අදටත් භාරතය රාවණා දකින්නේ දුෂ්ට පාලකයෙක් ලෙසයි. එහි වාර්ෂිකව පැවැත්වෙන විජයරාජ් උත්සවයේදී ඔහුගේ ආකෘතියක් පරිභව කර පාකර හරිනවා. රාමායනය තුළ වූවත් රාවණාට සාධාරණයක් ඉටුවෙලා නැහැ. මේ ගැටලු වටහාගෙන ඒවා නිවැරැදි කිරීම ඉතිහාසඥයන්ට පමණක් භාර දෙන්න බැහැ. ඒ සඳහා කලාකරුවන්ටත් කාර්යයක් තිබෙනවා.

* බටහිර හා ඉන්දියානු සිනමාව තුළ වෙනම ධාරාවක් ලෙස “වීර කාව්‍ය” මතුව තිබෙනවා. මෑතක් වනතුරාම අපේ සිනමාවට එය විෂය නොවන්නේ ඇයි?


සිනමා කර්මාන්තය පිළිබඳ හෝ ඒ සඳහා නිර්මාණය වන තිර රචනා තෝරා ගැනීම සඳහා විධිමත් වැඩපිළිවෙළක් නැහැ. අපේ රටේ චිත්‍රපට හැදෙන්නේ හුදෙකලා උත්සාහයන් විදිහට. ඒ නිසා මේක ඇතුළෙන් ජාතික අවශ්‍යතාවයක් මතුවෙන්න විදිහක් නැහැ. එහෙම කෙරුණත් ඒවත් හුදෙකලා මතුවීම් පමණයි. ඒ කොහොම වුණත් වෙන විදිහක රැලි එනවට වැඩිය ඓතිහාසික චිත්‍රපට රැල්ලක් හැදෙන එක හොඳයි.

නමුත් ඓතිහාසික චිත්‍රපට නිර්මාණයේදී විශාලම අවදානම ගන්නේ නිෂ්පාදකයායි. වෙනත් චිත්‍රපටයකට වැඩිය වියදමක් ඒ සඳහා වැය වෙනවා. අපි ජාතික අවශ්‍යතාවයක් ඉටුකළාට අපිට වෙනම පහසුකමක් කර්මාන්තය පැත්තෙන් හෝ රජය පැත්තෙන් ලැබෙන්නේ නැහැ.

ඉන්දියාව හා චීනය වගේ රටවල මේ වර්ගයේ චිත්‍රපට සඳහා විශේෂ දිරිදීම් රජය පැත්තෙන් කෙරෙනවා. ජනාධිපතිතුමා රාජ්‍ය නායකයා එවැනි නිර්මාණ සඳහා පහසුකම් සලසා තිබෙනවා. නමුත් එය චිත්‍රපට සංස්ථාවේ ස්ථාවර වැඩපිළිවෙළක් බවට පත්විය යුතුයි.

* ඔබ චරිතයක් සඳහා රංගන ශිල්පීන් තෝරා ගැනීමේදී ඔවුන්ගේ අතීත රංග කාර්යයන් ගැන සැලකිලිමත් වෙනවාද?

මම චිත්‍රපටයකට නළුවන් තෝරා ගැනීමේදී ඔවුන් මෙයට කලින් ප්‍රධාන භූමිකා රඟපා තිබෙනවාද කියලා බලන්නේ නෑ. ඔවුන් සුළු චරිතයක් රඟපා තිබුණත් ඒ තුළ සෑහීමකට පත්විය හැකි යමක් කර තිබෙනවා නම් එවැනි පිරිසක් යොදාගෙන නිර්මාණාත්මක යමක් කළ හැකිය යන මතයේ මම ඉන්නවා.

“කුවේණි” චරිතය සඳහා දුලානි අනුරාධා තෝරාගත්තෙත් ඒ අනුවයි. මේ චරිතය සඳහා වඩාත් සුදුසු ඇය බව දුලානි උපරිම අයුරින් නිරූපණය කළා. රොජර් සෙනෙවිරත්නගේ “විජය” භූමිකාව කාලයකට අමතක නොවන ආකාරයේ රංගනයක්. ප්‍රධාන නළු නිළියන් පමණක් නෙවෙයි දීර්ඝ වශයෙන් ධාවනය නොවන චරිත පවා මේ චිත්‍රපටයේ ප්‍රබල ආකාරයෙන් නිරූපණය කර තිබෙනවා. ක්ලිටස් මෙන්ඩිස්, සඳුන් විජේසිරි, තිලක් කුමාර රත්නායක, විල්සන් කරු, ආචාර්ය මර්වින් සිල්වා වැනි අය විශිෂ්ට අයුරින් ආරාධිත චරිත රඟපා තිබෙනවා.

* මෙම නිර්මාණය ඓතිහාසික කතාවක සිට පවුල් සංස්ථාව ගැන කෙරෙන විවරණයක් බවට පත්කර ගැනීමට හේතුව කුමක්ද?


අපේ පවුල් සංස්ථාව තුළ බොහෝවිට අසරණ වන්නේ ස්ත්‍රියයි. පේ‍්‍රමය සෑම ගැහැනියකටම පොදුයි. මවක්, බිරිඳක් හා දියණියක් ලෙස පේ‍්‍රමයේ වියෝගය දැඩිව දරා සිටින්නේ ස්ත්‍රියයි. මේ සියල්ලේ පොදු සංකේතය කුවේණියයි. ඒ නිසා මම කුවේණියගෙන් දකින්නේ ස්ත්‍රීත්වයයි.

පෙරදිග ස්ත්‍රියට සදාකාලයටම උරුම වූ විඳවීමක් තිබෙනවා. මම හිතන්නේ එය එන්නේ කුවේණියගෙන් කියලයි. පුරුෂාධිපත්‍යයෙන් බැටකන සදාකාලික ප්‍රතිමුර්තිය කුවේණියයි.

* මේ අදහස ඔබ ප්‍රතික්ෂේප කරන බටහිර සංකල්ප තුළ ස්ත්‍රීවාදය ලෙස දැක්වී තිබෙනවා නොවේද?


කොහෙන් ආවත් මේ තත්ත්වයට අපේ කාන්තාවන්ට මුහුණ දෙන්න සිදුවෙනවා නම් ඒක අපි ප්‍රතික්ෂේප කරන්නේ කොහොහමද?

අපි කාන්තාවන්ට සමතැන් ලැබෙනවයි කතාවට කිව්වට කොයිතරම් බැඳීම්වලින් ඒක වැහිලා තිබෙනවාද? මම කියන්නේ නෛතික සීමා ගැන නෙවෙයි. නීතිය ඇතුළෙ හැමෝටම සම තැන තිබෙනවා. නමුත් සංස්කෘතිය ඇතුළේ ඇය තවමත් සිරකාරියක්. පිරිමියෙක්ට ගෑනු දහදෙනෙක් ගන්න පුළුවන් වුණාට ගෑනියෙක් එහෙම කළොත් මොනව නොකියයිද?

ගැහැනියක් කවුරු හෝ පිරිමියෙක් සමඟ විවාහයකට ඇතුල් වූ පසු ඔහු කුමන දුෂ් චරිතයේ යෙදුණත් ඒ මත්තෙම තැවෙන්න ඕන. ඇයට ගැලවීමක් නැහැ. මේක වෙනස් කරන්න නම් අපි කල්පනා කරන විදිහ වෙනස්විය යුතුයි. ඒක කලාවට කරන්න පුළුවන්.

* ඔබ ඇතුළු පිරිස 80 දශකයේ අග නිර්මාණය කළ කලා නිර්මාණ සමහරු හඳුන්වන්නේ ප්‍රචාරකවාදී නිර්මාණ හැටියටයි.


එහෙම කියන අය ඔය කියන කාලේ මොනවද කළේ. අපි විශාල තර්ජනයක් මැද්දෙයි නාට්‍ය කළේ. අපේ සමහර මිනිස්සු කතා කරන්නේ සාර්ථක වූ උත්සාහයන් ගැන නෙවෙයි වැරදුණු දේවල් ගැනයි. අපිට ඉදිරියට යන්න අමාරු ඒකයි.


 උපුටා ගැනීම -  http://www.dinamina.lk/2011/10/21/_art.asp?fn=f1110213&p=1

සක්වළ යතුර - STAR GATE

3

මෙම සටහන කියවීමට පෙර ,මීට පෙර ලියා ඇති සටහන කියවීම වැදගත් වෙනවා.සමකාලීන මිසර සහ බැබිලෝනියන් ශිෂ්ටාචාර සමග රාවනා රජු සෘජුවම සබදතා දක්වා ඇති බව මීට පෙර සටහනකින් දැන ගත්තෙමු.එසේ නම් මහා රාවනා යුගයද පෙර කී ශිෂ්ටාචාර වල පරිසරයන්ගෙන් යුක්ත විය යුතුය. 


ඒ බව දැනටමත් සනාථ වෙමින් පවතිනවා.පෙර කී මිසර,සුමේරියන්,බැබිලෝනියන් ශිෂ්ටාචාර වලට පිටසක්වල සම්භවයක් ඇති බව සනාථ වී ඇත.මහා රාවනා රජුගේ කාල පරිච්ඡේදයෙන්ද මේ හා සමාන පිටසක්වල සම්භවයක් පිළිබද හෙළි වේ.මේ ශිෂ්ටාචාර සියල්ලක්ම එක හා සමාන කාලයකදී ආරම්භ වී(අහසින් පැමිණි දෙව්වරුන්ගෙන්) එක හා සමාන කාලයක පැවතී එක සමාන කාලයකදී විනාශ වීම පුදුම සහගත සිද්ධියකි.

මෙව්වා එකිනෙකට සම්බන්ධ කර දැක්විය හැක.අප රටේ සිට පිටසක්වල ජීවින් පිළිබද අධ්‍යනයක් කරන විට ,අපට නැතුවම බැරි මූලාශ්‍රයකි "සක්වල ගල". "තාරකා දොරටුව" , "සක්වළ යතුර" හා "සක්වල චක්‍රය" ලෙසද හදුන්වනුයේ මෙයම වේ.ඉoග්‍රීසි බසින් STAR GATE යනුවෙන් හදුන්වයි.



මේ හැරුනු කොට මුලු ලෝකය පුරාවටම තවත් "සක්වල දොරටු" කිහිපයක් සොයා ගෙන තිබෙනවා.එව්වායින්ද වැඩි කොටසක් ,මහා රාවනා රජු සබදතා දැක්වූවායි සැළකෙන ශිෂ්ටාචාර වලට අයත් වීම පුදුම සහගත වේ.මිසරය ඉන් එක් ශිෂ්ටාචාරයකි.එහි ඇති "තාරකා දොරටුව" මීට වඩා විශාල වූ එකකි.නමුත් මෙතෙක් ලෝකය පුරාවටම සොයා ගත් තාරකා දොරටු අතරින්, අක්ෂර සහ රූප වැඩි කොටසක් ආරක්ෂා වී පවතිනුයේ අපේ තාරකා දොරටුවෙනි.අප රටට අයත් තාරකා දොරටුව අනුරාධපුරයේ ,ඉසුරුමුණිය විහාරය අසල ඇති "රන්මසු උයන" තුළ දක්නට ලැබේ.



දැනට පවතින "රාවණා" ඉතිහාස කතාව අනුව මෙය ඉදි කර ඇත්තේ රාවණා රජුගේ පියා වූ "වෙස්සවන" (වෙශ්‍රවණ ) විසිනි.එම නිසා පසුව රජ පැමිණි රාවණාට ,මෙයින් විශාල ප්‍රයෝජනයක් ගන්නට ඇතැයි සිතිය හැක.මොකක්ද මේ තාරකා දොරටුව කියන්නේ? ඔබ The Stargate , Night At The Museum 2 ,Sinhaawalokanaya,Spellbinder වැනි චිත්‍රපට බලලා තියෙනවා නම් මේ පිළිබදව දැනටමත් හදුනාගෙන අවසන් කියා සිතනවා.

දැනට පවතින මතය අනුව මෙහි කැටයම් කර ඇති අක්ෂර සහ රූප වලින් පැවසෙනුයේ වෙනත් චක්‍රාවටයක ඇති ,වෙනත් සෞරග්‍රහ මණ්ඩලයක ඇති ,ග්‍රහලෝක කිහිපයක් කරා යා හැකි සිතියමකි.කොටින්ම කිවහොත් පෘතුවියේ සිට පිටසක්වළ යානාවක් ගමන් කළ යුතු මාර්ගය හා පිටසක්වල සිට නැවත පෘතුවියට පැමිණීමේ මාර්ගයයි.එහි වාසය කරන ජීවින් සමග මහා රාවනා රජු සහ අනිකුත් සමකාලීන ශිෂ්ටාචාර වල රජවරු සම්බන්ධතා පවත්වා ඇත.ඔවුන්ගෙන් අප ලෝකයට විශාල තාක්ෂණයක් ලැබී ඇත.නමුත් අදටත් මෙහි ඇති සිතියම කිසිවෙකුට අවබෝධ කර ගත නොහැක.


නමුත් කවදා හෝ අනාගතයේ යම් අයෙක් මෙම සිතියම අවබෝධ කර ගතහොත් ,එම වකවානුව තුළ තාක්ෂණය වර්තමානයට වඩා දස දහස් ගුණයකින් දියුණුව පැවතුනොත් ,මෙම සිතියමේ උපකාරයෙන් අපට එම ග්‍රහලෝක කිහිපය සොයා ගත හැකි වන අතර එහි වාසය කරන ජීවින් සමග නැවත සම්බන්ධතා ගොඩ නගා ගත හැක.මීට වසර දහස් ගණනකට පෙර පෘතුවියේ සිටි පැරැන්නන් මේ ඔස්සේ පිටසක්වල ජීවින් සමග සම්බන්ධතා පැවැත්වූ අතර කුමක් හෝ කරුණක් නිසා එම සබදතා බිද වැටී ඇත.නූතනයේ පවා පිටසක්වල ජීවින් පෘතුවිය කරා පැමිණෙන්නේ ,අතීතයේ පැවැත් වූ සබදතා නිසා හෝ එම සබදතා අලුත් කර ගැනීමට විය හැක.



විද්වත් මත අනුව මෙම සිතියම සටහන් කර ඇත්තේ දොරකය.එනම් මෙම ගල විවෘත කළ හැකි තත්වයක අතීතයේ තිබී ඇත.මෙම දොරටුව විවෘත වූ විට එහි ඇතුළත ඇත්තේ කුමක් විය හැකි ද? මෙයටද මත කිහිපයක් ඉදිරිපත් වී ඇති අතර ඒ අතරිනුත් ප්‍රසිද්ධ මත 2කි.

1.වෙනත් චක්‍රාවාටයක ඇති වෙනත් සෞරග්‍රහ මණ්ඩලයක ඇති ,වෙනත් ග්‍රහලොවකට ඇතුල් විය හැක.


2.වෙනත් සමකාලීන ශිෂ්ටාචාරයකට ඇතුල් විය හැක (මෙම තාරකා දොරටුවෙන් ගොස්, එම ශිෂ්ටාචාරයේ තාරකා දොරටුවෙන් මතු වීමෙන්)


 
1 වන කරුණ සත්‍යක් නම් ;-

*තාරකා දොරටුව යනු එක් ග්‍රහලොවක සිට තවත් ග්‍රහ ලොවකට ඇසිල්ලකින් පිවිසිය හැකි මාධ්‍යයකි.එය සිදු වන්නේ ඇසි පිය ගසන වේගයකිනි. පියවි ඇසට ගෝචර නොවේ.තාරකා දොරටුවෙන් මෙපිට තව ලෝකයකි.එපිට තවත් ලෝකයකි.මෙපිට සිට එපිටට පනින ඇසිල්ලෙන් අලුත් ලෝකයකට පිවිසිය හැක.ඇතැම් විට එම ග්‍රහ ලෝක වලද මෙවැනිම දොරටු තිබිය හැක.

ඔවුන් මෙපිටට පැමිණ අපට දැවැන්ත තාක්ෂණයක් ලබා දෙන්නට ඇත.මිසර ශිෂ්ටාචාරයේ දැවැන්ත පිරමීඩ් එසේ මෙසේ මිනිසෙකුට ඉදි කළ නොහැක.එමෙන්ම මිසර පිරමීඩ් වල ඇති පිටසක්වල ජීවින්ගේ හා හදුනා නොගත් පියාසර වස්තු වල සිතුවම් නිසාද මෙම මතය වඩාත් කැපී පෙනේ.

 

2 වන කරුණ සත්‍යක් නම් ;

මහා රාවනා ඇතුලු සමකාලීන ශිෂ්ටාචාර වල රජවරු මෙම තාරකා දොරටු භාවිතා කරමින්,ඒ ඒ සභ්‍යත්වයන් කරා ගොස්, ඔවුන් සමග මිත්‍ර සබදතා ගොඩ නගමින්,ඔවුන් සමග දැනුම බෙදා හදා ගෙන ඇත.

*උදා ;- අහසින් පැමිණි සින්හ මිනිසුන් - බැබිලෝනියන් මැටි පුවරු {සීගිරිය පිළිබද ඇති සටහන කියවන්න}


කෙසේ හෝ මෙම මත පිළිගැනීම සහ පිළිනොගැනීම ඔබට භාරයි.






පහත ඇත්තේ පේරු සහ ඊජිප්තු යන රටවල තාරකා දොරටුය.අන්තර්ජාලය පුරාවටම මේවා පිළිබදවද පින්තූර සහ කරුණු ඇත.ඒවාද අධ්‍යනය කරන්න.
 
පේරු රාජ්‍යයේ තාරකා දොරටුව
 
මිසරයට අයත් විශාල තාරකා දොරටුව (ආකෘතියක් - චිත්‍රපටයක් ඇසුරෙන්)
 
මිසරයේ තාරකා දොරටු අතරින් එක් තාරකා දොරටුවක් {කුඩා ය}
 
ලක්දිව තාරකා දොරටුව පිළිබද අධ්‍යනය කරන විට මහා රාවණයනෙගි බල පරාක්‍රමය සක්වල කරා දිව යන බව පැහැදිලි වේ. රාවනා යුගයට අදාළ නොවුනද තවත් කරුණක් දෙකක් කිව යුතුය. වෙස්සවන රජ දවස ඉදි කළ අප රටේ තාරකා දොරටුව තවමත් සුරක්ෂිතව පවතියි.ඇතැම් විට රාවනා රජුගේ "දඩුමොනරය"ද පිටසක්වලින් ලැබුනු එකක් විය හැක.පෙර කීවා සේම "තාරකා දොරටුව" පිහිටියේ අනුරපුර ,ඉසුරුමුනි විහාරය අභියස ඇති රන්මසු උයනේ නිසා මෙය අනුරාධපුර රාජධානියේ රජවරුද භාවිත කළා විය හැක (මගේ මතය ) උදාහරණයක් ලෙස දුටුගැමුණු සමය ගනිමු.



මෙවැනි දැවැන්ත නිර්මාණයක් එතරම් පැරණි යුගයක එසේ මෙසේ මිනිසෙකුට කළ නොහැක.එවන් තාක්ෂණයකට වර්තමානයේ පවා අපට ළගා විය නොහැක.දැවැන්ත යුද්ධයක් නිම වී ඉතා කෙටි කාල සීමාවක මෙම සෑයේ වැඩ ඇරබිනි.දුටුගැමුණු අනුරපුරය ගොඩ නගන විට දෙවියන් හා සමාසනයේ සිට සාකච්ඡා කර ඇති බවත්,එදා විද්‍යා දැනුම ලබා ගැනීමට රහස් සන්විධානයක් තිබූ බවත් ඇතැම් පොත් පත් වල ඇත.රුවන්වැලි සෑය වැනි දැවැන්ත නිර්මාණයක් ක්‍රමානුකූලව ඉදි කිරීමද අසීරුය.


මෙහි සැලසුම රජුට දෙවියන් විසින් තිළිණ කර ඇති බවද සදහන් වේ? අහසින් පැමිණෙන ඕනෑම ජීවියෙක් පැරැන්නන් දෙවියන් ලෙස හැදින් වූහ (වෙනත් රටව ශිෂ්ටාචාරවල පවා) දෙවියන්ට අමතරව "දේව" නමින් පැරැන්නෝ වෙනත් අසාමාන්‍යය ජීවින් පිරිසක්ද හදුන්වා ඇත.රුවන්වැලි සෑය විවෘත කරන විට වෙනත් වෙනත් ලෝක වලින් විවිධ වර්ගයේ ,විවිධ පෙනුමෙන් යුක්ත ජීවින් පැමිණි බව මහා වoශය පවා පවසයි.එවැනි දැවැන්ත නිර්මාණ කිරීමට දේශීය අමු ද්‍රව්‍ය සහ විද්‍යාවන් ඉක්මවා යා යුතුය.රුවන්වැලිය සෑදීමට රජුට අමු ද්‍රව්‍ය ලැබුණු ආකාරයද පුදුම සහගතය.දිවයිනේ නොයෙක් නොයෙක් පලාත් වල සෑයට අවශ්‍ය රන්,රිදී,මුතු,මැනික් දහස් ගණනක් ,එකවර ,ඉබේ පහළ වී ඇත. එමෙන්ම ජේතවනය,රුවන් වැලිය සහ මිරිසවැටිය යන මහා දාගැබ් ත්‍රිත්වය පිහිටා ඇත්තේද මිසරයේ මහා පිරමීඩ ත්‍රිත්වය පිහිටි රටාව අනුවමය.

මෙම "YOUTUBE" වීඩියෝ දර්ශන 2 බලන්න.


1.http://www.youtube.com/watch?v=WlOhNUzoPdU&feature=related

2.http://www.youtube.com/watch?v=6oN-jW6IZJo&feature=related

මෙම වීඩියෝ දර්ශන නැරඹීමෙන් පසුව ඔබට යම්කිසි නිගමනයකට ඒමට සිදු වේ. එහි සාරාoශය මෙසේ වනු ඇත.


ඒරියා 51 යනු හුදෙක් ජනප්‍රිය චිත්‍රපට හෝ මාලා නාටක වල එන සංකේතමය වටිනා කමක් ඇති මුසාවක් වත්, නො එසේ නම් විශ්ව රහස් පසු පස යන දැනුම පිපාසිතයන්ගේ සිත් හි මැවෙන "ෆැන්ටසියක්" වත්, ජනප්‍රිය සංස්කෘතියේ නව නිර්මාණ ලක්ෂයක්වත් නොවේ. සැබවින්ම ඇමරිකානු යුධ කේන්ද්‍රස්ථාන අතර ප්‍රමුඛ මෙහෙයුම් කේන්ද්‍රයක් ලෙස එවැන්නක් පවතියි.... ...


මෙකී රහස් කඳවුර තුළ පිටසක්වළ අතිශය බුද්ධිමත්, තාක්ෂණයෙන් අපට වඩා ගව් ගණනක් ඉදිරියෙන් සිටින ජීවී වර්ග හා ඇමරිකානු රාජ්‍යාධිකාරීන් මුණ ගැසෙන බව සැබෑවකි. හිටපු මධ්‍යම රහස් ඔත්තු සේවා අධිපතීහු පවා මේ ගැන සිය විශ්‍රාමික දිවිය අතර තුර සමීපතමයන්ට හෙළිදරව් කොට තබා මෙලොවින් නික්ම යන්නට වග බලා ගත්හ. මෙවැනි හමුවලදී හෙළි දරව් වූ විශ්ව රහස් දහස් ගණනක් වුවද ඉන් ඔබට වැදගත්ම රහස වන්නේ මෙයයි...

"පිට සක්වළ ජීවිහු අතර "දුර බැහැර ග්‍රහ ලොවක ඉපිද, ජීවන චක්‍රය හා ඉන් මිදීම ගැන මාර්ගෝපදේශකත්වය දුන් මහා පඬිරුවනක් සරණ ගිය කොට්ඨාශයක් වෙති. ඔවුහු අසම සම මානසික ශක්තීන් අතිශයින් බල සම්පන්න ජීවිහු වෙති. සිය දේශක නායකයාට ඔවුහු "තත්ථාගහ්" (Thaththaggah) සහ "නීදෝක්" (Needhok) යන නාමයන්ගෙන් අමතති..." මේ කියන්නේ මේ චක්‍රාවාටයෙන් ඔබ්බෙහි ග්‍රහ ලෝක වල සිටින බුදුන් සරණ ගිය "විශ්ව බෞද්ධ" ප්‍රජාවක් ගැන නොවේද?......( ඒරියා 51 වෙතින් හෙළි වූ ආර්ථික, තාක්ෂණික රහස් සිය ගණනක් ඇතත්, මෙවැනි "ආගමික" රහසක් ඒරියා 51 වෙතින් පිටතට කාන්දු වී බොහෝ රහස් අතර වෙනත් නැත. වෙනත් කිසිදු "පෘථිවි" ආගමික දර්ශනයක් තමන් හඳුනතැයි ඔවුන් පවසා නැත..

මේ එවැනි රහසක් ලොවට කාන්දු වූ පළමු අවස්ථාවයි )එසේ නම් එදා ගෞතම බුදු සරණ ගිය "ඒලියන්" උපාසක, උපාසිකාවන් මෙන්ම එදා බුදු පා සෙවණේ ආර්‍ය සත්‍ය අවබෝධ කර ගත් "ඒලියන්" සෝතාගාමීන්, රහතුන් මේ මොහොත වන විටත් "හබල්" දුරේක්ෂයට නොපෙනෙන චක්‍රාවාට වල සිට "නමෝ බුද්ධාය!" කියනවා විය යුතුය....



එසේ නම් දුටුගැමුණු රජු සමග සබදතා පැවැත්වූයේද බුදුන් සරණ ගිය,බුදු දහම වැළදගත් පිටසක්වල ජීවින් පිරිසක් නම් ,ඔවුන් දුටුගැමුණු රජුගේ බුදු දහම නගා සිටුවීමේ හා වෙහෙර විහාර ඉදි කිරීමේ ව්‍යාපාරයට සහයෝගය දැක්වීම පුදුමයට පත් විය යුතු කරුණක්ද නොවන්නේ ය.

රුවන්වැලිය ගොඩ නැගීමේ වැඩ කටයුතු හෙළයන් විසින් සිදු කළත්,ඒ සදහා අවශ්‍ය වූ තාක්ෂණය ,"ඇතැම් විට" සක්වල ගල ආධාරයෙන් අපට ලැබෙන්නට ඇති ඉඩකඩ ඇත.ඒ බව පහතා ඡායාරූප වලින්ද පැහැදිලි වෙයි.


විශේෂ ස්තූතිය ;- වරුන නිරෝශන කමලවන්ශ















කෙතරම් පුදුම සහගතද...???? රුවන්වැලි මහා සෑය යනු,අප සිතනවාටත් වඩා විශාල ස්තූපයකි.මෙම පුරුක ඔස්සේ ගිය විට එය තවත් පැහැදිලි වේ ;- http://www.youtube.com/watch?v=c14hOZA_cmA&feature=share





රාවනා රජ දවස ,පිටසක්වල යානා නවතා තැබුවේ මෙම ස්තානයේ බවද කිය වේ.සමහරුන් රාවනා රජු යනු සාමාන්‍ය මිනිසෙකු නොවන බවත් පිටසක්වලින් පැමිණි වෙනත් පිටසක්වල ජීවියෙකු බවත් තරයේ ප්‍රකාශ කරයි.එසේම ඔහු නව නිපැයුම් ශිල්පියෙකු වූ බවත් මායා ,ඇස්ටෙක්ස්,ඊජිප්තුව සහ මැද පෙරදිග පාලනය කළ බවත් කියයි.

එමෙන්ම රාවනයන්ට ශක්තිමත් තල දෙකකින් යුක්ත බූමරෑන්ග පවා තිබූ බවට වාර්තා වේ.තවත් පිරිසක් මොහු කාශ්‍යප බුදුන්ගේ කාලයේ කාශ්‍යප බුදුන් සරණ ගොස් මස් මාoශ අනුභවයෙන් තොර වූ බවත් කියයි.එසේම තවත් පිරිසක් මීට වෙනස්ම මතයක් ප්‍රකාශ කරයි. එනම් රාවණාගෙන් හෙවත් (අසුර / හෙළ ශිෂ්ටාචාරයෙන්) මිදීමට "සුර" නම් ශිෂ්ටාචාරයක් (රාමා ඇතුළු පිරිස ) රාවණාට එරෙහිව දැවැන්ත යුද්ධයක් ආරම්භ කර ඔහුව විනාශ කර දැමූ බවයි.මෙවැනිම කතාවක් ලෝක ඉතිහාසයේද ඇත.එහි ඇත්තේ මොවුන් පරමාණු යුද්ධයක් (Nuclear War)ගෙන ගිය බවයි.රාවණාටද පරමාණු බලැති ,විකිරණශීලී අවි ආයුධ තිබූ බැවින් මෙම කතාවන් 2ක් නොව 1ක් වන බවට උගතුන් සැක පහල කරති.

Wikipedia වැනි වෙබ් අඩවි මගින් මෙවැනි දේ පිලිබද අධ්‍යනය කරන්න.












 

උපුටා ගැනීම - http://ko-kr.facebook.com/notes/maha-ravana/the-star-gate/168717423181766