-->

Sunday, August 28, 2011

කේ.බී. මානෑව ගේ “ලග්ගල ජනවහර.......

1
ලග්ගල යන්න ලක්ෂ්‍ය පර්වතය යන අරුත මෙන් ලංකා ගල යන්න ද දනවයි. කේ.ඩී. පියදාසට අනුව (ලග්ගල පුරාණය, ඓතිහාසික මාතලේ 1982) ලග්ගල පර්වතය රාම රාවණා යුගය හා බැඳුණු ප‍්‍රාග් ඓතිහාසික වෘත්තාන්ත සඟවාගත් උස් කන්දකි.
ලංකා ඉතිහාසයේ ප‍්‍රාග් කඩඉම විචිත‍්‍ර කරන යක්ෂ ශිෂ්ටාචාරයේ කේන්ද්‍රීය පෙදෙස මෙය බව අනුමාන කළ හැකි ය.

 ඕනෑ ම පුරාකතාවකට, භූගෝලීය (Geographycal) සමාජ විද්‍යාත්මක (Sociological) සහ විශ්වීය (Cosmological)  ආදී තල තුනක් පවත්නා බව, ලෙව්ස්ට‍්‍රවුස් නම් මානව විද්‍යාඥයා පවසයි.
 ඒ අනුව රාවණ පුරාවතට ද එය සාධාරණ වේ. ලග්ගල ආශ‍්‍රිත පෙදෙසටත් බදුල්ල, නුවරඑළිය ආදී පෙදෙස්වලටත් රාම රාවණ පුරාවතට සම්බන්ධ අනන්‍යතා ඇති භූගෝලීය ස්ථාන නාම ඇති වූයේ ඒ අනුව ය. 
 
ෆින්ලන්ත මූලධර්මයක් වූ “භූගෝල විද්‍යාත්මක ජනශ‍්‍රැති මූලධර්මයෙන් කියැවෙන්නේ යම් ශ‍්‍රැතියක් කාලය ඔස්සේ පැතිරීමේ දී ඊට භූගෝලීය අනන්‍යතා එකතු වන බව ය. 
 
රාම රාවණ පුවතට ගාල්ලේ උනවටුණ පෙදෙස ද සම්බන්ධ වී ඇත්තේ ඒ අනුව ය. පුරාවතක විශ්වීය තලය ද රාම රාවණ පුවතට සම්බන්ධ ව තිබේ. රාම යනු විදුලිය යි.
රාවණා හෙවත් රවන යනු රාවය යි. 

සීතා යනු ශීත හෙවත් පස්පිඩැල්ල යි. බුදුහිමි විසින් යකුන් ලක්දිව සිට, ගිරි නම් දිවයිනකට පලවා හරින ලදැ යි සම්ප‍්‍රදායයේ කියැවේ.
ලග්ගල ජනවහරේ මෙන් ම මධ්‍යම ප‍්‍රදේශ ජනශ‍්‍රැතියේ ද (මා කළ ගවේෂණවල දී ලැබුණු තොරතුරු අනුව) යකුන් ලග්ගලින් ලොග්ගලට පලවා හරින ලදැ යි දැක්වේ.

මේ කියන්නා වූ ලොග්ගල, රාජාවලියේ දැක්වෙන සිරිස වත්ථූපුරය හෝ ඌවේලොග්ගල නම් පෙදෙස පී.බී. මීගස්කුඹුර, (1995) ලක්දිව වැදිජන පුරාණය) විය හැකි ය.
 රාධා කෘෂ්ණන් ගේ” ඉන්දීය දර්ශනයෙහි දැක්වෙන ලෙස අථර්වවේදයේ පවා දෙවියන් හා අසුරයන් ගැන පූර්ව කතාව දැක්වේ, 
 
පසු ව දෙවියන් විසින් අසුරයන් යටත් කරගන්නා ලද බව ය ඒ. ඍග්වේදයේ එන සුරාසුර යුද්ධය පිළිබඳ මූලික පුවතේ දේශජ අනන්‍යතාව වෙනස් ව ග‍්‍රීක හෙලස් පොන්ට් සටන බවට එය රූප විපර්යස්ථ වූ බව ද, ජනශ‍්‍රැති මූලධර්ම සාක්ෂ්‍ය සපයයි. 
 
(ධර්මබන්ධු අමරසේකර (1962) ඓතිහාසික ජනකථා) රාමරාවණ පුවත බවට ක‍්‍රම විකාශ වී ඇත්තේ ද ඒ මූලික ඍග්වේද කතාව ම බව ඇතැමකු ගේ මතය යි. ඉන්දීය කෆයර් (Kafirs)  ගෝති‍්‍රකයන් ගේ විශ්වාසය නම් ශිඛරය හෝ පර්වතය දෙවියන් ගේ සංකේතයක් බව ය.
 එසේ ම මහ පොළොවට ඉහළින් වසන්නා දෙවියෙකි. ඔහු දිව්‍යමය යානා භාවිත කරයි. පියාඹන අශ්වයා (Flying horse) රාජාලියා වැනි සංකේත ඒ දිව්‍යත්වය හා බැඳී පවතින බව, හැරල්ඩ් බේලේ (harold bayley,  1951) පවසයි.

 මේ නිසා ම ඇතැම්හු සීගිරිය ද රාවණ රාජ්‍යය බවත්, ඊට කාශ්‍යප ආරූඪ වූයේ පසු ව බවත් පවසති. (ආරියදාස සෙනවිරත්න (1991), ශ‍්‍රී ලංකා රාවණ රාජධානිය) මේ කියන්නාවූ විශ්වශ‍්‍රැති න්‍යායට ම, ආදම් හා ඊවා පුරාවෘත්තය ද එක්වන්නේ නිතැතිනි.
 ඇස්.ඩී. ද ලැනරෝල් (අපේ සමාජ ඉතිහාසය, 1950) ට අනුව දේව යනු ආර්ය වර්ගයේ ජනකොටසකි. ආදම් හා ඒව පලවා හරින ලද්දේ ද ඔවුන් විසිනි. දිව්‍යාවදාන නම් සංස්කෘත ග‍්‍රන්ථ යේ වලාහකස්ස ජාතකයේ ආභාසය සහිත ව ලියැවුණු සිංහල නම් වෙළෙන්දා ගේ කතාව කියැවේ. 
 
මිහිඳු කුලසූරිය සුසන්ත ප‍්‍රනාන්දු නම් අන්තර්ජාතික මාධ්‍යවේදියා ලියූ Alien Mysteries in Sri Lanka & Egypt (1997)  ග‍්‍රන්ථයේ , සමනොළ කන්ද , රිටිගල , සීගිරිය ආදී ස්ථාන පුරාණ ලෝක ශිෂ්ටාචාරයේ නොවිසැඳුණු අබිරහස් හා සම්බන්ධ කර ඇත.
 මේ හැම ස්ථානයක ම භූගෝලීය වශයෙන් එක් තැනක සිට තව තැනකට පුද්ගල නෙරපා දැමීමක් හෝ පලායෑමක් දැක්වේ. 
 
අධි ශක්තියකින් හෙබි යානයක් (අශ්වයකු , කුරුල්ලකු වැනි ) පිළිබඳ ව ද ඒ ඒ තැන දැක්වේ. කේ.ආර්. නෝමන්  (K.R. Norman) දක්වන අන්දමට, ගී‍්‍රක හා යුරෝපා දේශවලට විශ්ව පුරාණෝක්ති හා ජනකතා පැතිර ගියේ පුරාණ ඉන්දියාවෙනි.
ඔඩිසි හා ඉලියඩ් වැනි වීරකාව්‍ය වෙතට දේව අසුර සටන් කාන්දු වූයේ ඒ අනුව ඉන්දීය ඍග් වේදයෙනැ යි නොකිව හැකි ද?
  පුරා කතාවක වූ සමාජ විද්‍යාත්මක තලය රාම රාවණ කතාවට විශේෂයෙන් සුසන්ධි වෙයි. ඩී. ඩී. රණසිංහ (1959, පුරාවෘත්ත) දක්වන ලෙස රාවණ යනු පුලහස්ති ඍෂිවරයාට දාව අසුර කන්‍යාවකට උපන් පුත‍්‍රයෙකි.
එනයින් ඔහු අසුර හෙවත් යක්‍ෂ ගෝති‍්‍රකයෙක් වූයේ ය. ලග්ගල පෙදෙසේ අදත් “ අසුරමාන ජේඩිගේ “අසුරමානදේව ගේ “ ආදී වාසගම් කියැවීමෙන් මේ යක්ෂ පුරාවෘත්තයේ ඇති බලවත් සමාජ විද්‍යාත්මක සාක්ෂ්‍යය අප හමුවේ පෙනේ. 
 
චන්ද්‍රසේන තැන්නේ නම් මහතකු 1965 දී සංග‍්‍රහ කළ “ සිහිගිරි “ නම් පොතක, සීගිරිය ආශි‍්‍රත පෙදෙසෙහි ගැමියකු හා කරන ලද සම්මුඛ සාකච්ඡාවක් දැක්වේ. 
 
ඒ මිනිසා ඉතා ආඩම්බරයෙන් යුතු ව “ අපි පැවතෙන්නෙ යක්කුන්ගෙන් “ යි එහි පවසයි. මානෑව සූරීන්ගේ ලග්ගල ජනවහරෙහි තැන තැන පුද්ගල වාගාලාප අතර “ යකෝ” යන්න සඳහන් වේ. මේ වනාහි මේ පෙදෙසෙහි ජනයා යක්ෂ ගෝති‍්‍රකයන් සමඟ වූ සමීප සබඳතාව පෙන්වන්නකි.
  පුරාකතාවේදයට අදාළ ව පෙර තැනෙක දැක්වූ තුන් ඈඳුතු තල අතරින් සමාජ විද්‍යාත්මක තලය සම්බන්ධ තොරතුරු මානෑවයන් ගේ කෘතියෙහි වැඩිතර ව හමු වන බව පෙනේ.

 ඒ කෘතියට ආමුඛ සටහනක් සපයන ආචාර්ය මිරැන්ඩෝ ඔබේසේකර , රාවණ අනන්‍යතාව හා ලග්ගල පිළිබඳව වැඩිතර අවධානයක් යොදයි. 
 
වසර 5000 ක් පැරැණි රාවණ කොඩිය ද , මේ කෘතියේ මුලට යොදා \නම විශේෂයකි. රාවණ රජු පිළිබඳ ව , ඉන්දීය පුරාණෝක්ති ඉක්ම වු විශේෂ අනන්‍යතාවක් ලග්ගල ජනවහර කෘතියෙන් අපට ලැබෙතැයි ද ඒ අනුව කිය යුතුවේ .

 ‘History repeat it self ’’ හෙවත් ඉතිහාසය පුනරාවර්තනය වේ යැයි කියමනක් ඇත. එය විල්හෙල්ම් වුන්ඩ් වර්ධනය කරනුයේ Teleological airection at human destinies  හෙවත් මනුෂ්‍ය දෛවයේ අවසාන හේතුව පිළිබඳ දිශාව “ යනුවෙනි.

 අප , පුරාකතා ගුඪ සංසිද්ධීන් ලෙස අඳුරට දමා තිබෙන දේ, නූතන විෂය මූලධර්ම දෙදරවමින් හිටිහැටියේ කි‍්‍රයාත්මක වෙයි. සුනාමි ව්‍යසනය ද “ කැලණිතිස්ස - විහාරදේවී “ පුරා කතාවේ පුනර්ප‍්‍රවර්තනයක් වූයේ ඒ අනුව ය.

 රාවණ ගේ වෛද්‍ය ක‍්‍රමය පිළිබඳ පුරාණ දැනුමකින් සන්නද්ධ වයස අවුරුදු අනූහතරක් වූ ප‍්‍රාංශුදේහධාරි මුදලිහාමි වර්ණසූරීය නමැත්තෙක් මේ මෑත දිනක දී, රෝගීව වෙසෙන මහැ’දුරු අනුරාධ සෙනෙවිරතත්න බැලීමට ආයේ ද ඉහත දැක් වූ පුනර්ප‍්‍රවර්තන කි‍්‍රයාවලියේ අවිවරණීය සාධකයක් ලෙසිනි.
ඒ වෛද්‍යවරයා ‘Doctor’ යන ඉංගී‍්‍රසි වචනය හඳුන්වන්නේ “ දොස්තොර “ යන සිංහල ඌරුවෙනි. ඒ මහතා විසින් ලියන ලද ඉංගී‍්‍රසි ග‍්‍රන්ථයක රාවණ රජු හැඳීන්වූණේ මෙසේ ය.
’ Ravana is the auther of Deha Dhmma , the Sri Lankan Herbalogy and Acupunture.. රාවණ වූකලී , ශී‍්‍ර ලාංකේය දේශිත ශාඛ ඖෂධවේදයේ හා කටුචිකිත්සාව හෙවත් දේහධර්ම විද්‍යාවේ කතුවරයා ය.”

 රාවණ රජු ශාඛ භක්‍ෂකයකු බවත්, නූතන අරිෂ්ට පෙරීමේ ආදි කර්තෘ ඔහු බවත් ඒ ලේඛනයේ දැක්වේ. අර්කප‍්‍රකාශ, කුමාර තන්ත‍්‍රය, නදී ප‍්‍රකාශ , ආදී පැරැණි ග‍්‍රන්ථයන්හි කර්තෘ රාවණ රජු බව “දොස්තොර මුදලිහාමි වර්ණසූරිය පවසයි. 

විලියම් ආර්. බැස්කොම් (William R. Bascom ) නම් මානෑව සූරින් ගේ ලග්ගල ජනවහර කෘතියෙහි අගය හා ගළපනු වටී. “ජනශ‍්‍රැතිය සන්නිවේදනයේ උපාංගයකි. (ශ‍්‍රැතිසන්නිවේදනය සිදු වන්නේ භාෂාව, වහර ප‍්‍රධාන වාහකය කරගෙන ය.
 එය සමාජයේ සියලු ආයතන අතර සංස්කෘතික පාලමක් සාදයි. ඒ පාලම හරහා ඊළඟ පරපුරට ද යුග අතර සංචාර කළ හැකි ය.” මානැවයන් ගේ “ලග්ගල ජනවහර” කෘතිය ද අධ්‍යහාරයෙන් ම යුග අතර බැඳුණු පාලමකි.

උපුටා ගැනීම - http://www.silumina.lk/punkalasa/20080914/_art.asp?fn=ar08091411

ඉතිහාසයෙන් බැහැර කළ නොහැකි රාවණ චරිතය

0

ඉතිහාසයෙන් බැහැර කළ නොහැකි රාවණ චරිතය!
 
ශ්‍රී ලංකාවේ පමණක්‌ නොව දේශ දේශාන්තරයන්හි ඉමහත් කීර්තියට හා සම්භාවනාවට පත් හෙළ විරුවෙක්‌ වූ රාවණ අධිරාජයා පිළිබඳව දශකයෙන් දශකය, සියවසින් සියවස, විවිධ මතිමතාන්තර පළවීම පුදුමයට කරුණක්‌ නොවේ.

රාවණයින් පිළිබඳව එවැනි උද්ඝෝෂණ, එවැනි මතිමතාන්තර පළනොවන්නේ නම් එය පුදුමයට කරුණකි. නමුත් රාවණයෝ මිත්‍යාවට බරවීම බුද්ධිමත් සැමදෙන විමසා බැලිය යුතු කරුණකි.

හිස්‌ දහයක්‌ අත් විස්‌සක්‌, ඇස්‌ විස්‌සක්‌, දත් 320 ක්‌ වශයෙන් රාවණ රූපය වර්ණනා කිරීම අද බොහෝ දෙනෙක්‌ කතා කරන මිත්‍යාවට හේතු භූත වූ බැව් අප පර්යේෂණවලින් තහවුරු වූ බැව් පළමුව කිව යුතුය. (The Cultured Heritage of King Rawana)

මිථ්‍යාව

ලෝකයේ පහළවන අන් සතුන්ට වඩා වෙනස්‌ යම් සත්ත්වයෙක්‌ සිටී නම් ඔහු හෝ ඇය මිථ්‍යාවට හසුවෙනු සැක නැත. මහා විෂ්ණු දෙවිඳුට එක්‌ හිසක්‌ සහ අත් හතරක්‌ පෙන්වා ඇත. එමෙන්ම ගණ දෙවිඳුට අත් හතරක්‌ අලි මුහුණක්‌, විශාල උදරයක්‌ ද ඔහුගේ වාහනය ලෙස මී පැටියෙක්‌ ද පෙන්වා ඇත. ස්‌කන්ධ දෙවි මුහුණු සයකින් හා අත් දොළොසකින් ද චිත්‍රයට නංවා ඇත. රාවණ චරිතය ඊටත් වඩා ඉහළින් වර්ණනා කළ චිත්‍ර ශිල්පීන් හා මූර්ති ශිල්පීන් රාවණට හිස්‌ දහයක්‌ හා අත් විස්‌සක්‌ දී චිත්‍ර ගත කර ඇත. අතීතයේ ලේඛකයන් හා කවීන් ද රාවණා චරිතය අතිශයෝක්‌තියෙන් (EXAGGARATION) වර්ණනා කිරීම නිසා ධීර වීර රාවණයෝ ඇතැමෙකුගේ සැකයටත්, අවිශ්වාසයටත්, පාත්‍රවීම නිසා මිථ්‍යාවක්‌ ලෙස සැලකීමට සමහරු පුරුදු වූහ. (රාවණ කථා පුස්‌කොළ ග්‍රන්ථය. (එ)

මෑත ඉතිහාසයේ රාවණ රජතුමා ගැන තද විශ්වාසයෙන් සිටි විද්වතෙකි, ෂඩ් භාෂා පරමේශ්වර තොටගමුවේ ශ්‍රී රාහුල මාහිමිපාණෝ. එබැවින් සිය සැළලිහිණි සංදේශයේ එක්‌ පැදියකින් රාවණ රජතුමා පිළිබඳ සිහිගැන්වීමක්‌ කර ඇත.

තුන් ලෝ තමා නතුකළ රවුළු සොහොයු රූ

තුන්කල් බලා රමිඳුට ඉටු මිතු රූ

තුන් වේ ඇඳුරු පුලතිසි කුල මණ මිතු රූ

තුන් විටකම වඳු එසිරිඳු පා තඹු රූ


තොටගමුවේ සිරි රහල් සඟ රජ මා හිමිපාණෝ වීභීෂණට නමස්‌කාරය කරමින් රාවණයින්ගේ ගුණ වැනූ අන්දම සැළලිහිණි සංදේශයේ 92 වැනි පද්‍යයෙන් මෙසේ පෙනී යයි.

මෑත යුගයේ සිටි මහා ඉතිහාසඥයෙක්‌ වූ මහාචාර්ය හාන්දු පැල්පොල පුඤ්ඤරතන නාහිමිපාණෝ ද රාවණ රජු ගැන භක්‌තියක්‌ තිබුණු ඉතිහාසඥයෙකි. ප්‍රාග් ඓතිහාසික යුගයේ සිට වර්තමානය දක්‌වා පැවති රාවණ කොඩිය කොත්මලේ කොඩිය ලෙස රාජ සම්මත කළේ කීර්ති ශ්‍රී රාජසිංහ
- (1747 - 1781) රජතුමාය. (මන්දාරම් පුවත)

මල්වතු පාර්ශ්වයේ අනුනායක ධුරන්දර අපවත්වී වදාළ අඹන්වැල්ලේ ශ්‍රී පඤ්ඤාසේකර හිමිපාණෝ දැනට දශක කීපයකට පෙර රාවණ රජුගේ නොදිරන දේහය නුවරඑළිය කඳුකරයේ ඇති බැව් පුවත්පත් ලිපියකින් හෙළිදරව් කළහ. එයට ප්‍රතිචාර ලෙස "රාවණ කෙප්පය" මැයෙන් මහාචාර්ය පරණවිතාන මහතා එම ලිපියට විරෝධය පළකර ඇත.

කතළුව අටදානවත්ත වලව්වේ රාජකීය පණ්‌ඩිත දොන් කොන්ස්‌ටන් ඔබේසේකර නමැති මේ ලියුම්කරුගේ ඥාතියා රාවණ රජු ගැන මෙසේ කියා ඇත.

රාවණ               ඇත්තා
හෙළ දැයේ      මී මුත්තා
දස බලය            ඇත්තා
ලොවේ මහ වික්‌ මැත්තා

(අමුද්‍රිත කවි එකතුව - 62 වැනි පද්‍යය) අපවත් වී වදාළ බද්දේගම විමලවංශ අනුනායක හිමිපාණෝ සිළුමිණ 1991 නොවැම්බර් 17 පත්‍රයට සපයා ඇත දීර්ඝ ලිsපියේ එක්‌ කොටසක්‌ ද මෙම ලිපියට ඇතුළත් කරන්නේ යක්‍ෂයන් කවුරුන්දැයි අවබෝධ කර ගැනීම පිණිසයි.

"දම්පියා අටුවාව ආදී පොත් යක්‍ෂ ජනතාව හඳුන්වා දී ඇත්තේ හෙළ යන නමිනි. දම්පියා අටුවාවේ පැහැදිලිවම කියන්නේ මෙරට ආදි ජනතාව හෙළයන් බවය. යක්‍ෂ, නාග දෙපිරිසම කතා කළේ හෙළ බසිනි. කුවේර නමින් සිටියේ යක්‍ෂ නායකයෙකි".

රාවණ රජුගේ වැඩිමහල් සොයුරු කුවේර ගැන දම්පියා අටුවාව පිළිගනී නම්, කුවේරගේ මලණුවන් වූ රාවණ පිළිනොගන්නේ ඇයි? යක්‍ෂ, නාග, දේව, ගන්ධබ්බ ආදී සිව් මහ ගෝත්‍රිකයන් මිනිස්‌ පිරිසකි. ඔවුන් මේ රටේ උරුමක්‌කාරයෝය.

ශ්‍රී ලංකාවේ හිටපු ඇමැතිවරයෙක්‌ වූද කථානායකවරයෙක්‌ වූ ද ගරු වි.ජ.මු. ලොකුබණ්‌ඩාර අධිනීතිඥතුමා රාවණ ගැන මෙසේ පවසා ඇත. "රාවණ කියන්නේ ඉතා හොඳ පූජනීය කෙනෙක්‌. එසේ මෙසේ කෙනෙක්‌ නොවේ. "අර්ක ප්‍රකාශ" වැනි වෛද්‍ය ග්‍රන්ථ එතුමා රචනා කළා. "ශිව තාණ්‌ඩව ස්‌ත්‍රොaත්‍ර" වැනි ග්‍රන්ථ එතුමා රචනා කළා. අපි සැබැවින් ද ආර්යයෝ මුටසීව රජතුමා ත්‍රී මූර්තියට සැලකුවේ.
- (හැන්සාඩ් - 1981 ජූලි 24 - පී. 1284)

හෙළ හවුලේ නායක ගුරු දෙවි කුමාරණතුංග මුනිදාස සූරීන් රාවණ චරිතය බහුමානයෙන් විමර්ශනයට ලක්‌කළ අග්‍රගණයේ පඬුවෙකි. අලවි ඉසි සැබිහෙළයෝ ද, කුමරතුඟු ගෝල බාලයන් වූ මහා කවි රැපියල් තෙන්නකෝන්, මහානාම දිසානායක, ජයන්ත වීරසේකර, අරිසෙන් අහුබුදු ආදී විද්වතුන්ගේ සම්භාවනාවට රාවණ රජතුමා ලක්‌ වූ බැව් අපි දනිමු.

රාවණාගේ පරපුර

මහා බ්‍රහ්මයාගේ පුත් පුලස්‌ථි සෘෂිවරයා රාවණ පරපුරේ ආදී පුරුෂයා ලෙස රාමායණය ඇතුළු මූලාශ්‍ර රැසක සඳහන්ව ඇත.

මෙම පිරිස යක්‍ෂ, නාග, දේව, ගන්ධබ්බ ආදී සිව් මහ හෙළයන් සම්මිශ්‍රණය වූ පරපුරක්‌ ලෙස සිතිය හැක. එම කාලයේ ලක්‌දිව - සිංහලේ කුලභේදයක්‌ නොතිබුණු බවට අපමණ සාක්‍ෂි ඇත.

මෙහි ඉහත සඳහන් සිව් කුලයටම සමාන පිළිගැනීමක්‌ තිබිණි. සතර වරම් දෙව් සංකල්පය ඊට නිදසුනකි.

උතුරු දේශයට අධිපති වූයේ යක්‍ෂ ගෝත්‍රික වෛශ්‍රවණය. යක්‍ෂ, නාග, දේව, පිසාච ගෝත්‍රිකයන් ලක්‌දිව විසූ බැව් මහාවංශයට සිය වසකට පෙර ලියන ලද දීපවංශයේ සඳහන්වේ.

(ශ්‍රී ලංකාවේ ශිෂ්ටාචාරය - පිටු( 09)

උත්තරංච දිසං රාජා
සෝ යක්‌ඛාධිපති යසෝ
වෙස්‌සවන්ණෝ මහාරාජා
ඉදං පුඤ්ඤාණු මෝද තු

කුම්භාණ්‌ඩ හෙවත් දකුණට අධිපති දේව ගෝත්‍රික වරුළයට වන්දනා කිරීම(

දක්‌ඛංච දිසං රාජා
කුම්භාණ්‌ඩාධිපති යසෝ
විරුළ හෝ දේව රාජා
ඉදං පුඤ්ඤාණු මෝද තු

ගන්ධබ්බ ගෝත්‍රයට අයත් ධෘතරාශ්ට්‍ර නැගෙනහිරට අධිපතියාය.

පූරි මංච දිසං රාජා
ගණ්‌ධබ්භාධිපති යසෝ
ධත රට්‌බෝ දේව රාජානඃ
ඉදං පුඤ්ඤාණු මෝද තු

පශ්චිම දිසාවේ අධිපති ධුරය හිමිවූයේ විරූපාක්‍ෂයන්ටය. ඔහු නාග ගෝත්‍රිකයෙකි.

පංච මංච දිසං රාජා
සෝ නාගාධිපති යසෝ
විරූපක්‌ඛෝ දේව රාජා
ඉදං පුඤ්ඤාණු මෝද තු

දහම් එළිය - පිටු 216, 217 කපුගම්පොත ආනන්ද මෛත්‍රිය හිමි)

මහා බ්‍රහ්මයාට දරුවන් 13 කි. එයින් තිදෙනෙක්‌ ඉතා ප්‍රසිද්ධියට පත්වී ඇත. එනම් මරිචි, මනු සහ පුලස්‌ථිය. මරිචිගේ පුත්‍රයා කසිපර්ය. කසිපර්ගේ දරුවන් වූයේ ඉන්ද්‍ර, වරුණ සහ සූර්යයාය. සූර්යයාගේ පුත්‍රයා සමය.

මනුට ප්‍රජාපතී නම් පුතෙකි. ප්‍රජාපතීට අග්නි, වායු සහ සෝමබන්දු නම් පුතුන් තිදෙනෙකි. පුලස්‌ථිගේ බිරිඳ දේව වංශික දේවවරුණීය. පුලස්‌ථිගේ පුත්‍රයා විශ්‍රවස්‌ය. විශ්‍රවස්‌ගේ පුත්‍රයා කුවේර හෙවත් විශ්‍රවස්‌මුණිය. විශ්‍රවස්‌මුණිගේ දෙටු පුත්‍රයා ද කුවේරය.

ලෝකයේ අට දිශාව පාලනය කළේ මෙම පිරිසය. කුවේර ලෝකයේ උතුරු දෙසද, යම දකුණු දෙසද, වරුණ බස්‌නාහිර ද, චන්ද්‍ර ගිණිකොන ද, සූර්ය ඊසාන දෙස ද ආරක්‍ෂකයන් වූහ. (Rawana The Great - p.14)

කුවේර හෙවත් විශ්‍රවස්‌මුණි කාන්තාවන් සිව් දෙනෙක්‌ සමඟ විවාහ වී ඇත. එනම් පුශ්පෝත්කටා, කාලයී, සුමාලින් යක්‌ රජුගේ දියණියන් වූ කේකසී (කේසනි) දේව වංශික කුමරියක්‌ වූ පුලස්‌තිගේ බිරිඳ ද දේව වර්ණ නමින් යුත් කුමරියක්‌ වීම විමසා බැලිය යුත්තකි. මෙම විවාහ සම්බන්ධතා නාම විවිධ මූලාශ්‍රවල පරස්‌පර විරෝධී බැව් කිව යුතුය. විශ්‍රවස්‌මුණි හෙවත් කුවේරගේ පළමු බිරිඳ වූ පුෂ්පොත්කටා කුමරියට දරුවන් පස්‌ දෙනකි. එනම් කර්ණ, මහෝදරී, මරච, ප්‍රපාට්‌නි සහ කුම්භිනාසිය. තෙවැනි බිරිය කාලි, තිරිසර, දූෂනන්, විද්සුන් සහ සිවුක යන දරු සිව්දෙන ලැබුවාය. තෙවැනි බිරිය ව කෙකසී රාවණ, කුම්බකරණ, සුපර්නිකා සහ විභීෂණ ලැබුවාය. කුවේර හෙවත් විශ්‍රවස්‌මුණි රජුට ඉලවිලා නමින් බිරිඳක්‌ද සිටි බැව් ඇතැම් මූලාශ්‍රවල සඳහන් විය.

විභීෂණ නාග ගෝත්‍රික මාලනී කුමරියගේ පුත්‍රයා යෑයි ආරියදාස සෙනෙවිරත්න සූරීන් කියයි.

(ශ්‍රී ලංකා රාවණ රාජධානිය - පි.)

රාවණයින්ගේ මෑණියන් වූ කේසිණි අයත්වන්නේ යක්‍ෂයාගේ පරපුරටයි. එම යක්‍ෂ ද මහා බ්‍රහ්මයාගෙන් පැවතෙන්නකි. මෙම යක්‍ෂ හා රාක්‍ෂ ගෝත්‍ර දෙකම පැවතෙන්නේ මහා බ්‍රහ්මයාගෙන් බැව් සකු සාහිත්‍යයේ දැක්‌වේ.

හේටි සහ ප්‍රහේටි නමින් පුතුන් දෙදෙනෙක්‌ යක්‍ෂව සිටියහ. කාලගේ සොයුරියවූ පායාසි විවාහ වුණේ හේටි සමගය. විද්යුත්කේස විවාහවුණේ සාලා සමගය. සුකේසන් ඔවුන්ගේ පුත්‍රයාය. සුකේසන් දේවවතී සමග විවාහයෙන් පුතුන් තිදෙනෙක්‌ ලැබූ අතර, ඔවුන් මාල්‍යවන්, සුමාලීන් හා මාලී වූහ. සුමාලි කේතුමතී හා විවාහයෙන් ප්‍රහත, දණ්‌ඩක, දුර්මුඛ, කයිකේසී, පුශ්පොත්කටා සහ කුම්බිනාසී වූහ. රාවණ මෑණියන් වූ කයිකසී සුමාලි දියණියයි. විශ්‍රවස්‌මුණිගේ තවත් බිරිඳක්‌ වූ පුශ්පෝක්‌කටා ද සුමාලි රජුගේ දියණියකි. මාලි වාසුතා සමග විවාහ වූ අතර නීල, අනිල, හර, සම්බපති ආදීන් දූ පුතුන් වූහ. විශ්‍රවස්‌මුණි - කයීකසී පුත් රාවණ විවාහ වුණේ විශ්ව කීර්තියට පත් ගෘහ නිර්මාණ ශිල්පී මයදානවගේ දියණිය වූ මන්දෝදරී සමගය. එම විවාහ දිනයේ මනාලියට දායාද වශයෙන් මයදානවගේ මහ බලැති ත්‍රීශූලය රාවණාට දායාද කළේය. ඓතිහාසික සීගිරිය මාළිගා බල කොටුවේ වාස්‌තු විද්‍යාඥයාද මයදානව බැව් "රාවණ කථා" පුස්‌කොළ ග්‍රන්ථයේ ඇත.

මේ අනුව විමසා බලන කළ රාවණගේ පරපුර ලංකාවේ පමණක්‌ නොව මුළු මහා භාරතයේ ද පීරු රාජ්‍යයේ සහ ග්‍රීසියේ ද පැතිර ඇති බවට හේතු සාධක මූලාශ්‍ර අපමණ ඇත. මෙම පරපුරේ නම්වලට සමාන ගෝත්‍ර නම් ශ්‍රී ලංකාවේ අපමණ ඇත. මහා භාරතයේ ද, ගී්‍රසියේ ද ඇත. රවුළු ගේ, හේවා රවුළු ගේ, රවුළු හේවාගේ රාවණගේ ආදී නම් වාසගම් දකුණු පළාතේ මාතර දිස්‌ත්‍රික්‌කයේ දැකිය හැක. රාවණ යනු අදත් අප අතර පවතින මහා බලවේගයක්‌ ඇති මහා පුරුෂයෙකුගේ ශ්‍රී නාමයකි. දශරථ රජු ඉන්දීය රාජාවලියේ ප්‍රබල වීරයෙකි. රාවණ රජතුමා දශරථ රජුගේ සමකාලිකයෙක්‌ වන අතර මිසරයේ ශත අප්රා රජුගේ ද චීනයේ චාහොව් රජුගේ ද සමකාලීනයෙක්‌ බැව් හිටපු පුරා විද්‍යා කොමසාරිස්‌ ඇම්. ඩබ්. සිරිසෝම මහතා පවසා ඇත. (සිළුමිණ 1991 ජූනි 16)

රාවණ රජතුමා ලාංකිකයෙක්‌ නොව ඉන්දියානුවෙක්‌ යෑයි ද, රාවණගේ ප්‍රදේශය ඉන්දියා මධ්‍ය ප්‍රදේශයේ පිහිටි ලංකා නමැති ගම යෑයි එච්. ඩී. සන්කිලියා පවසා ඇත. (Rawana's Lanka not Sri Lanka - The Sunday Times
of Sri Lanka - 1988. 06. 28) නමුත් රාවණගේ රට වත්මන් ශ්‍රී ලංකා හෙවත් සිංහලේ බව, රබීන්ද්‍රනාත් තාගෝර්, සර්වපල්ලි රාධ ක්‍රිෂ්ණන්, බී. ඇල්. බෂාම්, ආර්. සී. චිල්ඩර්ස්‌, මොනියර් විලියම්ස්‌, ඇම්. වින්ටර්නිව්ස්‌, සර් පොන්නම්බලම් අරුණාචලම්, ගුරුදෙවි කුමාරණතුංග මුනිදාස, රැපියල් තෙනනකෝන්, ආචාර්ය ඇනස්‌ලි හර්මන් මිරැන්ඩෝ, අරිසෙන් අහුබුදු ආදීන් පිළිගෙන ඇත. රාමායනය ලිවීමට දශරථ ජාතකය මූලාශ්‍ර වී ඇතැයි එක්‌ මහාචාර්යවරයෙක්‌ පවසා තිබේ. ජාතක කථා පොත ලිවීමට වසර දස දහස්‌ ගණනාවකට පෙර රාමායණය ලිය වී ඇති බැව් ඔහුට මතක්‌ කළ යුතුය. ලංකාවට නම් තිහක්‌ පමණ ඇති බැව් පැරණි මූලාශ්‍ර අනුව පෙනේ. නමුත් "ලංකා" නාමය හා සිංහලේ ඒ අතර වඩාත් වැදගත් වනු ඇත.

ලංකා නාමය යෙදී ඇත්තේ "ලක්‌ගල" ප්‍රධාන ජ්‍යෙdතිෂ ශාස්‌ත්‍රයේ සූර්ය උදාව ප්‍රමුඛ අනිත් ග්‍රහ තරු ගැනීමට ඉතා පහසු ස්‌ථානය ලග්ගල වූ බැවින් ලක්‌ගල නාමය මුල්කොට "ලංකා" නාමය බිහිවී ඇතැයි "රාවණ කථා පුස්‌කොළ ග්‍රන්ථය" කියයි.

පුලතිසි රුසිවරුයා ලැග සිටිය         ගල
යක්‌ විරුවන් ගරුත්වෙන් හිස නැමූ ගල
දිවා රැයේ පුලතිසි පුර පෙනෙන      ගල
ලක්‌ගල වාසනාවන් මේ තෙදැති     බල
- (ප්‍රාග් ඓතිහාසික උරුමය පි. 113)

ප්‍රාග් ඓතිහාසික යුගයේ ලක්‌දිව බෙහෙවින් කුරුඳු වගාව ජනප්‍රිය වී තිබුණ හෙයින් "සිංහලේ" යන නම ලැබී ඇතැයි ප්‍රකට විද්වතෙක්‌ වූ ආචාර්ය ඇනස්‌ලි හර්මන් මිරැන්ඩෝ කියයි.
- (සිංහලයන්ගේ මූලාරම්භය - පි. 19)

සිංහලයෝ ඉන්දියාවෙන් සංක්‍රමණය වූවන් නොව ඔවුන්ගේ ප්‍රභවය මේ රටේම සිදුවූ රටේ නම වන සංස්‌කෘත භාෂාවෙන් කුරුඳුවලට නම වූ සිංහල - සීහල (පාලි), හෙළ (සිංහල) නමලත් ජාතියට අයත් වූහ. පුරාණයේ කවියන් විසින් මන්ද මාරුතය සහ මුසුවන, මුසු වී පැතිරෙන කුරුඳු ශාකවල සුවඳ වණනු ලැබුයේ ලංකාද්වීපය සම්බන්ධ කොට බැව් අපේ රටේ අද්විතීය මහා පඬුවෙක්‌ වූ ජේම්ස්‌ ද අල්විස්‌ මුදලිතුමා Cinnamon නමැති ශාස්‌ත්‍රීය ලේඛනයේ සටහන් කර ඇත. (Journal of the Royal Asiatic Society - p. 574 - mo 12 - 1860)

සකු බසින් කුරුඳු හැඳින්වෙන්නේ "සිංහල" යනුවෙන් බැව් සාරස්‌වතී නිගණ්‌ඩුවේ සහ අනිකුත් වෛද්‍ය ග්‍රන්ථවල සඳහන් වී ඇත. මේ අනුව විමසා බලන විට රාවණයන් ද සිංහලයෙක්‌ - හෙළයෙක්‌ මිස අන්‍ය ජාතිකයෙක්‌ නොවන බැව් තහවුරු වේ. තම්බපණ්‌න නාමය ද කුරුඳු දලුවලින් පැමිණි නාමයකි. (තඹවර්ණ දලු) විදේශීය වෙළෙඳපොළේ ඉහළම තැන තිබුණේ ලංකාවේ කුරුඳුවලට සහ මැණික්‌වලටය. (සිංහලයන්ගේ මූලාරම්භය - පි. 50)

රාමායන ඇන්ඩ් ලංකා ග්‍රන්ථයේ රාම මහෙන්ද්‍රාගිරි සහ ත්‍රිකුටයට ආසන්න සුවේල ගිරි අතර යොදුන් සියයක්‌ දිග පාලමක්‌ බැඳි බවත්, මේ පාලම මන්නාරමේ සිට රාමේශ්වරම් දක්‌වා තිබෙන ආදම්ගේ පාලම නොවන බවත් පරම සිව අයියර් ප්‍රකාශ කරයි. (පිටුව - 111) ඊට හේතුව ලෙස ඔහු කියා තිබෙන්නේ එම ප්‍රදේශයේ කඳු නැතිවීමයි. නමුත් එම ප්‍රශ්නයේදී පරම සිව අයියර්ට වැරදුන බැව් කේම්බ්‍රිඡ් විශ්වවිද්‍යාලයේ ස්‌ටැන්ලි ගාඩ්නර් නම් විද්‍යාඥයාගේ සොයා ගැනීම්වලින් පෙනී යයි.

මාතලේ සිට වැලිගම දක්‌වා හිරිගල් කඳු හා ගල්පර තිබුණ බැව් සඳහන් කරන ගාඩ්නර් දඹුල්ලට ආසන්නව අඩි 700 ක්‌ පමණ උස්‌ හිරිගල් කන්දක්‌ දුටු බැව් පවසා ඇත. (J.S. GARDNER - Fauna and Geography Of
Maldives and Laccadives Archipelago - p. 19) යාපනය අර්ධද්වීපය සහ ඒ අවට දූපත් එදා හිරිගල් කඳු බවත් ඒවායේ පාෂාණ භූත තත්ත්වය තමන්ට දකින්න ලැබුණ බවත් පවසන ඔහු ඉන්දියාව සහ ශ්‍රී ලංකාව ගොඩබිමෙන් සම්බන්ධව තිබුණ බවත්, ඈත අතීතයේ ලංකාව මාලදිවයින් සහ මැඩගස්‌කරය දක්‌වා පැතිරී ඇති බැව් ස්‌ටැන්ලි ගාඩ්නර් අවසන් වශයෙන් පවසා ඇත. (එම)

රාවණ යුගයේ ගුවන් යානා

රාවණ යුගයේ ගුවන් යානා රැසක්‌ අප රට තුළ තිබුණු බවට සාක්‍ෂි ඇත. විමන් නම් විශාල ගුවන් යානා ද බිමන් නමින් GLIDER වර්ගයේ කුඩා ගුවන් යානා ද, පාපැදි ගුවන් යානා ද, වායු පා යානාද, කන්දක සිට තවත් කන්දකට ගමන් කරන BLOCK ගුවන් යානා අප රට තුළ තිබී ඇත. (ශ්‍රී ල. රාජධානිය - පි. 108)

එදා මෙදා ගුවන් යානාවල වෙනස නම් මොගලිනික යුගයේ ගුවන් යානා සුළං හා සූර්ය බල ශක්‌තියෙන් ක්‍රියා කිරීමෙන් වන්නේ ගුවන් යානා සුපිරි වර්ගයේ ඉන්ධන බලයෙන් ක්‍රියා කිරීමත්ය. අප රටේ සෙල්ලිපි කිහිපයක එම ගුවන් යානාවල චිත්‍ර දැක ගත හැක. දූතක නම් වූ එම ගුවන් යානා නියමුවන්ගේ ප්‍රධාන ලෙන් ලිපිවල කොටා ඇත. (රාවණ අධිරාජයාගේ සංස්‌කෘතික උරුමය පි. 09)

බැබිලෝනියා ශිෂ්ටාචාරය ගොඩනැගීමට උපදෙස්‌ දුන්නේ, ගුවන් යානාවලින් පැමිණි සිංහ මිනිසුන් බැව් කියෑවෙන මැටි පුවරු 1996 අප්‍රේල් මස සොයාගෙන ඇත. වසර 5500 ක ඉතිහාසයක්‌ ඇති බැබිලෝනියාව ද කඩුව අතින් ගත් සිංහ රුව ලාංඡනයෙන් යුක්‌තව ඇත. සිංහ ශරීරය පියාපත් දෙක සහ මිනිස්‌ මුහුණ සහිත බැබිලෝනියානු ලාංඡනයේ පියාපත් ගුවන් යානය නිසාය. (සූරිය ගුණසේකර සාකච්ඡාව - දිවයින 2010. 08. 04) මෙම පුරාණ ගුවන් යානා රැසක චිත්‍ර "රාවණ කථා" පුස්‌කොළ ග්‍රන්ථයේ මා දැක ඇත.

සෙල්ලිපි

ජබල්පූර් හි ලංකා නම් කුඩා ගමක්‌ ඇත. එහි රාවණ දෙවොලක්‌ ඇත. එය ලංකාවෙන් සංක්‍රමණය වූ යක්‍ෂ ගොත්‍රිකයන් විසූ තැනක්‌ විය හැක. (රාවන්) රාවණගේ සෙල්ලිපි රැසක්‌ අද දක්‌වා නිරුපද්‍රිතව ඇත. එමෙන්ම රාවණගේ සෙල්ලිපි සියයක්‌ පමණ හරිහැටි කියවා නැත. රිටිගල සෙල්ලිපි රැසක්‌ කියවා නැත. සිව්මහ දමිළයන් හෙළ දිව පාලනය කළ යුගයේ 431 - 459 පස්‌මහ දමිළයන් රට පාලනය කළ යුගයේ ද, කාලිංග මාඝ (1213 - 1232) රට පාලනය කළ 440 - 454 යුගයේ ද, රාවණ සෙල්ලිපි විශාල ප්‍රමාණයක්‌ විනාශ කර ඇත. දැනට ඉතුරුව තිබෙන සෙල්ලිපි කීපයක්‌ මෙම විමර්ශන පත්‍රිකාවට එක්‌ කරමි.

රාවණගේ ශාස්‌ත්‍රීය සේවය

මහ රිසි පුලතිසිගේ මුණුපුරු වූ රාවණයෝ වචනයේ පරිසමාප්ත අර්ථයෙන්ම මහා ශාස්‌ත්‍රවන්තයෙකි.

සාම වේදය නමින් හඳුන්වන චතුර්වේදයේ එක්‌ කොටසක්‌ ලියා තැබීමෙන් රාවණගේ පාණ්‌ඩිත්වය මැනවින් පැහැදිලි වේ. ශිව තාණ්‌ඩව ස්‌ත්‍රොaත ලිවීමෙන් පමණක්‌ නොව එය රඟ දැක්‌වීමෙන් රාවණායෝ මහ කවියෙක්‌ මෙන්ම නර්තන විශාරදයෙක්‌ බැව් මුළු ලොවටම පෙන්වා ඇත. අර්ක ප්‍රකාශ, කුමාර තන්ත්‍ර, මඩ්ඩිසතන්ත්‍ර ආදී ග්‍රන්ථ ලිවීමෙන් හෝ වෛද්‍ය විද්‍යාවේ පරතෙරටම පැමිණියෙක්‌ ලෙස කිව යුතුය. ඔහු විනෝදය සඳහා ගිනි පෑගීම කළේය. ගිනි පෑගීමේ ශාස්‌ත්‍රය උපදෙස්‌ හා මන්ත්‍ර යන්ත්‍ර ඇතුළත් "අග්නි තන්ත්‍ර" ග්‍රන්ථය. රන්පත්වල ලියා තැබූ බැව් "රාවණ කථා" පුස්‌කොළ ග්‍රන්ථයේ සඳහන් වේ.

රාවණ හත්ථ "නමැති වීණාව ඔහුගේ නිර්මාණයකි. දැනට එම වීණාව උතුර සහ දකුණු ඉන්දියානු සංගීතඥයෝ භාවිත කරති. ජල තරංගය ද ඔහුගේ නිර්මාණයකි. මෙපමණ ප්‍රබල චරිතයකින් හෙබි රාවණයෝ 'කෙප්පයක්‌" ලෙස මහාචාර්ය සෙනරත් පරණවිතාන මහතාට පෙනුනේ මහ විහාරය ශ්‍රී ලංකාවේ මෞලිතික යුගයේ ශිෂ්ටාචාරය ගැන නිහඬ අවතක්‌සේරුවක්‌ කළ නිසා විය හැක.

ශ්‍රී ලංකාවේ ප්‍රාග් ඓතිහාසික යුගය පිළිබඳ ගවේෂණ ආරම්භ වූයේ ශ්‍රී ලංකාවට නිදහස ලැබුණු පසු බැව් අපි දනිමු. අපේ රටට නිදහස ලැබිමට පෙර යක්‍ෂ ගෝත්‍රික ප්‍රජාව හැඳින් වූයේ යකුන් DEVILS වශයෙනි. ආදීවාසීන් හැඳින් වූයේ "වැද්දන්" වශයෙනි.

එයට ප්‍රධාන හේතුව නම් විදේශීය මිෂනාරී අධ්‍යාපනයයි. සිංහල උගතුන් ද මුදලි මුහන්දිරම් තනතුරු රැකගනිමින් විදේශීය ගුරු උපදේශවලට හිස නැමූහ. ඒ අතර අපේ අතීතය, ශිෂ්ටාචාරය පිළිබඳ දැඩි ආදර භක්‌තියෙන් කටයුතු කළේ වාසල මුදලි ඡේම්ස්‌ ද අල්විස්‌ මන්ත්‍රීතුමා, මහ මුදලි ලුවී ද සොයිසා මැතිතුමා, මුහන්දිරම් කේ. එච්. ද සිල්වා, විජය ශ්‍රී වර්ධන මැතිතුමා, අධිනීතිඥ ඩොනල්ඩ් ඔබේසේකර මැතිතුමා සහ ජී. පී. මලලසේකර මහාචාර්යතුමා ඇතුළු කිහිප දෙනකි. අවසන් වශයෙන් කිව යුත්තේ රාවණ යනු රාක්‍ෂ - යක්‍ෂ ගෝත්‍රික මහත් වූ බලයක්‌ ඇති මිනිසෙකි.
ආචාර්ය මිරැන්ඩෝ ඔබේසේකර

මූලාශ්‍ර -

1. The Cultured Heritage of King Rawana.
2. Rawana - King of Lanka.
3. Journal of the Royal Asiatic Society.
4. Ramayanaya and Lanka.
5. The Sunday Tims.
6. Fauna and Geography of Maldives and
Laccadives Archipelago.
7. Rajatharangani.
8. The Gazeetter of Central Province - Lawrie.
9. විසුද්ධ මග්ග - පී. දේවානන්ද නාහිමි සංස්‌කරණය.
10. මන්දාරම් පුවත.
11. ප්‍රාග් ඓතිහාසික උරුමය - ඔබේසේකර.
12. රාවණ අධිරාජයාගේ සංස්‌කෘතික උරුමය.
13. රාමායනය - පී. එම්. පි. අබේසිංහ.
14. සිළුමිණ පත්‍රය.
15. රාවණ කථා පුස්‌කොළ ග්‍රන්ථය.
16. බටදඬු කඳුවැටියේ උරුමය.
17. කන්ද උඩරට සමාජ සංවිධානය - ඔබේසේකර.
18. හැන්සාඩ් - 1981 ජූලි.
19. සැළලිහිණි සංදේශය.
20 සිංහලයන්ගේ මූලාරම්භය - ආචාර්ය ඒ. එච්. මිරැන්ඩෝ.
21. දහම් එළිය - කටුගම්පොත ආනන්ද මෛත්‍රිය.
22. අමුද්‍රිත කවි එකතුව - පණ්‌ඩිත කොන්ස්‌ටන් ඔබේසේකර.
23. ශ්‍රී ලංකාදීප වර්ණනා - බී. එම්. ඔබේසේකර.
24. ශ්‍රී ලංකා රාවණ රාජධානිය - ආ. සෙනෙවිරත්න.
25. දිවයින පත්‍රය. 

උපුටා ගැනීම - http://www.divaina.com/2011/08/03/badada02.html

 

 


මහ‍ පොළොව මත ඇදි අබිරහස් සිතුවම්

1

මේ තවත් අළුතින් අරඹන විශේෂාංගයක්. මෙය නම් කරන්නේ විවිද දේවල් නමින්. මෙහිදී ‍විවිදාකාරවූ කරුනු කරණා ගැන සාකච්ඡා කරන්න බලාපොරොත්තුවෙනවා.

ඔබ මම මේ කථා කරන්න යන දේ සමහර විට දන්නවත් ඇති. ඒ තමයි Nazca Lines ගැන. මෙහි තිබෙන්නේ මහ පොළොව මත ඇදි අති විශාල රූප හෝ ජ්යාලමිතික හැඩතල සමූහයක්.

Nazca Lines තියෙන්නේ පේරු ර‍ටේ නස්කා කාන්තාරයේ. මේක යුනෙස්කෝ සංවිධානය මගින් ලෝක උරුමයක් ලෙසද නම් කර ඇති අතර, විශාලත්වය ගතහොත් ‍කි.මී. 80 කටත් වඩා එසේ නැතහොත් සැතපුම් 50 කටත් වැඩි බවයි පැවසෙන්නේ. එසේම මේවා සකසන්නට ඇත්තේ ක්‍රි.පූ. 400 සහ 650 අතරේදී වනු ඇති බවද මේ විශය පිළිබද ප්‍රවීණයන්ගේ අදහස. ඒ වගේම ඇදි රූප ගතහොත් මිනිසුන්, වදුරන්, මාළුන්, මකුළුවන්, කුරුල්ලන්, සර්පයන් සහ තවත් සත්වයන්ගේත්, ශාක සහ විවිද ජ්‍යාමිතික හැඩ තලත්, සරල ලෙස පොළොවේ මතුපිට අදුරු පාෂාන ඉවත්කර, අදුරු බව අඩු එළිය ඇති පාෂාන මතුකර ගැනීමෙන් සකසා තිබෙන අයුරු ගුවන් යානයකින්, රූප වලට ඉහළින් ගමන් ගන්නා අයෙකුට හෝ එමගින් ගන්නා ලද ඡායාරූප ඇසුරෙන් දැක ගත හැකියි. 

 මේවගේ මහපොළොව මත ඇදි රූප ලොව කිහිපතැනකින්ම හමුවෙනවා. ඒ සෑම තැනකදීම මතුවන ප්‍රධානම ගැටළුව තමයි, මේවා කවරෙකු විසින්, කුමන කලෙක, කවර කරුණක් උදෙසා සිදුකරන ලද්දක්ද යන වග. මෙතනදීත් එම සැකසංකා මතුවීම ස්වභාවිකයි. Nazca Lines ගැනත් විවිද මත මේ ගැන ගැඹුරින් ගවේශනයේ යෙදුන උගතුන් ප්‍රකාශ කර සිටිනවා. එක් මතයක් වන්නේ මෙහි විවිද රූප වලින් විවිද වූ සංසිද්ධීන් ඉදිරිපත් කරන බවයි (උදා: සශ්‍රීකත්වය, යෝද නකෂස්ත්‍ර දින දර්ශන ආදිය පිළිබදව සහ විවිද දේවල් ගැන)

එසේම තවත් සුවිශේෂ කාරණාවක් වන්නේ අපගේ ද්වීපයේ ගෞරවනීයම මුතුන්මිත්තා ලෙස සැකලෙක රාවණා රජු පිළිබදව කරුණු හදාරා පොත් ලියා ඇති ඇදුරුතුමෙකුගේ අදහස අනුව මෙම රේඛා රාවණා රජුගේ හෝ ඔහුගේ නෑදෑයෙකුගේ දඩුමොණර යානයක් ගොඩ බැස්සීම සදහා යොදා ගෙන ඇති ගුවන් පථයක රේඛා බවයි. ඔහුගේ මතයට අනුව ඒ කාලයේ ලොව එක් එක් ප්‍රදේශ පාලනය කර ඇත්තේ රාවණා නිරුදුන්ගේ නෑදැයන් බවත්, ඔවුන්ටද දඩුමොණර යානාවන් තිබූ බවත්ය.ඇත්තෙන්ම කිවුවොත් මම මේ ලිපියේ මාතෘකාව වන නස්කා රේඛා පිළිබදව මුලින්ම දැන ගත්තෙත් එම පො‍තෙන්මයි. (ඒත් මට මේ මොහොතේ එම පොතේ නම සහ එය ලියූ කතුවරයාගේ නම මතක නැති නිසා, එය නැවත මතක් වූ වහා මෙහි සටහන් කිරීමට පොරොන්දුවෙමි.)
ඊ‍ට අමතරව අප කවුරුත් දන්නා Arthur C. Clarke's මහතා, සිය Mysterious World නම් කෘති‍යේද මෙම නස්කා රේඛා පිළිබදව ලියා ඇති බව පැවසිය යුතුය.

එසේම වැඩි දෙනෙකුගේ මතය නම් මෙම සලකුණු පිට සක්වල ජීවීන්ට පෘතුවියට පැමිනීමේදී සිය යානා ගොඩබැස්සවීමකට ඇවසි ගුවන්පථයකට අදාල සලකුණු බවයි.

කෙසේ වෙතත් විවිද මති මතාන්තර මෙම කරුණු උදෙසා ඉදිරිපත් කර ඇති අතර අන්තර්ජාලය පිරික්සීමෙන් හෝ ඒ පිළිබද ලියවී ඇති පොත පත පරිශීලනයෙන් ඔබගේ දැනුම මුවහත් කරගත හැකි බවද ප්‍රකාශ කරමි. මේ පිළිබදව තව බොහෝ විස්තර අඩංගු වෙබ් අඩවි රැසක් තිබෙන අතර මේ වෙබ් අඩවි දෙකට ගියොත් ඔබට හොද විස්තරාත්මක කරුණු හා ඡායාරූප දැක ගත හැක.



 (ඡායාරූප අන්තර්ජාලය ඇසුරෙන් ලබා ගන්නා ලදි

 

උපුටා ගැනීම  - http://sathsamudura.blogspot.com/2011/01/blog-post_4175.html

 

 

ලංකාවේ යක්ෂ ඉතිහාසයෙන් බිඳක්...!

0
ලංකාවේ යක්ෂ සභාවේ නායකයා ලෙස හැඳින්වෙන්නේ වෙසමුණි යක්ෂ රජුයි. අත විශාල යකඩ යගදාවක් හා රන්කඩුව ඇත. ඔහුගේ දරුණු දඩුවම් ක්‍රම 32ක් ඇතිබව කියවේ. වද 32 ලෙස කියවෙන්නේ එයයි.

වේද සාහිත්‍යයට අනුව පැරණි දේව ගණයට අයත් සියල්ලන් යක්ෂ නම්වේ.
යක්ෂාධිපති වෛශ්‍රාවන සතරවරම් දෙවිවරුන්ගෙන් කෙනෙකි.
වෙසමුනි යක්ෂ සේනාධිපති වේ.
වෛදික සාහිත්‍යයෙහි යක්ෂයන්ගෙන් ශීග්‍රගාමී, ශීග්‍රපති, ක්ෂණික රශ්මි දහර, ක්ෂණික වාසස්තානය වෙනස් කරන බව දැක්වේ.

වෙසමුණිගේ බිරිද කෞවේරි. ඔවුන්ට වර්ණකවි(මණිග්‍රීව ) සහ නලකුබර (මයුරාජ ) නමින් පුතුන් දෙදෙනෙක් සහ මීනාක්ෂි නමින් දුවක්ද සිටි බව කියැවෙනවා.

කුවේර යනු වෙසමුණිගේ පළමු විවාහය වූ බ්‍රාහ්මීන් ගේ රූමත් දියණියක වූ ඉල්ලාවිලා දේවිය ගේ දරුවා විය. පසුව වෙසමුණි ගේ දෙවැනි විවාහය ලෙස කේශිණී පත්විය. කේශිණීට වෙසමුණි ට දාව දරුවන් පස් දෙනෙකු ලැබිණි. ඔවුන් රාවණ, විභීශණ, කුම්භකර්ණ, හේම සහ පුෂ්පික නම් විය.

කාලය ගත වෙත්ම කුවේර, තම පියරජතුමා වූ වෙසමුණි ගේ අභාවයෙන් පසුව සාමකාමීව රට පාලනය කලේ ය. මේ අතර කුවේරගේ දෙටුසහෝදරයා වූ රාවණා තම බලවත් කම ඉහළ යත්ම, ලංකා රාජ්‍යය පිළිබඳ ව සිත් පහළ විය. පසුව, රාවණා ලංකා රාජ්‍යයත්, එහි පිහිටි "ආලකමන්දාවත්", කුවේරගේ අහස්යානය වූ "පුෂ්පිකයත්" තමාට අවැසි බව දැන්වීය. මින් ඉතා කෝපයට පත් වූ කුවේර, රාවණාව ඉහත යෝජනාව ද ප්‍රතික්ෂේප කර පලවා හැරීය. එනමුදු ලෙහෙසියෙන් පරාජයට පත් වන්නට තරම් ලාමක නොවූ රාවණා ස්වකීය ඥාතීන් වූ ‍යක්ෂ ගෝත්‍රිකයන්ව කුවේරට විරුද්ධව මෙහෙයවා ලංකා රාජ්‍යය සියතට ගැනීමට සමත් විය.තවද කුවේරගේ ධනය, මාළිගය සහ අද දඬුමොණරය ලෙස හැඳින්වෙන " පුෂ්පිකය" ද සියතට ගන්නට සමත් විය.

බුදුරදුන් උරුවෙල් දනව්වට වැඩම කරන අතරතුර මහියංගනයට වැඩම කර යකුන් දමනය කර ඔවුන් ගිරි දිවයිනට නෙරපූ බව පවසන මහාවංශය, පිරිනිවන් පෑ දිනයේ 700ක් පිරිවර සමඟ විජයකුමරු මෙරටට ගොඩබැස කුවේනිය නම් යක්ෂ කන්‍යාවකගේ උපකාර ඇතිව ලංකාවේ යක්ෂ නායකයන් පලවා හැර රජවූ බවත් සඳහන් කරයි.

මහා වංශයේ පණ්ඩුකාභය රජු හා බැඳි යකුන් දෙදෙනෙක් ගැන සඳහන්ය. චිත්තරාජ, කාලවේල පණ්ඩුකාභයගේ උප්පත්තිකතාව හා මොවුන් සම්බන්දය.
චිත්තරාජ අභය වැවට අධිගෘහිත යක්ෂයා විය.
අනුරාධපුර නැගෙනහිර වාහල්කඩ ආසන්නයේ කාලවේල යක්ෂය වෙනුවෙන් දේවාලයක් තිබේ.

යක්ෂාධිපති වෛශ්‍රාවන වෙනුවෙන්ද පණ්ඩුකාභය රජු සමයේ වන්දනා පැවැත්විණි. දුටුගැමුණු රජුගේ දසමහා යෝධයන්ගෙන් කෙනෙක් වූ "ගෝඨම්බර" යක්ෂයෙක් වූ රිටිගල ජයසේන හෝ මහසෝනා සමඟ සටන් කර පරාජය කළබව සඳහන්වේ.

අනාර්ථ ගෝත්‍රයට අයත් බලසම්පන්න ජන කොටසක් ලෙස වෛදික සාහිත්‍යයේ යකුන් හඳුන්වා ඇත. උපනිශ්ද් සාහිත්‍යයේ යක්ෂයෝ කුවේරාගේ පිරිවර සේනා ලෙස සේවය කරයි.
 
























 උපුටා ගැනීම - http://www.elakiri.com/forum/showthread.php?t=902476


Saturday, August 27, 2011

සක්විති රාවණ ගීතය

0

සක්විති රාවණ ගීතය

සක්විති රාවණ උත්තම මිනිසෙකි දෑ අබිමන් වෙනුවෙන් පණ දුන්
සක්විති රාවණ උත්තම මිනිසෙකි ලංකාපති රජ පෙළෙහි උතුම්
සක්විති රාවණ උත්තම මිනිසෙකි සතුරාටත් නැගෙනට අත දුන්
සක්විති රාවණ උත්තම මිනිසෙකි මිනිස් කමට හැමවිට තැන දුන්

බමුණන් කී බොරු හෙළි වේවා
පිවිතෙහි ගෑ දැළි දුරු වේවා
රාවණ නම ලොව බැබලේවා
ලංකා නම ලොව රජ වේවා

ගීතය මෙතනින් භාගත කරගන්න
1 භාගත  කිරීම්
2 භාගත  කිරීම්


Thursday, August 25, 2011

රාවණා නම් කවුරුද?

0
රන්දිව පුවත්පතෙන්

රන්දිව පත්තරේ ලිපි

0
රන්දිව පත්තරේ ලිපි

මුතුන් මිත්තන්ගේ විශ්ව දැනුම නොදත් පරපුරක්

0
රන්දිව පත්තරේ ලිපි

Tuesday, August 23, 2011

රාවණා යනු කවරෙක්ද?

0

රාවණා යනු කවරෙක්ද?  RavanaBrothers.com ඇසුරෙන්





දඹදෙණි යුගයෙන් ඇරැඹි දෙවිනුවර ඇසළ පෙරහර

0

දඹදෙණි යුගයෙන් ඇරැඹි දෙවිනුවර ඇසළ පෙරහර


කප් සිටුවීමේ මහෝත්සවයෙන් ඉකුත් 07 දා ඇරැඹි, පේළි පෙරහර 06 ක් අවසානයේ දෙවිනුවර ඓතිහාසික ශ්‍රී උත්පලවන්නා විෂ්ණු මහා දේවාලයේ 754 වැනි රන්දෝලි මහා පෙරහර 13 දා සන්ධ්‍යාවේ වීදි සංචාරය කළේය. 13 දින සිට 20 දින දක්වා පෙරහර කඩයත්, 20 දා රාත්‍රී කෝල්මුර යාගය හෙවත් දේව තොවිලය හා 21 අලුයම මහා ගිනි පෑගීමේ මංගල්‍යයත් එදිනම උදෑසන දේව දානයත් පැවැත්වීමෙන් මෙවර ඇසළ මහා මංගල්‍යය නිමාවට පත්වේ. උඩරට,, පහතරට, සබරගමු සම්ප්‍රදායන්ට අයත් මාත්‍රා, වන්නම්, ශාන්තිකර්ම, ගැමි නැටුම් ආදී සියයකට ආසන්න නැටුම් ප්‍රමාණයකින් හා අලි ඇතුන්ගෙන් සමන්විත වූ මෙම පෙරහර දිවයිනේ පැරැණිතම පෙරහර ලෙස සැළකේ. දෙවිනුවර ශ්‍රී විෂ්ණු දේවාලය ශ්‍රී ලාංකේය ඉතිහාසයට එකතු වන්නේද දිවයිනේ පැරැණිතම දේවාලය ලෙසිනි.

දෙවිනුවර ශ්‍රී විෂ්ණු දේවාලයේ ඉතිහාසය සිංහලයේ ආරම්භක රජු විජය කුමරුගේ 7 වන මුණුපුරා ලෙස සැලකෙන රාවණා කුමරු, ඉන්දියාවේ රාම කුමරු සමඟ කරන ලද සුප්‍රසිද්ධ රාම රාවණා යුද සමය තෙක් දිව යයි. මෙම රාම, රාවණා යුද්ධය දෙවුන්දර ප්‍රදේශය මුල්කරගෙන පැවැති බව පැරැණි පුරාවිද්‍යාත්මක තොරතුරු සාක්ෂි දරයි. මෙහිදී රාමගේ වඳුරු හමුදාව කඳවුරු බැඳි, වඳුරුදෙණිය සහ රාවණාගේ හමුදාවන් කඳවුරු බැඳි රස්සන්දෙණිය, දෙවුන්දරට නුදුරු ගම්මාන දෙකක් ලෙස අදත් පවතී. මෙම යුද්ධයේදී රාමකුමරු රාවණා කුමරුට හිස ගැලවී යන ලෙස දුන්නෙන් විදින ලද්දේ දෙවිනුවර ශ්‍රී විෂ්ණු දේවාලයේ සිට බව, දේවාලයේ පැරැණි ගල්කණුවක කොටා ඇති දුනුවායාගේ රුවට අදාළ ඓතිහාසික තොරතුරු සාක්ෂි දරයි. මෙම පාපයෙන් මිදීම සඳහා රාම කුමරු විසින් දෙවිනුවර ඓතිහාසික ගල්ගෙය කරවූ බවද කියවේ.



අමාත්‍ය ඩලස් අලහප්පෙරුම මහතා සධාතුක කරඬුව මංගල හස්තිරාජයා මත තැන්පත් කළ අයුරු

රාම රාවණා යුගයට නෑකම් කියන දෙවිනුවර ශ්‍රී විෂ්ණු දේවාලයේ පෙරහර ඉතිහාසයේ දෙවිනුවර රජ කළ දාපුලසෙන් රජ සමය තෙක් දිව යයි. කෙසේ වෙතත් දඹදෙණි යුගයේ පණ්ඩිත පරාක්‍රමබාහු රජතුමා විසින් දෙවිනුවර ශ්‍රී විෂ්ණු දෙවියන්ට වූ බාරයන් ඔප්පු කිරීම වෙනුවෙන් පෙරහර ආරම්භ කර වාර්ෂිකව පවත්වාගෙන යාම සඳහා අණ ලබා දුන් බව කියවේ. එදා සිට මේ දක්වා ගණන් බැලූ කල මෙවර පැවැත්වෙන්නේ 754 වැනි පෙරහරයි. මුල් යුගයේදී පේළි පෙරහර දෙකක් සහ රන්දෝලි පෙරහර පවත්වා තිබෙන අතර පසුව පේලි 4 ක් හා රන්දෝලි පෙරහර වශයෙන් පවත්වා තිබේ. අද වන විට පේලි පෙරහර 6 ක් සහ රන්දෝලි වශයෙන් පෙරහර 7 ක් පවත්වනු ලබයි. කතරගම දේවාලයට වඩා දෙවිනුවර ශ්‍රී විෂ්ණු දේවාලය පැරැණි එකක් බවට වූ සාක්ෂිද දෙවිනුවර දේවාලය ආශ්‍රිතව තිබෙන පුරාවිද්‍යාත්මක හා ජනප්‍රවාදයේ එන තොරතුරු වලින් තහවුරු කර ගත හැකිය.


කතරගම දෙවියන් හා විෂ්ණු දෙවියන් දෙවිනුවරට ගොඩබැසි බවත් මත්ස්‍ය දුගද ඉවසීමට නොහැකිව කතරගම දෙවියන් සිය වාසස්ථානය ලෙස කතරගම තෝරාගත් බවත් ජනප්‍රවාදයේ සඳහන්ය. පිං ලබාගැනීම පිණිස පුද පූජා පවත්වන මිනිසුන්ට පිහිට වන දෙවි දේවතාවුන් අතර ප්‍රමුඛස්ථානය හිමි වන්නේ ශ්‍රී විෂ්ණු දෙවියන්ටය. ශ්‍රී සම්බුද්ධ ශාසනය සුරකිමින් තිසරණ සරණ ගිය බෞද්ධයන්ට ශ්‍රී විෂ්ණු දෙවියන්ගේ පිහිට බැල්ම ආරක්ෂාව නොඅඩුව ලැබෙන බව පැරැන්නෝ දැඩි සේ විශ්වාස කළහ.


මිනිසාට සතා සිව්පාවාට මෙන්ම ගහකොළවලට සිදුවන විපත්, අපල උපද්‍රවවලින් ආරක්ෂාව පතා දෙවියන්ට කන්නලව් කිරීම අනාදිමත් කාලයක සිට පැවත එන්නකි. දෙවියන් සහ වර්ෂාව අතර ඇත්තේද සහ සම්බන්ධයකි. මිනිස් තිරිසන් ආදී සෑම වර්ගවල මෙන්ම සතුන්ගේත් ගහකොළවලත් පණ රැකෙන්නේ වර්ෂාවෙන් බව නොකිවමනාය. වසර දෙක තුනක් කලට හෝ අකලට වැසි නොලැබුණහොත් මහා විනාශයකට මුහුණ පෑමට සිදු වේ.


එනිසා අතීතයේ වර්ෂාව කොතරම් වැදගත්වීද යත් පැරැණි රජවරු වර්ෂාව භාර ඇමැතිවරයකුද පත් කිරීමට කටයුතු කර තිබුණි. පැරැණි පාලි පොත පතෙහි ‘වස්සකර’ යන නමින් හැඳින්වූයේ මොහුය. මෙම වැසි වැස්සවීම් සඳහා දෙවියන් වෙනුවෙන් කරන පූජෝපහාරයක් ලෙස පෙරහර ආරම්භ වී තිබේ. ඒ සඳහා ඇසල මස තෝරා ගෙන ඇත්තේ ආගමික වැදගත්කම මුල් කරගෙනය. පෙරහර ඇරඹෙන්නේ සුබ මොහොතින් කප් සිටුවීමෙනි. දෙවිනුවර ශ්‍රී විෂ්ණු දේවාලයේ කප් සිටුවීම ඉකුත් 30 දා පැවැත්විණි. කපයන්නේ තේරුම කණුවයි. රුක්අත්තන, කොස්, ආදි කිරිගහක කඳක් කපා කප සාදා ගනී. මේ සඳහා කිරි ගසක් යොදා ගන්නේ පාරිශුද්ධත්වය හා සශ්‍රීකත්වය සංකේතවත් කිරීමටය. මෙය නිවසක කණුවකට වඩා කුඩා විය යුතුය. බෞද්ධ ආගමික හා හෙල සිරිතට අනුව සුබ මොහොතින් කප් සිටුවීමෙන් ස්ථිරත්වය හා චිරාත් කාලයක් පැවැත්ම අපේක්ෂා කෙරේ.



බස්නායක නිලමේ, ආරච්චිල සහ පෙරමුණේ රාලලා, දේව පූජාව පැවැත්වීමෙන් අනතුරුව විෂ්ණු දේවාලයේ සිට පැමිණෙන අයුරු


පෙරහර ගමන් කරන බස්නායක නිලමේවරයා සංකේතවත් කරන්නේ පණ්ඩිත පරාක්‍රමබාහු රජතුමාය. පරාක්‍රමබාහු රජතුමා පෙරහැරේ ගමන් කරන විට ඊට පිටුපසින් ගමන් කළේ එතුමාගේ බිසව සහ ඇයගේ ඥාතීන්ය. එම බිසවගෙන් පැවත එන ඥාතීන් පෙරමුණේ රාලලා ලෙස අදත් අභිමානවත් ලෙස පෙරහරේ ගමන් කරයි. වර්තමානයේ ඔවුන් පරම්පරා දෙකකට අයත්ය. නිලවීර හා මුහන්දිරම් පරම්පරාවට අයත් මොවුන් අදත් ඇවරිය පන්දම බාරව පෙරහරේ ගමන් කරයි. පෙරමුණේ රාලලා බස්නායක නිලමේවරයාට පෙරහර ආරම්භ කරන ලෙස යෂ්ඨිය පිරිනැමීමෙන් ආරාධනා කරයි. එයින් පසුව පෙරමුණේ රාල සහ ආරච්චිල 4 දෙනා සමග බස්නායක නිලමේ දෙවිනුවර රජමහා විහාරයට ගොස් ආගමික වතාවත් සිදු කර ශ්‍රී විෂ්ණු දේවාලයට ගොස් දේව පූජාව පවත්වනු ලබයි.


මෙම දේව පූජාවට සහභාගි විය හැක්කේ බස්නායක නිලමේ ප්‍රධාන කපු මහතා පෙරමුණේ රාලලා සහ ආරච්චිල හතර දෙනාට පමණි. මේ අතර අමාත්‍ය ඩලස් අලහප්පෙරුම මහතා සධාතුක කරඩුව අළුත්ගම කන්දේවිහාරයේ මංගල හස්තිරාජයා මත තැන්පත් කළ අතර සෙසු ආරාධිතයන් සධාතුක කරඬුවට මල් මාලා පූජා කළෝය. දේව පූජාවෙන් පසුව ප්‍රධාන කපු රාමක්‍රිෂ්ණා තේනබදු මහතා විසින් දේවාලයේ දොළොස් මහේ පහනෙන් ඇවරිය පන්දම දල්වන අතර චාරිත්‍රයක් ලෙස අනෙකුත් අය ඇවරිය පන්දම අල්ලාගෙන සිටී.


දෙවිනුවර පෙරහරට පමණක් ආවේණික මෙම ඇවරිය පන්දම අතීතයේ පෙරහර රාත්‍රී කාලයේ ගමන් කල බැවින් එයට ආලෝකය ලබාදීම පිණිස භාවිතා කළා යැයි සැලකේ. පෙරහර ගමන් කරන අතරතුර මග දෙපස රැඳී සිටින බැතිමතුන් ඇවරිය පන්දමට තෙල් වත්කරන අතර පන්දම යටින් බේරෙන තෙල් නැවත ඔවුන් තෙල් ගෙනා භාජනවලට එකතු කරගනු ලබයි. මෙම තෙල් නිවසේ තබා ගැනීමෙන් නිවසට විෂ්ණු දෙවියන්ගේ පිහිට ආරක්ෂාව ලැබෙන බවත් ඒවා ශරීරයේ ආලේප කිරීමෙන් ලෙඩ රෝග සුව වෙන බවත්, ඔවුන් විශ්වාස කරයි.


ඊට පසුව දේවාලයේ සඳකඩ පහණ අසලට ඇවරිය පන්දම රැගෙන එන අතර ප්‍රථමයෙන් පෙරමුණේ රාලලා එයට තෙල් වත්කරනු ලබයි. ඊට පසුව අමාත්‍ය ඩලස් අලහප්පෙරුම මහතා ප්‍රමුඛ ආරාධිත අමුත්තන් ඇවරිය පන්දමට තෙල් වත්කිරීමෙන් අනතුරුව පෙරහර ඇරඹිනි. දෙවියන් වෙනුවෙන් පවත්වනු ලැබූ නැටුම් අංග කීපයක්ම අවසන් රන්දෝලි පෙරහරේ ගමන් කළේය. පත්තිනි දෙවියන් වෙනුවෙන් තෙල්මේ නැටුම, දෙවොල් දෙවියන් වෙනුවෙන් දෙවොල් නැටුම, කතරගම දෙවියන් වෙනුවෙන් මොණර නැටුම හා විෂ්ණු දෙවියන් උදෙසා විෂ්ණු මල් අස්න ආදී නැටුම් අංග ඒ අතර විය. පන්දම් පාලිය, මහාසෝනා යක්ෂ නැටුම, සැන්දෑ සමය, කලස් පාලිය, සළුපාලිය, හැන්දා කුමාර සමයම ආදී ශාන්ති කර්ම පදනම් කරගත් නැටුම් ද ශුද්‍ර මාත්‍රා, වඩිග පටුන, ගජගා වන්නම, සින්දු වන්නම, රිද්දියාගය, මාත්‍රා පහ ආදි පහතරට නැටුම් ද ලී කෙලි, මෝල්ගස් නැටුම, කොතලපදය, වේවැල් දඟරය, සමනල නැටුම ආදී ගැමි නැටුම්ද, පෙරහර වර්ණවත් කළේය.


සම්ප්‍රදායානුකූලව උඩරට වෙස් නැටුම පෙරටුකොට රජතුමා නියෝජනය කරමින් මහත් තේජසින් යුතුව, පෙරහරේ මහා භාරකාරවරයා ලෙස බස්නායක නිලමේ වරයාද ගමන් ගත්තේය. ‘දෙවිනුවර පෙරහර හා දේවාලය සම්බන්ධව දෙවිනුවර ධීවර ජනතාවගේ ඇත්තේද සහ සම්බන්ධයකි. පෙරහර කාලය තුල දෙවිනුවර ධීවර ජනතාව රස්සාවේ යෑම සම්පූර්ණයෙන්ම නවතා දමයි. ඔවුන් මහත් භක්තියෙන් යුතුව කාවඩී නැටුම් නටමින් පෙරහරේ ගමන් කිරීම දෙවිනුවර පෙරහරටම ආවේණික වූ අංගයකි.’ මුහුදේදී සිය ජීවිතවලට පූර්ණ ආරක්ෂාව රැකවරණය ලබා දෙන්නේ ශ්‍රී විෂ්ණු දෙවියන් බව ඔවුන් දැඩි සේ විශ්වාස කරයි. මෙවර පෙරහරේ ගෙනියන ලද කාවඩියක් ඊළඟ පෙරහර එනතෙක් සිය බෝට්ටුවේ රැගෙන යාමත් රස්සාවේ යෑමට ආහාර, ජලය, අයිස් ආදි සියලු සකලමනා බෝට්ටුවේ අඩුක්කුකර දේවාලයට පැමිණ පුද පූජා පවත්වා දේව රැකවරණය අයැද සිටීමත් මීට හොඳම නිදසුන්ය. සිංහල හා දෙමළ අලුත් අවුරුද්දට වඩා දෙවිනුවර ජනතාවට ඇසළ මංගල්‍යය භක්තිමත් සැණකෙලි සිරියක් ගෙන දෙන්නේද ඒ නිසාය.


ජයකාන්ත ලියනගේ

ප්‍රවෘත්ති නිලධාරී යෞවන කටයුතු සහ නිපුණතා සංවර්ධන අමාත්‍යාංශය



 

Monday, August 22, 2011

නිදොක් ශාස්තුවරයා

0
රන්දිව පුවත්පතෙන්

Sunday, August 7, 2011

හිරු කුමරුට දාව සඳ කුමරිය බිහිකළ සිංහලේට විජයගේ වාසගම ඇයි?

0
රන්දිව පුවත්පතෙන්