Monday, July 23, 2012

ලොව විශිෂ්ටතම පිරමිඩය සිරිපා පහස ලද සමනළ කන්ද

6

ලොව විශිෂ්ටතම පිරමිඩය සිරිපා පහස ලද සමනළ කන්ද
දෙවන කොටස

හෙළ ජාතිය පිටසක්වලින් පැමිණි ජාතිකයින් විය හැකි යැයි සිතූ ඇමරිකාවේ නාසා ආයතනය පිටසක්වළ ජීවීන්ට යැවූ සාම පණිවුඩය දෙවැන්නට සිංහළ බස ඇතුළු කළේය. හෙළයා පිළිබඳ එලෙස සිතන්නට හේතු වූ කරුණු කාරණාද නැතුවා නෙවෙයි. එයට බලපෑ ප‍්‍රධානම කාරණය වූයේ ලාංකිකයන් ලෙස අප පිළිනොගත් රාවණ තාක්‍ෂණය ඇමරිකානු පනස්එක් වැනි ජනපදයේ (Area-51) පර්යේෂණ තුළින් සනාථ කරගැනීමයි.

අපට රාවණා යුගය මිත්‍යාවක් වුවත් එය දිනෙන් දින නව තාක්‍ෂණය සොයායන පංච මහා බලවතුන්ට නම් මිත්‍යාවක් වූයේ නැත. විශ්වය පුරා දියුණු ජීවී වර්ග හයදහසකටත් අධික සංඛ්‍යාවක් ජීවත්වන බව මේ වන විට සොයාගෙන හමාරය. රාවණා පරපුර නැතහොත් සුර්යයාගේ සිට පැමිණි පරපුර පෘථිවියට පැමිණියේ "ඇල්නිලම්" යන තාරකාවේ සිට බවට විශ්වාසයක් පවතී.

"ඇල්නිලම්" තාරකාව යනු ක්‍ෂිතිජය පුරා විසිර ඇති තරු රටා අතර පිහිටි දඩයක්කාරයා නැතහොත් ඔරායන්ගේ බඳ පටියේ මධ්‍යයේ ඇති තාරකාවයි. අදින් වසර දස දහස් ගණනකට පෙරදී මෙම බඳ පටියේ පිහිට තරු නැතහොත් ග‍්‍රහලෝක තුන ත‍්‍රිකෝණයක ආකාරයෙන් පිහිටා තිබුණි. අද වන විට ඇල්නිලම් ග‍්‍රහලොව දෙපසින් පිහිටි ග‍්‍රහලෝක දෙකේ චුම්බක බලය මත එක පෙළකට පිහිටා ඇති බව විද්‍යාඥයන් සොයාගෙන ඇත.


මෙම ති‍්‍රත්ව ග‍්‍රහලෝක තුළ එකම ජීවි විශේෂයක ජනපද පිහිටි අතර, එක්වරම ප‍්‍රබල පිටසක්වළ ආක‍්‍රමණයකට ඔවුනට මුහුණදීමට සිදුවිය. දිගින් දිගට පැවති මෙම ආක‍්‍රමණකාරී තත්ත්වයන් මත එම ග‍්‍රහලෝකවල පරිසර පද්ධතිය බොහෝසෙයින් බිඳවැටුණි. "ඇල්නිලම්" ග‍්‍රහලොවේ පරිසර පද්ධතිය පෘථිවි පරිසරයට වඩා වසර හැටකින් පමණ ඉදිරියෙන් පවතී. එසේම එය මියෙදෙමින් පවතින ග‍්‍රහලෝකයක් බවට පත්ව ඇත. "ඇල්නිලම්" ග‍්‍රහලෝක වැසියෝ (බුදු බණට අනුව ආහස්වර දෙව්ලොව) තම බිඳ වැටෙන ග‍්‍රහලොව රැකගැනීම උදෙසා නව ක‍්‍රමවේද සෙවූහ. හෙළ රාවණ පරපුර බිහිවන්නේ එලෙසය.

පෘථිවිය යනු ජීවි ග‍්‍රහලොවක් වුවත්, දියුණු ජීවි පරපුරක් සිටියේ නැත. ඩයිනෝසර් වැනි මාංශ භක්‍ෂක අති විශාල ජීවීන් විනාශ කර දමන්නට "ඇල්නිලම්" නම් පිටසක්වළ ජීවීහු කටයුතු කළේ දැවැන්ත න්‍යෂ්ටික පිපිරීමක් සිදු කිරීමෙනි.

මෙම පිපිරීමෙන් ජීවී විශේෂ බහුතරයක් විනාශ වී ගිය අතර ඉන් වත්මන් ඇමර්සන් ප‍්‍රදේශය ආශ‍්‍රිතව වෙසෙන සත්ව විශේෂ බොහොමයක් සුරක්‍ෂිත විය. මෙම ඉතිරි වූ ජීවීන්ගෙන් තෝරාගත් සත්ව විශේෂයක ජාන මගින් නව මිනිස් විශේෂයක් බිහිවිය. ඒ අද අප කතා කරනා පෘථිවිවාසීහුය.



"ඇල්නිලම්" පිටසක්වළ ජීවීහු තම පෘථිවි ශිෂ්ටාචාර ගොඩනැගීමේ කි‍්‍රයාන්විතයේ මුලස්ථානය ලෙසින් පවත්වාගෙන ගියේ හෙළදීපයයි. එයට බලපෑ ප‍්‍රධානතම හේතුව වූයේ එකල භූමි පිහිටීම අනුව පෘථිවියේ මධ්‍ය ලක්‍ෂය හෙළ දේශය තුළ පිහිටීමයි.

අනෙක් කරුණ වූයේ හෙළ ද්වීපය තුළ ඉහළට හා පහළට ශක්තිය ගමන් කරනා විශ්ව බල කේන්ද්‍ර දෙකක් පැවතීමයි. මේ හරහා විශ්වයේ සිට පැමිණෙන යානාවලට ලේසියෙන් පැමිණීමට හැකිවීමත්, පිටව යන විට ලෙහෙසියෙන් පිටව යෑමට හැකියාව පැවති බවටත් විශ්වාස කෙරෙයි.

හෙළ රාවණ පරපුර යනු එලෙස බලන කල "ඇල්නිලම්" ග‍්‍රහලොවේ සිට පැමිණි ජීවීන්ගේ ව්‍යාප්තියකි.

හෙළ ඇසුර අධිරාජ්‍යයේ ව්‍යාප්තිය හරහා ලොව පුරා ශිෂ්ටාචාර ගොඩනැගුණු බව පෙර රාවණ ලිපිවලින් අප කතා කළෙමු. පෘථිවිය ජනාවාසවීම හා මිනිස් පරිණාමවාදය පිළිබඳ මෙතෙක් පැවති මතවාදයන් බිඳ වැටී වෙනස්ම කතාන්තරයක් කරළියට පිවිස ඇත.

මේ කතාවට පදනම සැකසෙනුයේ ලොව බලවත් රටවල් පහ එක්ව හොර රහසේ පවත්වාගෙන යන පිටසක්වළ ජීවීන්ගේ සබඳතා පිළිබඳ තොරතුරු සාමාන්‍ය මිනිසුන් වෙත ගලා ඒමත් සමඟය.

පිටසක්වළ ජීවීන් පිළිබඳ පරීක්‍ෂණ පැවැත්වූ මුල් කාලවකවානුවල විශ්වයට පණිවුඩ යවමින් ඔවුන් හා සබඳතා ගොඩනගාගැනීමට උත්සාහ ගත් ඇමරිකාවේ ඒරියා 51 පරීක්‍ෂක කණ්ඩායම් අවදානමක්ද අතට ගෙන කටයුතු කළහ. ඒ විනාශකාරි පිටසක්වළ ජීවී කාණ්ඩයක් පැමිණියහොත් යන ගැටලූවය. ඒ සඳහා පරමාණු අවි භාවිත කළ හැකි වේ යැයි සිතා පෘථිවි කක්‍ෂයට ඔවුන් පිවිසෙන අවස්ථාවේදීම පුපුරුවා හැරීම ඒරියා 51 කණ්ඩායමේ ඉලක්කය විය.

එහෙත් එය මහා විහිළුවක් බව ඔවුනටම පසක් වූයේ ආලෝක වර්ෂ ගණනක් පැමිණීමට තරම් දියුණු තාක්‍ෂණයක් සහිත ජීවි විශේෂයකට පරමාණු ශක්තිය යනු රතිඤ්ඤාවක් තරම්වත් වැදගත් නොවන දෙයක් බව පසක්වීමත් සමඟය.

මිනිසා යනු කෘතිමව නිපදවූ ජීවියෙකු බව අද විද්‍යාව විසින් පිළිගෙන හමාරය. එයට බලපෑ ප‍්‍රධානම හේතුව වුයේ විද්‍යාවේ සාමාන්‍ය නියමයන්ට අනුව එකකට එකක් සම්බන්ධ වෙමින් ජීවීන් තුළ පරිවර්තනය සිදු වුවත් මිනිස් පරිණාමය තුළ අවස්ථා දෙකක් අතුරුදන් වී තිබීමයි. එසේනම් යම් සත්ව විශේෂයක පරිණාමය යම් දියුණු ජීවීන් පිරිසක් විසින් වෙනස්කර පැවැතිය යුතුය. මෙම හේතුව මත ඇමරිකාවේ ඒරියා 51 කණ්ඩායම හා පිටසක්වළ ජීවීන් සමඟ කළ සංවාද හරහා මෙතෙක් ගැටලූවක්ව පැවති බොහෝ තෙරතුරු ටිකෙන් ටික එළිවන්නටද විය.



හෙළ අධිරාජ්‍ය මුල්කරගනිමින් ලොව පුරා ජනපද හතක් ගොඩනැංවීය. මෙම ගොඩනැගූ ජනපදවල පාලනය ගෙනයාම සිදුවූයේ "ඇල්නිලම්" ග‍්‍රහලෝකවාසීන්ගේ මුල්වීමෙනි. අප දෙවිවරු ලෙස පිළිගන්නේ ඔවුන්වය. ඔවුනට පහළින් තම රාජ්‍ය ව්‍යාප්තිය සහ "ඇල්නිලම්" ග‍්‍රහලොවේ ජීවත්වන පිටසක්වළ ජීවීන්ගෙන් දීර්ඝායුෂ වෙනුවෙන් නිපදවන ලද මිනිසුන් නම් සත්ව විශේෂය ජීවත් විය.

මිනිසුන් නිර්මාණය කිරීමේදී ඔවුන් තුළ ඇති කරන ලද වේගවත් ව්‍යාප්තියට අදාළ හෝර්මෝන වෙනස්කම් හේතුවෙන් අති වේගයෙන් ලොව පුරා මිනිසුන් ව්‍යාප්ත විය.
රාවණ පරපුරට අයත් ප‍්‍රබල බලගතු ආයුධයක් මෙන්ම රාජ්‍ය සංකේතය ලෙසින් සැලකූ දම් පැහැ ආලෝකයක් නිකුත් කරන කුඩා ප‍්‍රමාණයේ "චන්ද්‍රහාස්" ලෙසින් හැඳින්වෙන කඩුවද මෙම ප‍්‍රධාන ජනපද හත උදෙසා ලබාදුන් රාජ්‍ය සංකේත හතයි.

පෘථිවිය "ඇල්නිලම්" ග‍්‍රහලොව යටතේ පාලනය වූ ග‍්‍රහලොවක් බැවින් මෙහි පාලන ඒකක ගෙන ගියේ එම ග‍්‍රහලොවේ නියෝජිතයන් මගිනි. මායා, මිසර, පේරු ආදී ශිෂ්ටාචාරවල මෙන්ම බොස්නියා ශිෂ්ටාචාරවලින් හමුවූ පිරමීඩවල ද මෙම කඩුවල රූප සටහන් දැකගත හැකි වෙයි.

සෑම ශිෂ්ටාචාරයක් තුළම ඔවුන් විශේෂිත පිරමීඩ තුනක් ගොඩනැගූහ. "ගිසා" පිරමීඩ මෙලෙස ඉදිකළ පිරමීඩවලින් ලොව ජනපි‍්‍රයතම පිරමීඩ ති‍්‍රත්වයයි. මෙම පිරමීඩවල පිහිටීමත් ඔරායන් බඳ පටියේ ග‍්‍රහලෝකවල පිහිටීමත් එකිනෙකාට සමාන වෙයි. (තරු තුනේ ජායාරූපයක් පිරමීඩ මත තැබූ විට පිරමීඩවල මධ්‍ය ලක්‍ෂය මත පිහිටයි.

ගිසා පිරමීඩ මෙන්ම බැබිලෝනියානු ශිෂ්ටාචාරය ගුවනින් ආ හෙළයෝ විසින් නිර්මානය කරන ලද බව මේ වනවිටත් තහවුරු කරගෙන හමාරය. ගිසා පිරමීඩ ලොව ජනපි‍්‍රයවනුයේ එය පොළව මතුපිට පැහැදිලිවම දැකගත හැකිවීම නිසාය.

නමතම සොයාගැනීම් හරහා ප‍්‍රධාන ශිෂ්ටාචාර හත තුළම ඉදිකර ඇති පිරමීඩ පිළිබඳ රහස් එළිවෙමින් පවතියි. මේ අතර ඉන්දියාව, පේරු, බොස්නියා ආදී රටවල පිරමීඩ පිළිබඳ ද තොරතුරු හෙළිවෙමින් පවතියි. මෙම රටවල් අතරට ලංකාවත් එක් වෙතැයි පැවසුවහොත් ඔබ පුදුමයට පත්වනු ඇත.

ස්වභාවික කඳු, පිරමීඩ බවට පත්කිරීම මුලින්ම කි‍්‍රයාවට නැඟුණේ හෙළ පොළවෙනි. ලොව ප‍්‍රථම ස්වාභාවික පිරමීඩය සමනළ ගිරයි. මේ තුළ ප‍්‍රබල කි‍්‍රයාකාරිත්වයකින් යුත් ස්වාභාවික පිරමීඩයක් පවතියි. ඉන්පසු කි‍්‍රයාකාරී මට්ටමේ ඇති පිරමීඩ ති‍්‍රත්වය පිහිටා ඇත්තේ බොස්නියාවේය. එහි හිරු, සඳු හා පොළොව ලෙස නම්කළ ස්වභාවික පිරමීඩ තුනක් පවතියි.



එලෙසම පේරු රාජ්‍යය තුළ ස්වභාවික වැලි පිරමීඩයක් දැකගත හැකි වෙයි. ඉන්පසු චීනයේ සුප‍්‍රසිද්ධ සුදු පිරමීඩයද ස්වභාවික පිරමීඩයකි. ඉන්දියාවේ කෛලාෂකූඨයද ස්වභාවික පිරමීඩයක් බව මේ වන විට විද්‍යාඥයන් තහවුරු කර අවසානය.

ගිසා පිරමීඩ, බොස්නියා පිරමීඩ මෙන්ම අප රටේ රාවණ යුගයටත් කලින් ඔරායන් බඳ පටියේ ග‍්‍රහලෝක ඉලක්ක කර ඉදිකළ විශේෂිත පිරමීඩ තුනක් පැවතුණි. ඒ රුවන්වැලි සෑය, ජේතවනය හා මිරිසවැටියයි. එහෙත් මෙම දාගැබ්වලට ඇත්තේ වසර දෙදහස් ගණනක ඉතිහාසයක් යැයි ඔබ කියනු ඇත.

නමුත් එය එසේ නොවේ. මෙම ස්ථානවලම පසුකාලීනව විශාලව දාගැබ් ඉදිවූවා මිසක හෝ නොමැති නම් පිරමීඩ සඟවා දැමුවා මිස අලූතින් ඉදිවුයේ නැත. මෙම දාගැබ් නිසා පිරමීඩ තවමත් කි‍්‍රයාකාරීත්වයෙන් පවතී.

පිරමීඩ යනු ශක්තිය ගබඩා කොට එම ශක්තිය තම මවු ලොවට ලබාදෙන මධ්‍යස්ථානයන්ය. මෙහිදී දාගැබ් හරහා එම ග‍්‍රහලෝක තුළට අවශ්‍ය ජලය ගමන් කිරීම සිදුවන අතර, ගිසා පිරමීඩ හරහා එම ලොවට අවශ්‍ය අග්නි කදම්භ ප‍්‍රවාහනය වීම ස්වාභාවිකව සිදුවෙයි.

සමනළගිර මෙම පිරමීඩවල මධ්‍යස්ථානය ලෙසින් ස්වභාවිකවම කි‍්‍රයාත්මක වෙයි. බුදු බණට අනුවද දෙවියන් ජීවත්වනුයේ මිනිසුන්ගේ චිත්ත ශක්තිය මත යැපෙමිනි. අපි පිංදීම යනු අපේ චිත්ත ශක්තිය ඔවුන් ආරෝපණය කරගැනීමයි. සමනළගිර යනු අති බහුතර ලෙස චිත්ත ශක්තිය ආරෝපණය කරගනිමින් කි‍්‍රයාත්මක වන ශක්ති ගබඩාවකි. එනම් "ඇල්නිලම්" නැතහොත් ආහස්වර වාසි දෙවියන්ගේ දේව ශක්තිය වර්ධනය කිරීම උදෙසා චිත්ත ශක්තිය සපයන පිරමීඩයකි. මේ සියල්ල අදටත් කි‍්‍රයාත්මක වෙමින් පවතී. අපට මෙය අරුමයක් වුවත් ඇමරිකාවට හෝ චීනයට මෙය අරුමයක් නොවෙයි.

ඔවුන් විශ්ව ජීවින්ගෙන් සියලූ රහස් දැනගෙන සිටින නිසාය. රාවණ පරපුර නැතහොත් පෘථිවිය ජනාවාස කළ මුල් පරපුර පිටසක්වළ ජීවීන් වුවත් අප සහ ඔවුන් අතර ලේ සබඳතා තිබේ. සත්‍ය වශයෙන්ම මෙය අපට ආඩම්බරයකි.
හෙළයන් ලෙස අපට කළ නොහැක්කක්ද නොමැත්තේ එබැවිනි.

- වෛදික ජ්‍යොතිෂ්‍යවේදී කාංචන ගීත මනමේන්ද්‍ර

-සම්බන්ධිත පුවත්-

http://www.gossip9.com/2012/07/blog-post_14.html

පළමු කොටස
දඬුමොණර තාක්‍ෂණයෙන් 2016 දී ශ‍්‍රී ලාංකිකයෙක් උඩුගුවන ජයගනියි

6 Response to ලොව විශිෂ්ටතම පිරමිඩය සිරිපා පහස ලද සමනළ කන්ද

July 23, 2012 at 4:17 PM

සිංහලයේ දියුණු තාක්ෂණයක් තිබුණුබව ඇත්ත... එය අතිශෝක්තියෙන් සහ බොරුවෙන් වර්ණනා කිරීමයි වැරදි. මේ ලිපිය ලියන්න ගොසිප් සයිට් , එක එක්කෙනා දාන පොස්ට් සහ සිතින් මවාගත් තොරතුරු ඇරෙන්න පිළිගතහැකි සාධාරණ තොරතුරු ඇතුලත් මුලාශ්‍ර මොනවාද....?.තිබේ නම් ඒවා කරුණාකර ගෙනහැර දක්වන්න.මුසාවෙන් ජාතිය වුවද වර්ණනා කිරීම නියම සිංහලයකු විසින් නොකළ යුත්තකි.

July 23, 2012 at 5:37 PM

සමහර දේවල් ගැටලු සහගතයි. නමුත් ලංකාවෙ දියුණු තාක්ෂණයක් තිබිලා තියනව කියන එක පිලිගන්න වෙනව.

July 23, 2012 at 6:16 PM

Ancient Aliens: The Series - Gods & Aliens (Season 2, Episode 2)

http://youtu.be/WYurVV8_SFE

July 23, 2012 at 6:20 PM

Wormholes (3:08)

Did wormholes carry extra-terrestrial travelers to Earth in ancient times, or are they merely objects of conjecture in theoretical physics?

http://www.history.com/shows/ancient-aliens/videos/wormholes#wormholes

July 23, 2012 at 6:27 PM

Are sacred places the product of man's reverence for God--or the result of contact with ancient space travelers? Jerusalem's Temple Mount has been called a heavenly gateway. Islam's shrine at Mecca displays a Black Stone believed to have fallen from heaven. And the temple at Baalbek, Lebanon was built on a massive stone structure resembling a landing pad. Did man encounter divine beings at these holy places, or might they have met ancient extraterrestrials?

DVD available here:
http://shop.history.com/index.php?v=history_show_ancient-aliens&pa=PRF-21...

http://youtu.be/PDb_-tMa8IA?hd=1

August 27, 2012 at 1:00 PM

චාරක .ලෝකෙට හෙළිනොකරන ඔහොම රහස් තියෙන බව ඇත්ත.ඒත් රන්දිව පත්තරේ කාන්චන මනමේන්ද්‍ර සමනළ කන්ද පිරමිඩ් එකක් කියලා කියන්නෙ කිසිම ගවේශනයක් කරන්නෙ නැතිවයි.එයා කියන්නෙ එයාට භාවනාවෙන් ඒ තැන් ගැන දැනගන්න පුලුවන් වුණා කියලා.ඒව විශ්වාස කරන්න තරම් පිස්සුවක් මිනිස්සුන්ට නෑ. හරියට ගවේශනයක් නොකර මෙහෙම වල්පල් දොඩන එකෙන් වෙන්නෙ රාවණ රජතුමාගෙ නාමය හෑල්ලු වෙන එක

Post a Comment

අදහස් සහ උදහස්

..