රාවණා රජු විසින් රාමගේ බිසව වූ සීතා පැහැරගෙනවිත් සඟවාතැබුවේ යැයි සැලකෙන වැල්ලවාය කරඳගොල්ල ප්‍රදේශය ආශි‍්‍රතව හෙළගල්බොක්ක ප්‍රදේශයේ සිට බණ්ඩාරවෙල දෝව ප්‍රදේශය තෙක් කිලෝ මීටර් 40ක් දුරට විහිදී ඇති උමං මගක් සොයා ගැනීමට වැල්ලවාය කලාප අධ්‍යාපන කාර්යාලයේ ගුරු උපදේශකවරු පිරිසක් සමත් වූහ.
මේ ප්‍රදේශය ස්ත්‍රීපුරය ලෙස හැඳින්වූ බවත් ඉතා පියකරු ස්ත්‍රියන් මෙහි නිතර නිතර ගැවසුණ බවට ඉතිහාස කතා සඳහන් කරන බවත් ප්‍රදේශවාසීහු පවසති. මේ උමං මගේ මීට වසර 30 - 40 කට උඩදී ඇතෙකු පිට උඩ නැඟී හෝ යා හැකිව තිබූ බවත් එය මේ වන විට හුණුමල් වලින් වැසී අවහිරව ඇති බවත් ප්‍රදේශවාසීහු පවසති. මේ උමඟ පිළිබඳ නිරීක්‍ෂණ චාරිකාවක් පසුගියදා අධ්‍යාපන කාර්යාලයේ බුද්ධධර්මය පිළිබඳ විෂය උපදේශක මොදරවානේ සුධම්ම හිමියන්ගේ මග පෙන්වීම මත සිදු කෙරුණි. හෙළගල්බොක්ක ප්‍රාථමික විද්‍යාලයේ විදුහල්පති ආචාර්ය ශිෂ්‍ය මණ්ඩලය , ශිෂ්‍යාවෝද වැල්ලවාය කලාප අධ්‍යාපන කාර්යාලයේ නැටුම් උපදේශීකා තාක්‍ෂණ විෂය උපදේශක වරයාද මේ අවස්ථාවට සහභාගි වූහ.
උපුටා ගැනීම - http://www.dinamina.lk/2011/04/20/_art.asp?fn=r11042010
No Response to "රාවණා රජු සීතා දේවිය සඟවා තැබූ උමඟක් වැල්ලවායෙන් සොයාගනී"
Post a Comment
අදහස් සහ උදහස්